I. PETER 5 - Ottawa New Testament Penteteuch and Psalms 1874

¹ Nekuhgekemaug egewh katezejig ayahwagoog neen kuhya katezeyaun, kuhya kahwahbunduhmaun enewh ookooduggetoowinun owh Christ, kuhya kaähyahmaun ewh peshegandahgoozewin kamezheshuhwejegahdag:

² Ahshummik enewh oomahnistahnishemun Kesha‐Muhnedoo ayahnejin emuh anduhzhe‐ahyahyag, cheguhnuhwanemagwah kahween ween goo minwanduhsewag, minwanduhmag suh; kahween oonje muhyahnahduk tebahahmahgoowin, oonje atuh kezhanduhmag.

³ Kahween cheögemahkundahmahwahsewag Kesha‐Muhnedoo oodebandahsoowin, ewh suh dush ween goo chekekenoowahbuhmenagwah egewh mahnishtahnishug.

⁴ Uhpe dush nuhyahgoozid owh nahgaunandahgoozid Mahnishtahnishe‐wenene, kegahmeenegoom ewh peshegandahgoozewine suhsagah‐wewuhquaun wekah kabahnahdussenook.

⁵ Kuhya kenuhwah ooshkenuhwawedoog nuhittuhwik egewh katezejig. Mahnoo kuhkenuh kenuhwah nuhittahdeyook, pesekuhmook dush ahgahsanemoowin; Kesha‐Muhnedoo muh oodahzhedakahwaun enewh kachetwahwanemoonejin, ooshahwanemaun dush ween enewh dabussanemoonejin.

⁶ Emuh dahbussanemoowining ezhepuggedenuhmahwik Kache‐Mushkahwezid Kesha‐Munedoo enewh keyowewaun, menoo uhpe dush kegahkechetwahwandahgooëgoowah:

⁷ Puggedenahmahwik Kesha‐Muhnedoo kuhkenuh kedoojahnemanduhmoowinewah; kepahbahmanemegoowah muh.

⁸ Uhnesahdezeyook, kuhya ahyaungwahmezeyook; owh mahween mahgahnenag mujje‐muhnedoo pahbahmoosa, debishkoo pabah‐nekemood mezhebeshee, nunduhwahbuhmaud enewh kaäumwahjin.

⁹ Mesuh owh kameegahnag soongekahbahweyag emuh dabwayanduhmoowining, kekanduhmag oonoo nahsaub koodugganduhmoowinun cheëzhekoodugganduhmoowaud egewh kejekewaëwaug oomah uhkeeng ayahjig.

¹⁰ Kesha‐Muhnedoo dush mahgewad kuhkenuh enewh shahwanjegawinun, owh kahezhenundoomenenung emuh ookahgega‐peshegandahgoozewining oonje Christ Jesus, wanebik kekoodugganduhmag, kegahminwandahgooëgoowah, kegahsoongekabbahweëgoowah, kegahmushkahweëgoowah, kegahuhyeenjeëgoowah.

¹¹ Mesuh owh Kesha‐Muhnedoo kapeshegandahgoozid kuhya kaöogemahwandahgoozid kahgenig uhpena kahgenig. Amen.

¹² Nindahnoonah suh Sylvanus wejekewaëmah uhyenanemug cheähyaungwahmezid, chemahjetuhmoonenag maunduh mahjebeëgun punge keëzhebeühmoonenuhgoog, ahyaungwahmenenuhgoog kuhya wahweenduhmoonenuhgoog chedabwamahguk ooshahwanjegawin Kesha‐Muhnedoo emuh soongekahbahweyag.

¹³ Egewh anuhmeähjig ayahjig emuh Babyloning mahmahwe kahahnuhmeäïndjig uhpe kenuhwah keähnuhmeähegooyag, keduhnemikahgoowaug; kuhya owh ningwis Marcus keduhnuhmikaugoowah.

¹⁴ Mashquaud ahnuhmikoodahdeyook oojindeyook sahgeëdewine‐oojindewin. Pezaunewawin kegahahyahnahwah menik auduhsheyag debandahgoozeyag emuh Christ Jesusing. Amen.