I. TIMOTHEUSUN 2 - Ottawa New Testament Penteteuch and Psalms 1874

¹ Nekuhgaundwa dush ahpeche netum, cheähnuhmeätuhmahwindwah, cheguhnooduhmoowindwah, kuhya chemahmooyahwahmahwindwah kuhkenuh enenewug;

² Egewh Keche‐Oogemaug, kuhya kuhkenuh nahgahnezejig, chepezaun‐bemahdezeyung emuh kuhkenuh Kesha‐Muhnedoo‐wahdezewining, kuhya quuhyuk‐wahdezewining.

³ Me muh oo‐oo wanesheshing, kuhya manwandahgwuk emuh anahsuhmuhbid Kesha‐Muhnedoo Bamahjeënung;

⁴ Owh anandung kuhkenuh enewh enenewun chebemahjeëmind, kuhya chekekanduhmenid ewh dabwawin.

⁵ Pazhigoo muh Kesha‐Muhnedoo, kuhya pazhigoo owh ganooduhmahgad emuh nesahwuhyeëe ahyaud Kesha‐Muhnedoo kuhya ahyahwaud egewh enenewug, owh enene Christ Jesus;

⁶ Owh kahpuggedenedezood cheöonje‐bemahjeäud kuhkenuh, ewh kawahweenjegahdag uhpe dabishkoosag chewahweenjegahdag.

⁷ Ewh kahoonje‐ahnoonegooyaun chekuhgequa‐weneneweyaun, kuhya cheäpostleëweyaun, (dabwamahgud ewh akedooyaun emuh Christing, kah dush nekuhkenuhwishkese;) nindezhekekenooähmahwaug egewh mayuggezejig emuh dabwayanduhmoowining kuhya dabwawining.

⁸ Benuh dush, nindenandum mezewa cheähnuhmeähwaud enenewug, oombenuhmoowaud pahnudenegin ooneenjemaun, kuhnuhga nishkahdezesigwah kuhya ahgoonwatunsigwah.

⁹ Me suh kuhya nahsaub, egewh equawug chepesekuhmoowaud enewh dabussandahgwudenegin ahgwewinun, mahmahwe ahgujjewin kuhya dahbussanemoowin; kahween cheöokahdanuhmoowaud oowenesissewaun, gamuh cheähyoowaud oozhahwah‐shooneyah, gamuh pearlun, gamuh kache ahpeetandahgwudenegin ahgwewinun;

¹⁰ Enewh suh atuh (azhenundahwandahgoozewaud equawug wuhyahweendungig Kesha‐Muhnedoo‐wahdezewin) wanesheshingin ahnookewinun.

¹¹ Mahnoo equa oogahnundahkekandaun gagoo emuh pezaunezewining kuhya kuhkenuh puggedenedezoowining.

¹² Kahween nepuggedenuhmahwahse equa chekekenooähmahgad, gamuh chekuhgaunzemahpun enewh enenewun, ewh suh atuh pezaun cheähyaud.

¹³ Netum suh Adam keöozheäh, nahguj edush Eve keöozheäh.

¹⁴ Kahween Adam keähwese netum kahwuhyazhemind, equa atuh kahwuhyazhemind kemujjeëzhechega.

¹⁵ Pooch edush tahbemahjeäh emuh negeähwuhsoowining, kishpin minjemenuhmoowaud ewh dabwayanduhmoowin kuhya sahgeëwawin kuhya peenezewin mahmahwe ewh nebwahkahwin.