I. PETER 4 - Ottawa New Testament Penteteuch and Psalms 1874

¹ Kekanduhmung dush ewh kekooduggetood owh Christ emuh weyausemaung kenuhwind oonje, kuhya kenuhwah ahyahmook ewh nahsaub enanduhmoowin: owh mahween kahkooduggetood emuh weyausemaung oodishquah‐buhmetaun mujje‐ezhewabezewin;

² Kayahbe dush cheëzhebemahdezesig emuh mujje‐ezhewabezewining menik kabemahdezegwan, nahsaub azheahyahnig oomujje‐nunduhwanduhmoowinewaun enenewug, nahsaub atuh azheähyahnig oodenanduhmoowin Kesha‐Muhnedoo.

³ Tahtabesamahgud muh ewh kuhyet kahezhebemahdezeyungoobun chemekinduhmung enewh oodenanduhmoowinewah egewh mayuggezejig, uhpe kebemoosayungoobun emuh pezhigwahdezewining, mujje‐nunduhwanduhmoowining, kuhya oonzaum nebewah shoowemin‐ahboo menequang, oombegezewining, weekoongawining, kuhya keöojecheengwuhnetahwungwah muzzeneneeg ewh kache‐kuhgwahnesuggandahgwuk;

⁴ Mahmahkahkanduhmoog dush ween kayahbe weedookahwahsewagwah kahezheweedookahwagwahpun emuh ookuhgwahnesugge‐mujje‐ezhewabezewinewaung, mujje‐duzzhemenagwah:

⁵ Oogahwahweenduhmoowahwaun ewh oodezhewabezewinewah enewh ahzhuh kahzhetahnejin ewh chetebahkoonahnid enewh bamahdezenejin kuhya enewh kahneboonejin.

⁶ Mesuh oo‐oo kahoonje‐debahjemootuhwindwah ewh minwahjemoowin egewh kahneboojig, cheöonje‐tebahkoonindwah azhetebahkoonegawaud enenewug emuh weyowewaung, chebemahdezewaud dush azhebemahjeëwad Kesha‐Muhnedoo emuh oojechaugoowaung.

⁷ Pashoo muh peähyahmahgud cheïshquah‐ahyaung kuhkenuh uhyeëen; nebwahkahyook dush, kuhya ahyaungwahmezeyook chenetuh‐ahnuhmeähyag.

⁸ Mahmahwe dush keche‐enanduhmook chesahgeëdeyag mamashquaud: sahgeëdewin muh oogahkahdoonun nebewah mujje‐ezhewabezewinun.

⁹ Keshawahdeze‐doodahdeyook mamashquaud chesahsahgezesewag.

¹⁰ Debishkoo anduhshid enene azhemeenind ewh meenegoowin, mesuh kaëzhemuhmeenindeyag mamashquaud, debishkoo manoo‐ganuhwanjegajig ganuhwandungig ewh papukkaun anuhnookeemahgudenig ooshahwanjegawin Kesha‐Muhnedoo.

¹¹ Kishpin ahweyah kekedood tahezhe‐kekedoo wahweendung oodekedoowinun Kesha‐Muhnedoo: kishpin ahweyah buhmeetahgad, mahnoo tahezhebuhmeetahga azhemeenegood enewh Kesha‐Muhnedoon ewh mushkahwezewin: chepeshegandahgooïnd Kesha‐Muhnedoo oonje kuhkenuh uhyeëen, oonje Jesus Christ, owh kamahmooyahwuhmind kuhya kaöogemahwandahgoozid kahgenig kuhya kahgenig. Amen.

¹² Suhyahgeënenuhgoog, kagoo mahyuggandunkagoon ewh ishkootawine kuhgwatabaningawin kaëzhekuhgwatebanemegooyag, debishkoo mayugandahgwuk doodahgoowin andoodahgooyagoobun:

¹³ Oonahnegwanduhmoog dush ween oonje weeje‐kooduggetoomag Christ: uhpe dush kepenahgwudenig oopeshegandahgoozewin, chemoojegezeyag kuhya emuh keche‐bahpenanduhmoowining.

¹⁴ Kishpin mujje‐duzzhemegooyag oonje oodezhenekahzoowin Christ, keshahwandahgoozeem; owh muh peshegandahgoozewine‐oojechaugoomah kuhya oojechaugwun owh Kesha‐Muhnedoo duhneze emuh keyowewaung: wenuhwah mahween oomujje‐duzzhemahwaun, kenuhwah dush ween kepeshegandahgooähwah.

¹⁵ Kahween ahweyah kenuhwah anduhsheyag tahoonje‐kooduggetoose oonje neshewad, gamuh kemoodishkid, gamuh mujje‐ezhechegad, gamuh netuh‐pahbahmandung enewh pakahnezenejin enenewun ooduhnookewinene.

¹⁶ Kishpin dush ahweyah oonje‐kooduggetood ewh ahnuhmeäud, kahween tahahgujjese; oogahpezhegandahgooäun dush ween enewh Kesha‐Muhnedoon oonje oo‐oo andooduhwind.

¹⁷ Zhuhyegwah muh debishkoosamahgud chemahjesing ewh tebahkoonegawin emuh oowegewauming Kesha‐Muhnedoo: Kishpin dush mahjesing oomah anduhzhe‐ahyahyung kenuhwind, ahneen kaëzheähyahwaud egewh duhyabwatunsegoog ewh oominwahjemoowin Kesha‐Muhnedoo uhpe wuhyaquahsinenig?

¹⁸ Kishpin dush ahgahwah bemahjeïnd owh quuhyuk‐azhewabezid, ahneende kanahgoozid owh anuhmeähsig kuhya maje‐ezhewabezid?

¹⁹ Mahnoo egewh azhekooduggetoojig debishkoo azheahyahnig oodenanduhmoowin Kesha‐Muhnedoo, emuh menoo‐ezhewabezewining oogahpuggedenuhmoowahwaun oojechaugoowaun cheguhnuhwanemahnid, oonje ahwenid ayaungwahmezid Wazheëwad.