I. JOHN 5 - Ottawa New Testament Penteteuch and Psalms 1874

¹ Ahwagwan duhyabwayanduhmoogwan Christewid Jesus me suh owh Kesha‐Muhnedoong wanje‐negid: anduhshid dush suhyahgeäud enewh Wayooseminjin, kuhya oodahsahgeäun enewh wanejahnesejin.

² Me dush oo‐oo wanje‐kekanduhmung sahgeüngwah oonejahnesun Kesha‐Muhnedoo, uhpe sahgeüng Kesha‐Muhnedoo, kuhya guhnuhwanduhmoowung ookuhgequawinun.

³ Me muh oo‐oo‐oosahgeëwewawin Kesha‐Muhnedoo, cheguhnuhwanduhmoowung ookuhgequawinun: kah dush sunnuggussenenewun ookuhgequawinun.

⁴ Wagoodoogwan muh Kesha‐Muhnedoong wanje‐negemahgudoogwan oomahmauzhetoon uhkee: mesuh oo‐oo mahmauzhetwahwin wanje‐mahmauzhechegahdag uhkee, mesuh kedabwayanduhmoowinenaun.

⁵ Ahwanan owh mamauzhetood ewh uhkee? owh suh duhyabwayandung Jesus Christ Kesha‐Muhnedoon oogwissemegood.

⁶ Mesuh wah‐owh kahpegegezid nebee kuhya misque, mesuh Jesus Christ; kahween nebee atuh, nebee suh kuhya misque. Me dush Oojechaugoomah dabahjemood, dabwawinewe Oojechaugoomah.

⁷ Nesewug muh egewh dabahjemoojig ewede kechekezhegoong, Wayoosemind, Ekedoowin, kuhya Keche‐Oojechaug: pazhegoowug oogoo neswe.

⁸ Nesewug dush egewh dabahjemoojig oomah uhkeeng, oojechaugoomah kuhya nebee kuhya misque: pazhegwunene dush oogoo neswe oodebahjemoowinewah.

⁹ Kishpin oodahpenuhmoowungwah oodebahjemoowinewah enenewug, oodebahjemoowin Kesha‐Muhnedoo nahwuj kechetwahwandahgwudene; mesuh oodebahjemoowin Kesha‐Muhnedoo, kahenahjemaud enewh Oogwissun.

¹⁰ Owh duhyabwayanemaud enewh Oogwissun Kesha‐Muhnedoo oodahyaun ewh debahjemoowin peenjenuh: owh dush duhyabwayanemahsig Kesha‐Muhnedoon, kuhkenuhwishke oodenaun enewh; kah muh oodabwatunseen debahjemoowin Kesha‐Muhnedoo kahenahjemaud enewh Oogwissun.

¹¹ Mesuh oo‐oo debahjemoowin, Kesha‐Muhnedoo kemeenenung kahgega‐bemahdezewin, oo‐oo dush bemahdezewin ahyahmahgud oonje enewh Oogwissun.

¹² Owh ayahwaud enewh Wagwissemindjin oodahyaun bemahdezewin; owh dush ayahwahsig enewh Kesha‐Muhnedoo Oogwissun, kah oodahyaunseen bemahdezewin.

¹³ Oonoo uhyeëen kegeëzhebeühmoonenim, kenuhwah duhyabwayanduhmag oodezhenekahzoowin Oogwissun Kesha‐Muhnedoo; chekekanduhmag ahyahmag kahgega‐bemahdezewin, chedabwayanduhmag dush oodezhenekahzoowin Kesha‐Muhnedoo Oogwissun

¹⁴ Mesuh oo‐oo ahpanemoowin azheähpanemooyung owh, kishpin gagoo nundoodahmahgayung debishkoo ween uhyenandung, kebezindahgoonaun:

¹⁵ Kishpin dush kekanduhmung chebezindoonung wagoodoogwan nandooduhmoowungan, kekekandahmin cheähyahmung enewh uhyeëen kahnundooduhmoowungoon.

¹⁶ Kishpin ahweyah wahbuhmaud enewh wejekewaün ezhecheganid gagoo mujje‐ezhechegawin naboowandahgwussenoog, tahguhnooduhmahga, tahpuggedenuhmah wah dush ween chebemahdezid owh maje‐ezhechegad ewh naboowandahgwussenook mujje‐ezhewabezewin. Ahyahmahgud ewh naboowandahgwuk mujje‐ezhechegawin: kahween nindekedoose cheähnuhmeätuhming ewh.

¹⁷ Kuhkenuh mujje‐ezhechegawinun mujje‐ezhewabudoon; kuhya ahyahmahgud ewh naboowandahgwussenook mujje‐ezhechegawin.

¹⁸ Kekekandahmin ewh ahwagwan Kesha‐Muhnedoong wanje‐negegwan, kahween mujje‐ezhechegase; owh dush wanejahnesemegood enewh Kesha‐Muhnedoon guhnuhwanindezoo, kah dush ootaungenegooseen enewh mujje‐ahyahahwishun.

¹⁹ Kekekandahmin suh kenuhwind wanejahnesemenung Kesha‐Muhnedoo, kuhkenuh dush uhkee shingeshinoomahgud emuh mujje‐ezhewabezewining.

²⁰ Kekekandahmin dush ween kepetuhgwishing Kesha‐Muhnedoo oogwissun, kegemeenegoomin edush nebwahkahwin, cheöonje‐kekanemung owh duhyabwad, kuhya kekekishkahwahnaun owh duhyabwad, mesuh enewh oogwissun Jesus Christ. Mesuh owh kagate Kesha‐Muhnedoowid, mesuh kuhya owh ahyahwid kahgega‐bemahdezewin.

²¹ Ahbenoojewedoog, ahyaungwahmezeyook, chebahmanemahsewagwah egewh muzzeneneeg. Amen.