JAMES 1 - Ottawa New Testament Penteteuch and Psalms 1874

¹ James, Oobuhmeetahgunun Kesha‐Muhnedoo kuhya owh Tabaningad Jesus Christ oodoozhebeühmahwaun enewh metahswe‐ahshe‐neezh bapukkaun azheweenzoonejin chachuhchebaum ayahnejin, keduhnuhmekoonenim.

² Nejekewaëdoog, moojeganduhmook uhpe pangeshinagoon emuh ahnooj kuhgwatebanemegoowining;

³ Oo‐oo kekanduhmag, uhpe nundahkekanjegahdag kedabwayanduhmoowinewah oondenegahda ewh shuhshebanduhmoowin.

⁴ Mahnoo ewh shuhshebanduhmoowin tahwahweengazemahgud cheöonje‐wahweengazeyag kuhya chetaminwandahgoozeyag, kuhnuhga gagoo noondasasewag.

⁵ Kishpin dush ahweyah menik anduhsheyag muhnazid nebwahkahwin, mahnoo oogahnundooduhmahwaun Kesha‐Muhnedoon, mesuh owh mahnaud kuhkenuh enenewun sahsahgezesig, kah dush mujje‐guhnoozhewase, tahmeenah dush owh nandoodahmahgad.

⁶ Emuh dabwayanduhmoowining tahezhenundoodahmahga, kuhnuhga ahgoonwayanduhsig. Owh suh ahyahgoonwayandung enandahgooze debishkoo kechegummeeng duhzhe tegoo puhbuhmewabuhoogoong kuhya uhyoombe-wabuhoogoong oonje nooding.

⁷ Kahween wah‐owh enene tahenanduhse kagoo chewemeenegood enewh Tabaninganejin.

⁸ Owh enene papukkaun uhyenandung kahween soongekahbahwese emuh oodezhewabezewining

⁹ Mahnoo owh wejekewaëmah dabussandahgoozid tahmoojegeze oonje kekechetwahwandahgooïnd;

¹⁰ Owh dush kachetwahwezid enene, oonje kedahbussanemooïnd: debishkoo muh mezhushkoo‐wahwahsuhkoonang tahezheïshquah‐nahgooze

¹¹ Uhpe muh kahmookesad kezis kache‐kezhahtagin, chahgedawun enewh mushkoosewun, kuhya pungesinoon enewh mushkoosewine wahwahsuhkoonan, kepezhegandahgwukebun bahnahdud: me suh kaëzhebahnahdezid owh kachetwahwezid enene emuh oodezhetwahwining.

¹² Shahwandahgooze suh owh enene swaungekahbahwid uhpe kagwatebanemindjin: uhpe muh keïshquah-kuhgwatebanemind oogahoodahpenaun bemahdezewine‐oogemah‐wewuhquaun, ewh Tabaningad kahwahweendahmahgad chemeenaud enewh suhyahgeëgoojin.

¹³ Kahween ahweyah enene tahekedoose uhpe kagwatebanemindjin, Nekuhgwatebanemik Kesha‐Muhnedoo: kah muh Kesha‐Muhnedoo oodahkuhgwatebanemegooseen ewh mujje‐uhyeewish, kah dush ookuhguatebanemahseen ahweyah enenewun:

¹⁴ Anduhshid enene kuhguatebanemah, uhpe pukkawenegood ewh tebenuhwa oomujje‐nundahwanduhmoowin kuhya kuhgwatebanemegood,

¹⁵ Uhpe kahunjekoomahguk ewh mujje‐nunduhwanduhmoowin, mesuh wanje‐neegemahguk mujje‐ezhewabezewin, kuhya mujje‐ezhewabezewin uhpe kahkezhechegahdag, oonje‐neegemahguk neboowin.

¹⁶ Kagoo wuhnishenookagoon emuh kedenanduhmooninewaung, suhyahgeënuhgoog nejekewaëdoog.

¹⁷ Kuhkenuh wanesheshingin meegewawinun kuhya kuhkenuh manwandahgwukkin meegewawinun ishpeming oonjemahgudoon, emuh anduhzhe ahyaud owh Wayoosemegood enewh wahsayahzewinun, owh wekah ahyaundahkoonegasig kuhya quakezhewabezesig.

¹⁸ Ween tebenuhwa oodenanduhmoowin kahoonje‐oogwissemenung duhyabwamahgudenig oodekedoowin keahyood, tahnuhsug netum sagukkenegahzoojig cheëzheähyahyung menik anduhshenid enewh kahoozheähjin.

¹⁹ Mahnoo dush, suhyahgeënenuhgoog nejekewaëdoog, kuhkenuh enenewug tahwaweebetahwug chenoonduhmoowaud, zebishkauj edush tahkekedoowug, tahzebishkahje-kedahzoowug:

²⁰ Emuh suh enene oonishkahdezewining kahween oonjeemahgussenoon ooquuhyukwahdezewin Kesha‐Muhnedoo

²¹ Benuh dush, wabenuhmook kuhkenuh weenezewinun, kuhya ewh kagwahnesuggandahgwuk mujje‐ezhewabezewin, kuhya emuh nookahdezewining ezheöodahpenuhmook ewh ekedoowin kahahtahmahgooyag peenjenuh, ewh kaöonje‐bemahjeïndwah kejechaugoowaug.

²² Anahkoonegamahguk ewh ekedoowin ezhewabezeyook, kahween atuh goo chenoonduhmag, wuhyazhindezooyag.

²³ Kishpin mahween ahweyah noondung ewh ekedoowin, ezhechegasig edush, debishkoo owh wuhyahbundung tebenuhwa oodangwy emuh wahbumoojechaugwuning:

²⁴ Kahwahbundezood suh uhnemahjah, bahbega dush oowuhnandaun kahezhenahgoozid.

²⁵ Ahwagwan dush nuhyahnahgahdahwanduhmoogwan ewh quuhyukwandahgwuk puggedenegahzoowine‐tebahkoonegawin, minjemandung dush, wah‐owh enene oonje wuhnanduhsig ewh kahnoondung, mekindung dush ween ewh ahnookewin, tahshahwandahgooze emuh oodezhechegawining.

²⁶ Kishpin ahweyah menik anduhsheyag, nindahnuhmeäh ananindezood, shahgoochetoosig dush tebenuhwa oodanuhnewh tahnahsug nahbedoonabejegun ahyood, wuhyazindung dush ween tebenuhwa ooda, kah ningood enahbuttussenene wah‐owh oodahnuhmeähwin.

²⁷ Pahnuk ahnuhmeähwin kuhya wahnussenook anahsuhmid Kesha‐Muhnedoo kuhya Wayoosemind oo‐oo ezhewabud, chemahwudussindwah egewh kahwuhsejig kuhya shahgahwejig magwah ketemahgezewaud, kuhya ahweyah cheguhnuhwanindezood cheweeneëgoosig maunduh uhkee.