I. TIMOTHEUSUN 1 - Ottawa New Testament Penteteuch and Psalms 1874

¹ Paul oodahpostleëmun Jesus Christ oonje ahnoonegood enewh Kesha‐Muhnedoon Bamahjeënung, kuhya Tabaningad Jesus Christ, nindahpanemoowinenaun;

² Nindoozhebeühmahwah Timotheus tebenuhwa ningwis oonje ewh dabwayanduhmoowin: shahwanjegawine‐weedookahgawin kuhya shahwanjegawin kuhya pezaunewawin, kegahmeenegoog Kesha‐Muhnedoo Koosenaun, kuhya Jesus Christ Tabanemenung.

³ Kahezhekuhgaunzoomenaun kayahbe cheduhnezeyun ewede Ephesusing, uhpe keëzhahyaun ewede Macedoniäïng, cheähyaungwahmemindwah ahnind, pukkaun kuhgequawin cheëzhekuhgequasigwah.

⁴ Chebahbahmanduhsigwah enewh kuhkenuhwishke‐debahjemoowinun kuhya enewh ahneka‐bemahdezewine‐debahjemoowinun wahyaquahsasenoogin wanje‐kekaunding, kahween dush oonje‐wahweengazesewug chebuhmeetahwahwahpun Kesha‐Muhnedoon oonje ewh dabwayanduhmoowin:

⁵ Me suh wanje‐duhgoomahguk ewh kuhgequawin chesahgeëding oonje emuh pahnuk oodaëmaung, kuhya menoo‐kekanindezoowining, kuhya oonje wuhyazhingamahgussenook dabwayanduhmoowin:

⁶ Emuh dush ahnind kahoonje‐pukkawaud keëzhahwug emuh ningood anahbuttussenook kekaundewining;

⁷ Nunduhwanduhmoowaud chekekenooähmahgawaud ewh tebahkoonegawin; kahween oonesittootunsenahwah ewh akedoowaud, kah kuhya ewh dabahdooduhmoowaud.

⁸ Kekekandahmin dush ween cheöonesheshing ewh tebahkoonegawin, kishpin enene menoo‐ahbujjetood;

⁹ Kekanduhmung oo‐oo, kahween ewh tebahkoonegawin keöonje‐oozhechegahdasenoon owh quuhyuk‐azhewabezid, oonje atuh egewh quuhyuk‐azhewabezesigoog, kuhya oonje egewh kagaunzetungig, oonje egewh bameetahwahsigoog Kesha‐Muhnedoon, kuhya egewh maje‐ezhewabezejig, oonje egewh wahnezejig kuhya maje‐kezhwajig, oonje egewh nasahjig enewh oosewaun kuhya egewh nasahjig enewh oogeewaun, oonje egewh nasahjig enewh enenewun,

¹⁰ Oonje egewh pazhigwahdezejig, oonje egewh wahneëdezoojig oonje wepamahwaud weej‐enenemewaun, oonje egewh kamoodejig enenewun, oonje egewh kanenuhwishkejig, oonje egewh banahjetoojig oomushkahwe‐kezhwawinewah, kishpin dush gagoo pakaunuk anduhgoogwan wanje‐bahnahjechegahdag menoo‐kuhgequawin;

¹¹ Debishkoo anahjemoomahguk ewh pashegandahgwudenig oominwahjemoowin owh shawandahgoozid Kesha‐Muhnedoo, ewh suh goo kahpuggedenuhmahgooyaun cheguhnuhwanduhmaun.

¹² Nemegwachewanemah dush Jesus Christ Tabanemenung, kahmeezhid mushkahwezewin, ewh ahyaungwahme‐guhnuhwanjega keënanemid, keähnoozhid chekuhgequayaun;

¹³ Neen kuhyet kahmujje‐duhzhinduhmaun ahnuhmeahwin, kuhya kahkooduggeëwayaun, kuhya mujje‐doodahgayaun: ningeshahwanemegoo dush ewh, oonje kekekanduhsewaun kahezhechegayaun magwah dabwayanduhsewaunbaun.

¹⁴ Kuhya kekeche‐meshenudene ooshahwanjegawin Tabanemenung mahmahwe ewh dabwayanduhmoowin kuhya sahgeëwawin ayahmahguk emuh Christ Jesusing.

¹⁵ Dabwamahgud suh maunduh ekedoowin, kuhya ahpeetandahgwud kuhkenuh enenewug cheöodahpenuhmoowahpun, owh suh Christ Jesus kepeëzhaud oomah uhkeeng chebemahjeäud enewh majeëzhewabezenejin; anduhshewaud egewh neen nemahmahwe‐mujjeëzhewabiz.

¹⁶ Me suh oo‐oo kahoonje‐shahwanemegooyaun, emuh neyowing neen mahyahmahwe mujje‐ezhewabezeyaun, Jesus Christ chewahbundahewad kuhkenuh shuhshebanduhmoowin, cheöonje‐kekenoo‐wahbunduhmoowaud kuhkenuh egewh nahguj kadabwayanemahjig cheöonje‐kahgega‐bemahdezewaud.

¹⁷ Mahnoo dush kahgenig uhpena kahgenig tahkechetwahwandahgooze kuhya tahkeche‐peshegandahgooze owh Keche‐oogemah Kahyahgega‐bemahdezid, wekah kaneboosig, wuhyahbunjegahzoosig, owh nezheka nabwahkaud Kesha‐Muhnedoo. Amen.

¹⁸ Maunduh kuhgequawin kepuggedenuhmoon, ningwis Timotheus, debishkoo enewh aunwahjegawinun kezhah kahenahjemegooyun, oonje enewh chemegahzooyun ewh wanesheshing megahzoowin;

¹⁹ Minjeminuhmun ewh dabwayanduhmoowin, kuhya menoo‐kekanindezoowin; ewh ahnind kahwabenuhmoowaud oogepeegoobetoonahwah ewh dabwayanduhmoowin tahnuhsug nahbequaun pegoobejegahdag;

²⁰ Mesuh azhewabezewaud Hymenæus kuhya Alexander; egewh kahpuggedenuhmahwuggig Satan, chekekanduhmoowaud menuhwah chemujje‐kezhwasigwah.