I. JOHN 4 - Ottawa New Testament Penteteuch and Psalms 1874

¹ Suhyahgeënenuhgoog, kagoo dabwayanemahkagoon kuhkenuh oojechaugoomaug, nunduhkekanemik dush egewh oojechahgoomaug kishpin Kesha‐Muhnedoong wanjebahwahgwan; nebewah muh egewh kuhkenuhwishke‐aunwahjega‐wenenewug ahzhuh kepeëzhahwug oomah uhkeeng.

² Mesuh kaöonje‐kekanemag Kesha‐Muhnedoo oojechaugwun: anduhshid oojechaugoomah akedood Jesus Christ kepeëzhaud emuh weyausemaung Kesha‐Muhnedoong oonjebah.

³ Kuhya anduhshid oojechaugoomah akedoosig kepeëzhaud Jesus Christ emuh weyausemaung, kahween Kesha‐Muhnedoong oonjebahse; mesuh enewh oojechaugwun anti‐Christ, owh kahnoondahgayag wetuhgwishing, noongoom dush zhuhyegwah ahyah oomah uhkeeng.

⁴ Kenuhwah dush, ahbenoojewedoog, kedoonejahnesemegoowah Kesha‐Muhnedoo, kuhya kegemahmauzheähwaug oogoo: ahwahshema muh ahpeetandahgooze owh kakishkahwag, dush ween owh ayaud oomah uhkeeng.

⁵ Uhkeeng suh oonjeewug oogoo: mesuh wanje‐debahdooduhmoowaud ewh uhkee, kuhya oobezindahgoowaun ewh uhkee.

⁶ Kenuhwind dush ween kedoonejahnesemegoonaun Kesha‐Muhnedoo, owh dush kakanemaud Kesha‐Muhnedoon nebezindahgoonaun; owh dush wanejenesemegoosig Kesha‐Muhnedoon kahween nebezindahgoosenaun. Me suh wanje‐kekanemung owh dabwawine‐oojechaugoomah kuhya owh wanishinooëwad oojechaugoomah.

⁷ Suhyahgeënenuhgoog, umba sahgeëdedah: Kesha‐Muhnedoong suh oonjebahmahgud ewh sahgeëdewin: anduhshid dush suhyahgeëwad Kesha‐Muhnedoong keöonje‐nege, kuhya ookekanemaun Kesha‐Muhnedoon.

⁸ Owh suh suhyahgeëwasig kahween ookekanemahseen Kesha‐Muhnedoon; sahgeëwawinewe muh Kesha‐Muhnedoo.

⁹ Me suh oo‐oo kahoonje‐kekandahgoozid Kesha‐Muhnedoo kahezhesahgeënung, kepeëzhenahzhahwaud puhyazhegoonejin oogwissun oomah uhkeeng, ewh dush ween cheöonje‐bemahdezeyung.

¹⁰ Mesuh oo‐oo sahgeëwawin, kahween kenuhwind kegesahgeähsewahnaun Kesha‐Muhnedoo, ween atuh kegesahgeëgoonaun, kuhya oogepeëzhenahzhahwaun enewh oogwissun chepeëkoonuh‐wabenuhnoonenung enewh kemujje‐ezhewabezewinenahnin.

¹¹ Sahyahgeënenuhgoog kishpin oo‐oo keëzhesahgeenung Kesha‐Muhnedoo, kuhya kenuhwind kedahsahgeëdemin.

¹² Kahween ahweyah wekah oogewahbuhmahseen Kesha‐Muhnedoon. Kishpin sahgeëdeyung, kekekishkahwahnaun Kesha‐Muhnedoo, kuhya oosahgeëwawin kezhechegahdane peenjenuh keyowenaung.

¹³ Mesuh oo‐oo wanje‐kekanduhmung e‐ewh kekishkoonenung, kuhya kenuhwind kekishkahwung, kegemeenegoonaun muh Ookeche‐Oojechaugwun.

¹⁴ Kuhya ningewahbundahmin kuhya nedebahdoodahmin, owh Wayoosemind kepeëzhenahzhahwaud enewh oogwissun chebemahjetoonid ewh uhkee.

¹⁵ Ahwagwan dush kawahweenduhmahgagwan, Jesus oogwissemegood Kesha‐Muhnedoon, ookekishkahwaun Kesha‐Muhnedoon, kuhya ookekishkahgoon Kesha‐Muhnedoon.

¹⁶ Kegekekandahmin kuhya kegedabwayandahmin ewh sahgeëwawin kahezhesahgeënung Kesha‐Muhnedoo: Kesha‐Muhnedoo sahgeëwawinewe: kuhya owh natuh‐sahgeëwad ookekishkahwaun Kesha‐Muhnedoon, kuhya dush ookekishkahgoon Kesha‐Muhnedoon.

¹⁷ Me suh oo‐oo azhekezhechegahdag ewh kesahgeëdewinenaun, chesoongedaäyung uhpe katebahkoonegawinekezheguk: ewh mahween debishkoo ween azheähyaud, mesuh kuhya kenuhwind azheähyahyung oomah uhkeeng.

¹⁸ Kahween gagoo sagezewin duhgoomahgussenoon emuh sahgeëwawining: ewh suh kache‐minwandahgwuk sahgeëwawin oosahgejewabishkaun sagezewin; emuh sagezewining duhgoomahgud kooduggezewin: owh dush suhyagezid kahween ahpeche quuhyuk sahgeëwase.

¹⁹ Kesahgeähnaun suh Kesha‐Muhnedoo, ween muh netum kegesahgeëgoonaun.

²⁰ Kishpin ahweyah, nesahgeäh Kesha‐Muhnedoo, ekedood, sheenganemaud dush ween enewh wejekewaün, kuhkenuhwishke; owh muh suhyahgeähsig enewh wejekewaün kahwahbuhmahjin, ahneen kaëzhesahgeäud Kesha‐Muhnedoon kahwahbuhmahsig?

²¹ Mesuh oo‐oo kuhgequawin ween kahkuhgekemenung: owh suhyahgeäud Kesha‐Muhnedoon oodahsahgeäun kuhya tebenuhwa wejekewaün.