I. JOHN 3 - Ottawa New Testament Penteteuch and Psalms 1874

¹ Benuh gooshah, azhekeche‐sahgeënung owh Wayoosemind, kenuhwind cheëzhenekahnegooyung Kesha‐Muhnedoon wagwissemegoojig; kah sah dush kekekanemegoosenahnig egewh uhkewejig, kah muh ookekanemahsewaun.

² Suhyahgeënenuhgoog, noongoom kedoogwissemegoonaun Kesha‐Muhnedoo, kah dush muhshe kekandahgwussenoon kaëzheähyahyung: kekekandahmin ewh uhpe ween kapenahgoozid, ween azhenahgoozid kegahezhenahgoozemin; kegahmeche‐wahbuhmahnaun muh.

³ Auduhshid ayaung maunduh ahpanemoowin, peeneëdezoo debishkoo ween azhepeenezid.

⁴ Anduhshid andoodung mujje‐ezhechegawin oobahnahjetoon kuhya ewh tebahkoonegawin, mesuh ewh mujje‐ezhechegawin bahnahjetoong tebahkoonegawin.

⁵ Kekekandahnahwah dush ween kepeöonje‐nahgoozid cheëkoonuhmoonung kemujje‐ezhewabezewinenahnin; ween dush kahween ookekishkunseen mujje‐ezhewabezewin.

⁶ Anduhshid dabandahgoozid emuh weyowening kahween mujje‐ezhewabezese. Owh maje‐ezhewabezid kahween oogewahbuhmahseen, kah kuhya oogekekanemahseen enewh.

⁷ Ahbenoojewedoog, aungwahmezik chewuhyazhemesenoowag ahweyah; owh andoodung quuhyuk‐ezhewabezewin quuhyuk‐ezhewabeze, debishkoo kuhya ween azhequuhyuk‐ezhewabezid.

⁸ Owh mahkindung mujje‐ezhewabezewin oodoonejahnesemegoon enewh Mujje‐Muhnedoon; uhpena muh wuhyashkud mujje‐ezhewabeze Mujje‐Muhnedoo. Mesuh oo‐oo Kesha‐Muhnedoo Oogwissun kahpeöonje‐nahgoozid chebahnahjetoomahwaud enewh Mujje‐Muhnedoon oodahnookeewinene.

⁹ Anduhshid Kesha‐Muhnedoong wanje‐neegid kahween mujje‐ezhechegase; oodahyaun muh ewh oomenekaun peenjenuh: kah dush ookushketooseen chemujje‐ezhewabezid oonje Kesha‐Muhnedoong keöonje‐neegid.

¹⁰ Mesuh wanje‐kekandahgoozewaud egewh wanejahnesemegoojig enewh Kesha‐Muhnedoon, kuhya egewh wanejahnesemegoojig enewh Mujje‐Muhnedoon; ahwagwan quuhyuk‐azhewabezesegwan kahween oodoonejahnesemegooseen enewh Kesha‐Muhnedoon, kuhya owh suhyahgeähsig enewh wejekewaün.

¹¹ Mesuh ewh mejejidwawin wuhyashkud kahnoonduhmag, chesahgeëdeyung.

¹² Kahween debishkoo Cain kahoonejahnesemegood enewh mujje‐ahyahahwishun, kenesaud edush enewh wejekewaün. Wagoonan dush kahoonje‐nesaud? kemujje‐ezhewabudenig suh oonje ween tebenuhwa oodahnookeewinun, wejekewaün dush oodahnookewinene kemenoo‐ezhewabuddenewun.

¹³ Kagoo mahmahkahdandunkagoon, nejekewaëdoog, kishpin egewh akeewejig sheenganemenagwah.

¹⁴ Kekekandahmin ewh keöonje‐sahguhuhmung neboowining duhnezeyung dush emuh bemahdezewining, sahgeüngwah oonje egewh wejekewaëmaug. Owh suhyahgeähsig enewh wejekewaün emuh neboowining kayahbe duhneze.

¹⁵ Anduhshid shaunganemaud enewh wejekewaün neshewashke: kekekandahnahwah suh nashewashkid kahween kuhnuhga oodahyaunseen kahgega‐bemahdezewin.

¹⁶ Maunduh dush kedoonje‐kekandahnaun oosahgeëwawin Kesha‐Muhnedoo, ewh kepuggedenung oobemahdezewin kenuhwind oonje; kuhya kenuhwind kedahpuggedenahnahnin kebemahdezewinenahnin oonje egewh wejekewaëmaug.

¹⁷ Ahwagwan suh ayahmoogwan oomah uhkeeng duhzhe tebenuhwawezewin, wahbuhmaud dush enewh wejekewaün muhnazenid, shahwanemahsig edush, ahneen azhekekishkung oosahgeëwawin Kesha‐Muhnedoo.

¹⁸ Nindahbenoojeëmedoog, kagoo ezhesahgeëdesedah emuh ekedoowining, gamuh emuh oodanuhnewhemaung, emuh atuh ahnookeewining kuhya emuh dabwawining.

¹⁹ Mesuh oo‐oo wanje‐kekanduhmung debandahgoozeyung emuh dabwawining, kuhya wanje‐soongedaäyung emuh anahsuhmid Kesha‐Muhnedoo.

²⁰ Kishpin mahween enewh kedaënahnin ahnahmemegooyung, Kesha‐Muhnedoo ahwahshema ahpetandahgooze dush ween kedaënahnin, kuhya ookekandaunun kuhkenuh enewh uhyeëen.

²¹ Suhyahgeënenuhgoog kishpin enewh kedaënahnin ahnahmemegoosewung, mesuh ewh wanje‐soongedaäyung anahsuhmid Kesha‐Muhnedoo.

²² Wagoodoogwan edush kanundoodahmahwungwan, kemeenegoonaun suh, oonje guhnuhwanduhmung enewh ookuhgequawinun, kuhya dooduhmung oonoo uhyeëen manwandahgwukkin emuh ooshkinzhigoong.

²³ Mesuh oo‐oo ookuhgequawin, chedabwayanduhmung oodezhenekahzoowinene enewh oogwissun Jesus Christun kuhya chesahgeëdeyung, debishkoo suh kahezhekuhgekemenung.

²⁴ Owh dush ganuhwandung enewh ookuhgequawinun peenjenuh ookekishkahwaun enewh, kuhya ookekishkahgoon enewh. Me dush wanje‐kekanduhmung ewh kekishkahwung, oonje ooKeche‐oojechaugwun kahmeenenung.