I. PETER 3 - Ottawa New Testament Penteteuch and Psalms 1874

¹ Kuhya kenuhwah wewemahdoog, nuhittuhwik tebenuhwah kenahbamewaug; kishpin ahweyah bezinduhsig ewh ekedoowin, ahnoo ween goo ahyaunsigwah ewh ekedoowin chekushkeëgoowaud enewh oowedegamahgunewaun oomenoo‐ezhewabezewinene;

² Magwah wahbunduhmoowaud ewh kequuhyuk‐ezhewabezewinewah mahmahwe kechetwahwanemagwah.

³ Kesuhsagahwinewah kahween weyowemaung tahezheähyahsenoon, cheöokahdanuhmag enewh kenesissewaun, kuhya chemuhdinduhmag oozahwah‐shooneäh suhsagahwinun, gamuh chepeseekahmag enewh ahgwewinun:

⁴ Mesuh atuh peenjuhyeëe emuh kedaëwaung, kaëzheahyahmahguk ewh kabahnahdussenook, mesuh ewh bakahdezewin kuhya nookahdezewin enewh kache‐ahpetandahgwukkin emuh anahsuhmid Kesha‐Muhnedoo,

⁵ Mesuh kuhyet kahezhesuhsagahedezoowaud egewh manoo‐ahnuhmeähjig equawug, kahahpanemoojig enewh Kesha‐Muhnedoon, kennhittuhwahwaud tebenuhwa oonahbamewaun:

⁶ Debishkoo Sarah kahezhenuhittuhwaud enewh Abrahamun, nindoogemaum keënaud: mesuh owh wadahnesemenenegag, menik suh quuhyuk‐azhewabezewagwan, kuhnuhga dush sagezesewag.

⁷ Kuhya kenuhwah, wahweyag enenewedoog, ezhewedegamik egewh kedequamewaug nahsaub azhekekanjegayag, kechetwahwanemagwah egewh equawug oonje nahwuj shahgwewewaud, kuhya oonje mahmahwe debanduhmag ewh shahwanjegawine‐bemahdezewin; cheöondummeëgoosewag ahnuhmeähyag.

⁸ Ishquauj edush, tahpazhikwun kuhkenuh kedenanduhmoowinewah, shahwanindeyook, sahgeëdeyook debishkoo wawejekewaïndejig, ketemahganjegag, menoo‐guhnoonindeyook.

⁹ Kagoo nahnahquekagoon uhpe maje‐doodahgooyagoon, kagoo kuhya ahzhittuh‐mujje‐guhnoonahkagoon egewh maje‐guhoonenagoog: nahwuj tahoonesheshin cheähnuhmeätuhmahwagwah: kekanduhmag oo‐oo keöonje‐nundoo-megooyag, cheähyahmag shahwandahgoozewin.

¹⁰ Owh mahween kasahgetood bemahdezewin, kuhya wahwahbundung waneshinshingin kezhegudoon, mahnoo oogahguhnuhwandaun oodanenewh chemujje‐kekedoomahgussenenig, kuhya oodoon chewuhyazhingamahgussenenig.

¹¹ Mahnoo oogahmeewetaun mujje‐ezhewabezewin, kuhya oogahmekindaun ewh wanesheshing; oogahundoonaäun pezaunezewin, kuhya oogahnoopenuhdaun.

¹² Owh muh Kesha‐Muhnedoo ooguhnuhwahbuhmaun enewh quuhyuk‐azhewabezenejin, kuhya oobezinduhmahwaun enewh oodahnuhmeähwinene; kah dush owh Tabaningad oominwahbuhmahseen enewh maje‐ezhewabezenejin.

¹³ Ahwanan dush owh kamujje‐doodoonagebun, kishpin kekenoowahbunduhmag ewh wanesheshing?

¹⁴ Keshahwandahgoozeem kishpin kooduggeëgooyag oonje kequuhyuk‐ezhewabezewinewah: kagoo kootunkagoon oosageëwawinewaun kagoo kuhya megooshkahdandunkagoon:

¹⁵ Kechetwahwanemik owh Tabaningad Kesha‐Muhnedoo emuh kedaëwaung, moonzhug edush kezhetahyook chewahweenduhmoowagwah kuhkenuh egewh kagwajemenagoog ewh wanje‐ahyahmag ewh ahpanemoowin, emuh bakahdezewining, kuhya emuh ahgahsanemoowining:

¹⁶ Cheähyahmag menoo‐kekanindezoowin; ewh edush ahnuhween goo mujje‐duzhemegooyag debishkoo maje‐ezhewabezejig, cheöonje‐ahgujjeïndwah egewh kakenuhwishke‐bahtahdungig kemenoo‐ezhewabezewinewah emuh Christing.

¹⁷ Nahwuj muh oonesheshin, kishpin oo‐oo enandung Kesha‐Muhnedoo, chekooduggetooyag oonje menoo‐ezhechegawin dush ween ewh mujje‐ezhechegawin.

¹⁸ Kuhya ween owh Christ ahbeting kekooduggetoo oonje enewh mujje‐ezhewabezewinun, owh quuhyuk‐azhewabezid oonje enewh maje‐ezhewabezenejin, chepeëzhewenenung emuh anduhzhe‐ahyaud Kesha‐Muhnedoo, kenesind emuh weyausemaung, nayaub kebemahdezeïnd emuh oojechaugoomaung;

¹⁹ Kahoonje‐ahwedebahjemootuhwaud enewh chebaumun kabahquahegahzoonejin;

²⁰ Enewh kuhyet kahkuhgaunzetuhmenejin, magwah Kesha‐Muhnedoo kinooäzh kahbeetood ewh oozhechegahdag nahbequaun, uhpe ookezhegudoomun owh Noah, emuh kahbemahjeïndwah oonje nebeeng pangeshawuggezejig wajechaugoowejig kenishwahchewug atuh.

²¹ Kebemahjeëgoonaun suh kenuhwind ewh kahkekenoowahjechegahdag emuh, me suh ewh Baptizooëwawin (kahween ewh wabenuhming ewh weyause‐weenezewin, ewh atuh kuhgwadwawin azhekuhgwadwamahguk menoo‐kekanindezoowin anahsuhmid Kesha‐Muhnedoo), oonje oodahbejebahwin owh Jesus Christ.

²² Owh ahzhuh kahezhaud ewede keche‐kezhegoong, ayaud dush emuh ookechenekahning Kesha‐Muhnedoon; kahpuggededenuhmoowind cheöogemahkundahwaud enewh angenun kuhya enewh nahgaunandahgoozenejin kuhya kashkeäwezenejin.