I. TIMOTHEUSUN 5 - Ottawa New Testament Penteteuch and Psalms 1874

¹ Kagoo nuhneebekemahkan owh katezid, bakah guhnoozh ewh azheguhnoonudebun owh koos; egewh dush nahwuj washkenuhwawejig debishkoo kejekewaëwaug;

² Egewh nahwuj mandemooyaëwejig wageengin ezheguhnoozh, egewh ooshkenegequag debishkoo kedahwamaug, emuh kuhkenuh peenezewining.

³ Kechetwahwanim egewh shegaug, egewh kagate shahgahwejig.

⁴ Kishpin ahweyah shegah ahyahwaud enewh oonejahnesun gamuh oozheshaün, mahnoo netum egewh tahmenoo‐doodahgawug emuh andahwaud, oogahahzhittah‐menoo-doodahwahwaun tebenuhwa ooketezemewaun; me suh ewh manwandahgwuk kuhya manwahbuhmenahgwuk emuh anahsuhmuhbid owh Kesha‐Muhnedoo.

⁵ Benuh dush owh kagate shahgahwid, kuhya nazhekawezid, oodahpanemoonun enewh Kesha‐Muhnedoon, kuhya aunwahjee chenetuh‐ahnuhmeäud tabekudenegin kuhya kahzhegudenegin.

⁶ Owh dush equa mahkindung oomah uhkeeng duhzhe oonahnegoozewin neboo magwah bemahdezid.

⁷ Oonoo dush uhyeëen weenduhmow, ningood chemahnahdahjemahsewindwah.

⁸ Kishpin ahweyah oondenuhmahwahsig enewh tebenuhwa oodenuhwamahgunun, mamwach enewh dabandahgoozenejin emuh tebenuhwa oowegewauming, ahzhuh oogeahgoonewataun ewh dabwayanduhmoowin, nahwuj edush kuhgwahnesuggandahgooze owh dush ween duhyabwayanduhsig.

⁹ Mahnoo shegah tahtuhquahkoonah kishpin taningoodwahsoomeduhnah‐duhsoo‐pepoon‐uhgezid, kishpin keweweëgood pazhik atuh enenewun.

¹⁰ Kishpin minwahjemind oonje enewh menoo‐ahnookeewinun; kishpin kenetahwuggeäud enewh ahbenoojeeün, kishpin keöodahpenaud enewh mahyahdahwezenejin emuh oowegewauming, kishpin kesebegenahmahwahgwan enewh anuhmeähnejin oosittahne, kishpin keshahwanemahgwan enewh quaduggezenejin, kishpin kemekinduhmoogwan kuhkenuh wanesheshingin anookeewinun.

¹¹ Egewh dush nahwuj washkenegequawejig shegaug kagoo oodahpenahkan: uhpe muh kemahje‐ahgoonwatahwahwaud enewh Christun oonje oonahnegoozewaud oomah uhkeeng, tahweweedegawug.

¹² Ahyahmoowaud nahneboomegoowin oonje kewabenuhmoowaud ewh dabwayanduhmoowin netum kahezhedabwayanduhmoowaud.

¹³ Pakish dush kuhya goo ketemishkeähwug, puhpahpeendegawaud emuh pukkaun wegewauming; kahween atuh ketemishkewaud, oonetuh‐debahdoodahnahwah ahnooj gagoo, kuhya oonetuh‐bahbahmandahnahwah pakahnezejin oodahnookeewinene, kekedoowaud kageëzhekeke-doosigwahpun.

¹⁴ Nindenanemaug suh egewh ooshkenegequag cheweedegawaud, chenegeähwaud enewh ahbenoojeeün, cheguhnuhwanduhmoowaud ewh wegewaum, chedoodunsigwah gagoo kaöonje‐mujje‐duhzhemegoowaud enewh shaunganjeganejin.

¹⁵ Ahnind muh ahzhuh kepukkawug kenoopen uhnahwaud enewh Satanun.

¹⁶ Kishpin ahweyah enene gamuh equa duhyabwayandung ahyahwaud enewh shegaun, oogahshahwanemaun enewh, kah dush egewh anuhmeähjig tahoondenuhmahgasewug; cheöonje‐shahwanemahwaud enewh kagate shahgahwenejin.

¹⁷ Mahnoo egewh katezejig manoo‐oogemahkundahgajig nahwuj tahkechetwahwanemahwug, mamwach egewh anookeetungig ewh ekedoowin kuhya kekenooähmahgawin.

¹⁸ Oo‐oo muh ekedoomahgud ewh kechetwah‐muzzenuhegun, Kahween kegahkeboodoonapenahse owh pezheke kaähpishkahwaud enewh buhquazhegunushkoon. Kuhya, Owh ahnookeetahga‐wenene enandahgooze chetebahahmahwind.

¹⁹ Kagoo oodahpenunkan bahtaungawin bahtahmind owh katezid, kishpin atuh ahyahwaud neezh gamuh neswe kadebahjemoojig.

²⁰ Nuhneebikim egewh maje‐ezhechegajig anahsuhmewaud kuhkenuh, cheöonje‐sagezewaud egewh pakahnezejig.

²¹ Kedahyaungwahmemin emuh anahsuhmid Kesha‐Muhnedoo kuhya owh Tabaningad Jesus Christ, kuhya egewh kahwuhwanahbuhmindjig angenug, cheguhnuhwanduhmun oonoo uhyeëen, kuhnuhga kezhah tebahkoonegasewun, kah kuhya pekinnoong kegahdoodahwahse ahweyah.

²² Kagoo ahweyah enene shasekah puggijjeneenjenoo-tahwahkan, kah kuhya kegahweedookahmahwahseeg pakahnezejig oomujje‐ezhewabezewinewah: guhnuhwanindezoon chepeenezeyun.

²³ Kagoo kayahbe menequakan pezheshig nebee, ahyoon punge shoowemin‐ahboo, oonje kemesud, kuhya oonje netuh‐ahkooseyun.

²⁴ Ahnind enenewug oomujje‐ezhewabezewinewaun kezhah kekandahgwudenewun, negaun ezhahmahgudenig emuh tebahkoonegawining; ahnind dush enenewug oonoopenuhnegoonahwah oomujje‐ezhewabezewinewah.

²⁵ Me nahsaub kuhya ahnind oomenoo‐ezhewabezewinewah kezhah kekandahgwudenewun; kuhya enewh pukkaun azhewabukkin kahween tahkahjegahdasenoon.