I. TIMOTHEUSUN 4 - Ottawa New Testament Penteteuch and Psalms 1874

¹ Wahweenga dush ekedoo owh Keche‐Oojechaug, nahguj ahnind cheöonje‐pukkawaud emuh dabwayanduhmoowining, webezinduhwahwaud enewh wuhyazhingashkenejin oojechaugoomaun, kuhya mujje‐muhnedoon azhekuhgequanid;

² Kuhkenuhwishkewaud emuh ahnuhmeäkahzoowining; ookekanindezoowinewah kechahgedanig tahnuhsug ewh keshahbeketag pewahbik ahyoong;

³ Kenahahmahgawaud cheweeweeng, kuhya ekedoowaud chemeejesing meejim, kahoozhetood Kesha‐Muhnedoo cheëzheöodahpenuhmoowaud emuh mahmooyahwawining egewh duhyabwayandungig kuhya kakandungig ewh dabwawin.

⁴ Kuhkenuh mahween menik kahoozhetood Kesha‐Muhnedoo keche‐oonesheshin, kah dush gagoo tahwabenegahdasenoon, kishpin emuh mahmooyahwawining ezheoodahpenegahdag.

⁵ Peenechegahda suh oonje Kesha‐Muhnedoo oodekedoowin kuhya ahnuhmeähwin.

⁶ Kishpin mequanduhmoonudwah egewh wejekewaëmaug oonoo uhyeëen, kegahmenoo‐buhmeetahwah Jesus Christ, netahwuggeëgooyun emuh dabwayanduhmoowine ekedoowining, kuhya menoo‐kuhgequawining, ewh kahtakushketooyun.

⁷ Ahgoonwatun enewh anuhmeähwandahgwussenoogin kuhkenuhwishke‐debahjemoowinun, mindemooyaüg oodebahjemoowinewah, mekindun atuh enewh uhyeëen emuh ahnuhmeähwining dabandahgwukkin.

⁸ Punge suh atuh enahbuddud weyowemah anuhnookeemahguk; ewh suh atuh quuhyuk‐ahnuhmeähwin ahnooj gagoo enahbuddud, me muh emuh wahweendahmahwindwah egewh anuhmeähjig ewh bemahdezewin noongoom ayahmahguk kuhya ewh katuhgwishenoomahguk.

⁹ Keche‐dabwamahgud suh oo‐oo ekedoowin, kuhya ahpeetandahgwud mezewakummig cheöodahpenegahdag.

¹⁰ Me suh oo‐oo wanjesunnug‐ahnookeeyung, kuhya wanje‐mujje‐duzzhemegooyung, oonje ahpanemooyung owh bamahdezid Kesha‐Muhnedoo, owh bamahjeäud kuhkenuh enenewun, mamwach edush enewh duhyabwayanduhmenejin.

¹¹ Me suh oonoo kaëzhekuhgequayun, kuhya kaëzhekekenooähmahgayun.

¹² Kahween ahweyah oogahneshebahpenoodunse kedooshkenuhwawewin; ezhewabezin suh keen chekekenoowahbuhmikwah egewh duhyabwayandungig, emuh ekedoowining, emuh ezhetwahwining, emuh sahgeëwawining, emuh oojechaugoomaung, emuh dabwayanduhmoowining, emuh peenezewining.

¹³ Peenish egoo tuhgwishenaun mekindun muzzeneegune‐ahginduhmoowin, kuhgequawin, kuhya kekenooähmahgawin.

¹⁴ Menoo‐gunuhwandun ewh meegewawin ayahmun emuh keyowing, kahmeenegooyun oonje ewh aunwahjegawin, mahmahwe kepuggijeneenjenootoonikwah egewh mahyahmahwejegajig makuhdawekoonuhyag.

¹⁵ Nahnahgahdahwandun dush oonoo uhyeëen; apeecheweyun mekindun oonoo, kuhkenuh bamahdezejig chewahbuhmikwah menik oondezeyun.

¹⁶ Ahyaungwahmandun tebenuhwa kedezhewabezewin, kuhya ewh kuhgequawin; aunwahdandun dush oonoo: kishpin mahween oo‐oo ezhewabezeyun kegahbemahjeëdiz, kuhya kegahbemahjeäug egewh bazindookig.