I. PETER 1 - Ottawa New Testament Penteteuch and Psalms 1874

¹ Peter oodahpostleëmun Jesus Christ oodoozhebeühmahwaun enewh mahyug‐ahnishenahban chachuhchebaum ayahnejin emuh Pontusing, Galatiaïng, Cappadociaïng Asiaïng kuhya Bythiniaïng,

² Enewh kahkuhgegenahjin Kesha‐Muhnedoo Wayoosemind oonje kezhah kekekanemaud, kuhya kepeeneëgoowaud enewh Keche‐Oojechaugwun, cheöonje‐dabwatuhming kuhya cheseguhunduhming ewh oomisqueem Jesus Christ: Mahnoo kegahahyahnahwah nahwuj nebewah shahwandahgoozewin kuhya pezaunewawin.

³ Tahmahmooyahwahmah oo‐Kesha‐Muhnedoomun kuhya Oosun owh Tabanemenung Jesus Christ, owh apeech keche‐shahwanjegad keäunj‐negeënung ewh kepuggedenuhmoonenung kaähpanemooyung oonje oodahbejebahwining Jesus Christ oonje neboong.

⁴ Chedebanduhmung ewh debandahsoowin wekah kabahnahdussenook, kuhya wahnussenook, kuhya kaüngwuhsenoog, ganuhwanduhmahgooyag ewede keche‐kezhegoong.

⁵ Kenuhwah ganuhwanemegooyag emuh oomushkahwezewining Kesha‐Muhnedoo oonje ewh dabwayanduhmoowin cheshahwandahgoozeyag ewh shahwandahgoozewin ahzhuh kahwahwazhechegahdag, kamezheshuhwechegahdag uhpe ishquah‐kezheguk.

⁶ Me suh wanje‐keche‐moojegezeyag, ahnuhween goo noongoom wanebik kushkanduhmag oonje keche‐kuhgwatebanemegooyag, kishpin oo‐oo enanemegooyag:

⁷ Chekuhgwatebanduhming kedabwayanduhmoowinewah ahwahshema kache‐ahpeetandahgwuk dush ween ewh oozahwah‐shooneäh natuh‐bahnahduk, ahnuhween goo ishkootang oonje‐nunduh‐kekanjegahdag, cheëzhemekahjegahdag cheöonje‐minwandahgoozeyag kuhya chekechetwahwandahgoozeyag kuhya chepeshegandahgoozeyag uhpe nahyahgoozid Jesus Christ:

⁸ Owh suhyahgeäg ahnoo kewahbuhmahsewag; ahnoo dush noongoom wahbuhmahsewag kedabwayanemahwah, dabwayanemag dush kedoonje‐moojegezeem emuh moojegezewining kakushketoosingebun chewahweenduhming kuhya kakeche‐peshegandahgwuk:

⁹ Oodahpenuhmag ewh wanje‐dabwayanduhmag me suh goo ewh chebemahjeïndwah kejechaugoowaug.

¹⁰ Me suh oo‐oo bemahjeëwawin kahnunduh‐kekanduhmoowaud kuhya wahweenga kahnundoonaähmoowaud egewh aunwahjega‐wenenewug, kezhah kahdebahdoodungig ewh shahwanjegawin kahpeöodissegooyag:

¹¹ Kenundoonaühmoowaud nuhmunj uhpe, kuhya nuhmunj kedezhewabudenegwan uhpe, kezhah keweendahmahgoowaud enewh oojechaugwun owh Christ kahkekishkahwahwahjin, debahdooduhming ewh ookooduggetoowinun owh Christ, kuhya ewh peshegandahgoozewin ishquauj kaduhgoomahguk.

¹² Kewahweendahmahwahwug suh oogoo, kahween wenuhwah tebenuhwa oonje, kenuhwind suh atuh oonje kebuhmeetuhmoowaud oonoo uhyeëen kahdebahjemootuhmoonenagwah egewh kahwahweenduhmoonagoog ewh minwahjemoowin oonje keweedookahgoowaud enewh Keche‐Oojechaugwun keche‐kezhegoong kahpeöonje‐nesenejin: enewh uhyeëen nunduhwanduhmoowaud egewh angenug chenuhnahguhdah‐wahbunduhmoowaud.

¹³ Benuh dush kechepezooyook emuh kedenanduhmoowinewaung, nesahdezeyook, ahpena dush ahpanemooyook ewh shahwanjegawin kapeetahgooyag uhpe pahnahgoozid Jesus Christ;

¹⁴ Debishkoo ahbenoojeüg natuh‐dabwatungig, kagoo ezhewabeëdezookagoon kuhyet kahezhewabezeyag uhpe kemujje‐nunduhwandahmag oonje kekekanjegasewag:

¹⁵ Azhepeenezid suh owh nandumenag, mesuh kuhya kenuhwah kaëzhepenezeyag emuh kuhkenuh kedezhewabezewinewaung.

¹⁶ Oo‐oo muh ezhebeëgahda, Peenezeyook kenuhwah; nepeeniz muh neen ween.

¹⁷ Kishpin Noosenaun azhe‐guhnoonag owh kuhnuhga papikkinoong ahyenanemahsig ahweyah, azhetebahkoonewad dush ween nahsaub anandahgwudenig anduhshid enene oodezhewabezewin, emuh sagezewining ezhebemahdezeyook menik kapahpahduhnezewagwan oomah uhkeeng:

¹⁸ Ewh oonje kekanduhmag, kahahyoosig natuh‐bahnahdukkin uhyeëen shooneäh gamuh oozahwah‐shooneäh owh kahkishpenuhnenag cheëkoonuhmahgooyag kuhyet kedezhewabezewinewah ewh kahpuggedenemoonagwahpun koosewaug;

¹⁹ Ewh atuh kache‐ahpeetandahgwudenig oomisqueem owh Christ, debishkoo mahnishtahnisheens ningood anahpenasig kuhya wahnezesig:

²⁰ Owh kagate kezhah kahpuggedenind chepwah mahje‐oozhetoong ewh uhkee, noomuhyah dush kemezheshahwahbuhmenahgooze oonje kenuhwah,

²¹ Ween oonje duhyabwayanemag Kesha‐Muhnedoo, owh kahahbejebahaud enewh oonje neboong kuhya kahmeenaud pezhegandahgoozewin; cheöonje‐dabwayanemag kuhya cheähpanemooyag Kesha‐Muhnedoo.

²² Kekanduhmag ahzhuh kepeeneägwah kejechaugoowaug oonje kenuhittuhmag ewh dabwawin oonje owh Keche‐Oojechaug chesahgeägwah egewh wejekewaëmaug kuhnuhga sahgeëwakahzoosewag, aungwahmezeyook chewahweenga‐sahgeëdeyag emuh pahnuk kedaëwaung:

²³ Ewh suh keäunj‐negeyag kahween oonje kabahnahduk menekaun, ewh atuh kabahnahdussenook, me suh oodekedoowin Kesha‐Muhnedoo, bamahdudenig kuhya kuhyahgega‐ahyahmahgudenig.

²⁴ Kuhkenuh muh weyausemah mushkoosewining enandahgwud, kuhya kuhkenuh oopeshegandahgoozewin enene debishkoo mushkoosewine‐wahwahsuhkoonang enandahgwudene. Ewh mushkoosewin neboodamahgud, kuhya mushkoosewine‐wahwahsuhkoonanun pungesinoon:

²⁵ Ewh dush ween oodekedoowin owh Tabaningad kahgenig ahyahmahgudene. Me suh ewh ekedoowin kahwahweendu mahgooyag emuh minwahjemoowining.