I. PETER 2 - Ottawa New Testament Penteteuch and Psalms 1874

¹ Umba dush wabenuhmook kuhkenuh mauzhenenewugezewin, kuhya kuhkenuh kuhkuhyanezewin, kuhya ahnuhmeäkahzoowinun, kuhya kuhgaunwanindewinun, kuhya kuhkenuh mujje‐duhzhindewinun,

² Debishkoo washke‐negejig ahbenoojeüg, nunduhwanduhmook ewh quuhyuk doodoosh‐ahboo emuh ekedoowining wandenegahdag, cheöonje‐mahjegeyag kemenequayag:

³ Kishpin suh kahtaungunduhmoowagwan ooshahwanjegawin Tabaningad.

⁴ Me suh owh kahpenaunzekahwag, nahsaub ahsin bamahdezid, owh ahnoo kewabenegood enewh enenewun, kewuhwanahbuhmegood dush ween enewh Kesha‐Muhnedoon, kachetwahwandahgoozid,

⁵ Kuhya kenuhwah debishkoo bamahdezejig ahsineeg, keduhchegahzoom emuh ahnuhmeähwine‐wegewauming, chesahsahgewejega‐weneneweyag pahnezeyag, chesahsahgewetooyag enewh wajechaugwandahgwukkin sahsahgewejegunun, kaminwandahgwukkin anahsuhmid Kesha‐Muhnedoo oonje Jesus Christ.

⁶ Me suh dush wanje‐oozhebeëgahdag emuh Kechetwah‐Muzzeneëguning, Benuh, nindahsah emuh Zioning nahgaunandahgoozid ahsin kaöonje‐soongung ewh wegewaum, owh kahwuhwanahbuhmind, kachetwahwandahgoozid: owh dush kadabwayanemaud enewh kahween tahahgujjeähse.

⁷ Kenuhwah dush duhyabwayanduhmag, kechetwahwandahgooze kedenanemahwah: egewh dush duhyabwatunsigoog, owh ahsin kahwabenegood enewh wazheganejin, me suh owh kache‐ahpeetandahgoozid ahsin emuh wahkaheguning.

⁸ Kuhya puhkittashine‐ahsin kuhya ahzhebik shaunganduhmoowahjin egewh pakittashinoodungig ewh ekedoowin oonje dabwatunsigwah: mesuh goo kahenahkoonindwah.

⁹ Kenuhwah dush ween kagegenindjig ahnishenahbag kedahwim, kuhya wagemahwandahgoozejig sahsahgewejega‐wenenewug, ahnishenahbag pahnezejig, kuhya tabandahgoozejig kedahwim chewahbundahewayag ookeche‐peshegandahgoozewinun owh emuh magwa pesuhgish‐tebik kahoonje‐nundoomenag, cheëzhewenegooyag emuh mamaundahwudenig oowahsayahzewining:

¹⁰ Kenuhwah kuhyet kahahnishenahbawesewagoobun, noongoom dush kedahwim oodahnishenahbamun Kesha‐Muhnedoo: kenuhwah kahshahwanemegoosewagoobun, noongoom dush kegeshahwanemegoom.

¹¹ Kache‐sahgeënenuhgoog, kepahgoosaneminenim debishkoo mahyahdahwezejig kuhya pabahmahdezejig, meewetooyook enewh weyause‐mujje‐nunduhwanduhmoowinun enewh mahgahzoomahgukkin cheöonje‐bahnahjeïndwah egewh oojechaugoomaug,

¹² Cheminwandahgwuk kedezhewabezewinewah emuh anahsuhmewaud egewh mayuggezejig, ahnuhween goo mujje‐duzzhemenagwah debishkoo maje‐ezhewabezejig, uhpe kewahbunduhmoowaud kemenoo‐ezhewabezewinewah, chepeshegandahgooähwaud enewh Kesha‐Muhnedoon, uhpe pagummeähyahmahguk ewh moowuddeshewa‐kezhik,

¹³ Puggedenedezooyook chenuhittuhmag kuhkenuh oodenahkoonegawinewah enenewug oonje owh Tabaningad: oodenahkoonegawin owh Keche‐oogemah nahgaunandahgoozid;

¹⁴ Gamuh oodenahkoonegawinewah egewh oogemaug, egewh anoonegoojig enewh Keche‐oogemaun chekooduggeähwaud enewh maje‐ezhewabezenejin, kuhya chewahwezhanemindwah egewh manoo‐ezhewabezejig.

¹⁵ (Me muh uhyenanemenag Kesha‐Muhnedoo ewh menoo‐ezhewabezeyag chepezauneägwah egewh kakebahdezejig enenewug kuhnuhga gagoo kakanduhsegoog)

¹⁶ Ewh debanindezooyag, ahbujjetoosewag dush kedebanindezoowinewah chekahdoomag mujje‐ezhewabezewin, debishkoo atuh kaëzhewabezewahpun egewh bameetahwahjig Kesha‐Muhnedoon.

¹⁷ Kechetwahwanemik kuhkenuh enenewug. Sahgeïk kuhkenuh egewh wejekewaëmaug. Koosik Kesha‐Muhnedoo. Kechetwahwanemik Keche‐Oogemah.

¹⁸ Buhmeetahgunedoog nuhittuhwik egewh tabanemenagoog tuhgoo‐koosagwah; kahween atuh egewh kashawahdezejig kuhya bakahdezejig, egewh suh kuhya mahyauzhenenewuggezejig.

¹⁹ Oo‐oo mahween wahwezhandahgwud, kishpin enene oonje bezinduhwaud Kesha‐Muhnedoon shuhshebandung uhpe ahneshah quaduggeïnjin ningood kemujje‐doodahgasig.

²⁰ Wagoonan dush kaöonje‐peshegandahgooëgooyag, kishpin quaduggeëgooyagoon oonje kemujje‐ezhechegawinewah shuhshebanduhmag? kishpin atuh uhpe quuhyuk‐azhechegayagoon wanje‐kooduggeëgooyagoon shuhshebanduhmag, mesuh ewh manwandahgwuk emuh anahsuhmid Kesha‐Muhnedoo.

²¹ Me suh kahezhenundoomegooyag, Christ muh kekooduggetoo kenuhwind oonje, kenuhguduhmoonung kekenoowahbunjegun, chekekenoowahbuhmag:

²² Ween kuhnuhga kahmujje‐ezhechegasig, kah kuhya kemekummoowahse gagoo kuhkuhyanezewin emuh oodooning:

²³ Owh uhpe maje‐guhnoonind, kahween kemujje‐guhnoozhewase; uhpe quaduggeïnd kahween keneeshkahje-keezhwase: kepuggedenedezoo dush ween emuh ooneenjeeng owh quuhyuk tabahkoonewad:

²⁴ Owh ween egoo kahpemoondung kemujje‐ezhewabezewinenahnin emuh tebenuhwa weyowing peenish metikoong keduhpenad, kenuhwind chewabenuhmung mujje‐ezhewabezewinun, cheëzhebemahdezeyung dush emuh quuhyuk‐ezhewabezewining: ween dush oodahahpissahbahwawinun kegeöonje‐noojemoom kenuhwah.

²⁵ Debishkoo muh mahnishtahnishug waneshingig kegeëzheähyaumwahpun, noongoom dush nayaub kegenaunzekahwahwah owh wamahnishtahnishe‐wenenemegood kuhya ganuhwanemaud enewh kejechaugoowaun.