JAMES 3 - Ottawa New Testament Penteteuch and Psalms 1874

¹ Nejekewaëdoog, kahween kegahbahtuhyeënseem kakenooähmahgayag, kekanduhmag nenuhwind kakenooähmahgayaung ahwahshema chetebahkoonegooyaung.

² Nuhningim mahween kuhkenuh anduhsheyung kemujje‐ezhechegamin. Kishpin ahweyah mujje‐ezhewabezesig emuh ekedoowining, me suh owh ahpeche quuhyuk‐ezhewabezid, ookushketoon dush cheshahgoojetood anegookwahnig tebenuhwa weyow debishkoo azheshahgoojeïndwah papazhegookunzheeg nabedoonabejegun ayoong.

³ Benuh kedahtoonahnin enewh nabedoonabejegunun emuh oodoonewaung egewh papazhegookunzheeg cheöonje‐dabwatoonungwah; mesuh wanje‐quaquakebetoowaung kuhkenuh anegookwahnig ooweyowewaun.

⁴ Benuh kuhya enewh nahbequaunun, ahnahwe kechemechahwun kuhya keche‐kezheähsinoon oonje keche‐nooding, kuhya ahnahwe keche‐ahgahsahmahgud oodahkaun, ezhequakahsinoon tebe anequaühmoogwan owh wadahkad.

⁵ Me suh azhewabuk oodanuhnewemah, ahnuhween goo ahgahsahmahguk emuh weyowemaung keche‐muhmequahzoomahgud. Benuh keche nebewah metigoog chahgezoowaud matikwuhkeeng sakittagin ahnuhween pungeshawuk ewh ishkooda!

⁶ Ishkoodang enandahgwud ewh oodanewemah, uhkeeng mesuh anegookwaug ewh mujjeëzhewabezewin wanjeemahguk emuh oodanenewhemaung: mesuh azhewabuk ewh oodanuhnewhemah emuh keyowenauning, oonje‐weenud ewh weyowemah kuhya oonje suhketag kuhkenuh ahnooj gagoo kahoozhechegahdag; kuhya ween oonje suhketamahgud emuh mujje‐ishkoodang.

⁷ Ahnooj doowah ahwaseyug, kuhya penashewug, kuhya kenabigoog, kuhya kuhkenuh emuh kechegummeeng ayahjig waungahweähwug, oogewaungahweëgoowaun enewh enenewun.

⁸ Kahween ahweyah ootawahwaunguhwetooseen ewh oodanuhnewhemah, puhgwuj‐ahyahaung ezhemujje‐uhye‐eeweshewun, mooshkenamahgud suh ewh nashewamahguk mujje‐mushkeke.

⁹ Me suh ewh ayooyung wahyahwezhanemungoon Kesha‐Muhnedoo Wayoosemind; mesuh kuhya ayooyung maje‐guhnoonungwahnin enenewug, egewh kahoozheïndjig emuh oodezhenahgoozewining Kesha‐Muhnedoo.

¹⁰ Me goo pazhikwung oodoonemah wanjeemahguk ewh wahwezhaningawin kuhya mujje‐kuhnooningawin. Nejekewaëdoog kahween oo‐oo tahezhewabussenoon.

¹¹ Emuh nuh mookejewunoong oonjejewun mahmahwe waushkoobahgummig neebee kuhya wahsuhgahgummig?

¹² Figoominahgahwunzheeng enuh, nejekewaëdoog, tahoonje‐ahyahmahgudoon enewh oliveminun? gamuh shooweminahgahwunzheeng tahoonje‐ahyahmahgudoon enewh figoominun? mookejewunoong kahween tahoonjejewunsenoon mahmahwe ewh shahwetahgunahgummig nebee kuhya ewh shahwetahgunahgummesenook.

¹³ Ahwanan owh nabwahkaud kuhya natuh‐kekanjegad anduhsheyag? emuh oomenoo‐ezhewabezewining oogahoonje‐wahbundahewanun enewh oodahnookewinun mahmahwe ewh bakah‐bemahdezewine nebwahkahwin.

¹⁴ Kishpin dush ahyahmag mujje‐keshahwanindewin kuhya megahdewin emuh kedaëwaung, kagoo muhmequahzookagoon, kagoo kuhkenuhwishkekagoon chegebahnah-jetooyagoobun ewh dabwawin.

¹⁵ Oo‐oo doowah nebwahkahwin kahween ishpeming oonjeemahgussenoon, uhkeeng suh debandahgwud, weyahsemaung oonjeemahgud, kuhya mujje‐muhnedoong ezhewabud.

¹⁶ Tebe muh anduhgoogwan ewh keshahwanindewin kuhya kekaundewin, me emuh anduhgoomahguk ewh nishewahnahduhkummegezewin kuhya kuhkenuh mujje‐ahnookewinun.

¹⁷ Ewh mahween nebwahkahwin ishpeming wanjeemahguk netum peenud, menuhwah dush bakahdezemahgud, nookahdezemahgud, kechewanepunezemahgud gagoo nundooduhming, netuh‐shahwanjegamahgud, netuh‐menoo‐menewemahgud, kahween papekinoong enanduhmoomahgussenoon, kah kuhya ahnuhmeäkahzoomahgussenoon.

¹⁸ Egewh dush pazauneëwajig emuh pezaunezewining oodezhesuhswa‐wabenahnahwah enewh quuhyuk‐ezhewabezewine‐menewinun.