I. TIMOTHEUSUN 3 - Ottawa New Testament Penteteuch and Psalms 1874

¹ Dabwamahgud maunduh ekedoowin, Kishpin enene nundahwandung makuhdawekoonuhya oodahnookeewin oonunduhwandaun wanesheshing ahnookeewin.

² Nundahwandahgooze dush makuhdawekoonuhya, kuhnuhga ningood chemujje‐enanemahsewind, chepazhigoonid oodequamun, chenetuh‐ahkahwahbid, chenebwahkaud, chemenoo‐ezhewabezid, chenetuh‐shahwanemaud enewh paundegaugoojin, chenetuh‐kekenooähmahgad;

³ Kahween oogahnetuh‐menequaseen shoowemin ahboo, kahween tahnetuh‐kekaungase, kahween oogahnunduhwanduhseen mahyahnahduk oondezewin; tahshuhsheebandum suh, kahween tahnetuh‐megahzoose, kah kuhya oogahnetuh‐shoobeëgooseen gagoo;

⁴ Owh manoo‐oogemahkundung tebenuhwa oowegewaumun, menoo bezindahgood enewh oonejahnesun emuh kuhkenuh kechetwahwanduhmoowining;

⁵ (Kishpin suh ahweyah kekanduhsig kaëzheguhnuhwandung tebenuhwa oowegewaumun, ahneen kaëzheguhnuhwandung Kesha‐Muhnedoo oodahnuhmeähwin.)

⁶ Kahween noomuhyah mahyahje‐ahnuhmeäud tahahwese, koonemah oombenegahzood emuh kechetwahwanemoowining tahgepungeshin emuh oonahneboomegoowining owh mujje‐muhnedoo.

⁷ Menuhwah dush nundahwandahgooze cheminwahjemegood enewh ahgwahjeeng ayahnejin; koonemah tahgepungeshin emuh wuhsittuhwanemegoowining kuhya emuh oonuhgwahgunening enewh mujje‐muhnedoon.

⁸ Kuhya dush egewh deaconug tahpezaun‐bemahdezewug, kahween tahwuhyazhingamahgussenenewun oodoodanuhnewewaun, kahween oogahnetuh‐menequasenahwah shoowemin‐ahboo, kahween oogahnunduhwanduhsenahwah wahnuk oondezewin;

⁹ Guhnuhwanduhmoowaud ewh dabwayanduhmoowine kekandahsoowin emuh pahnuk kekanindezoowining.

¹⁰ Mahnoo dush netum tahkuhgwaje‐kekanemahwug; me dush uhpe kaënuhnookeewaud oodahnookewinewah egewh deaconug, kahkekandahgoozewaud menoo‐ezhewabezewaud.

¹¹ Me suh kuhya enewh ooweedegamahgunewaun chenebwahkah‐wandahgoozenid, chemujje‐duhzhemahsenid bamahdezenejin, chebakah‐bemahdezenid kuhya cheähyaungwahmanduhmenid ahnooj gagoo.

¹² Egewh dush deaconug tahpapazhikoowun ooweedegamahgunewaun, wawane guhnuhwanemahwaud enewh oonejahnesewaun, kuhya enewh ayahnejin emuh oowegewaumewaung.

¹³ Egewh muh manoo‐ahnookeetungig ewh deacon-ahnookeewin kushketuhmahzoowug wanesheshing ahpeetandahgoozewin, kuhya keche soongedaäwin emuh dabwayanduhmoowining ewh azhedabwayanemind Christ Jesus.

¹⁴ Oonoo uhyeëen kedezhebeühmoon, ahpanemooyaun wuhyebah chenaunzekoonaun:

¹⁵ Kishpin dush kenooäzh oondandeyaun, cheöonjekekanduhmun kaëzhewabezeyunbun emuh Kesha‐Muhnedoo oowegewauming, mesuh oodahnuhmeähwin bamahdezid Kesha‐Muhnedoo, ewh suh wanje‐minjemoosing kuhya wanje‐soongesing ewh dabwawin.

¹⁶ Kagate egoo keche‐ahpeetandahgwud ewh ahnuhmeähwine kekandahsoowin: Kesha‐Muhnedoo kepenahgoozid emuh weyausemaung, kequuhyuk‐wandahgoozid emuh Oojechaugoomaung, kewahbuhmegood enewh angenun, kedebahjemind emuh anduhzhe ahyahwaud egewh mayuggezejig, kedabwayanemind oomah uhkeeng, keëzheöombenegahzood emuh pezhegandahgoozewining.