I. JOHN 1 - Ottawa New Testament Penteteuch and Psalms 1874

¹ Ewh bemahdezewine‐ekedoowin, wuhyashkud kahahyahmahguk kahnoonduhmaung, kuhya kahwahbunduhmaung nishkinzhegoonahnin keähyooyaung, pashoo kenahnahgahdah‐wahbunduhmaung, kuhya kahtaungenuhmaung neneenjenahnin keähyooyaung.

² (Kemezheshuhwechegahda gooshah ewh bemahdezewin, ningewahbundahmin dush, kuhya nindebahdoodahmin, kuhya keweendahmahgoom ewh kahgega‐bemahdezewin, kahweejewaud enewh Wayoosemindjin kuhya ewh kahwahbundahegooyaung;

³ Ewh kahwahbunduhmaung kuhya kahnoonduhmaung keweenduhmahgoom, kenuhwah chewedookahweyaung: kagate dush nenuhwind newedookahwahnaun Wayoosemind, kuhya enewh oogwissun Jesus Christ.

⁴ Oonoo dush uhyeëen kedoozhebeühmahgoom, chemooshkenag ewh kemoojegezewinewah.

⁵ Mesuh oo‐oo mejejidwawin kahenetuhwungid, keweendahmahgoom dush kenuhwah, Kesha‐Muhnedoo wahsayahzewinewid, kah dush gagoo bahpish ookekishkunseen pesuhgishkezewin.

⁶ Kishpin ekedooyung, Neweedookahwahnaun Kesha‐Muhnedoo, bemoosayung dush emuh magwah‐pesuhgishtebekuk, kekuhkenuhwishkemin, kah dush kedoodunsemin ewh dabwawin:

⁷ Kishpin dush bemoosayung emuh magwa wahsayahnig debishkoo ween azheähyaud emuh wahsayahzewining, keweedookoodahdemin, oomisqueemene dush enewh oogwissun Jesus Christun kepeeneëgoomin oonje kuhkenuh mujje‐ezhewabezewining.

⁸ Kishpin ekedooyung, Kahween nekekishkunsemin mujje‐ezhewabezewin, kewuhyazhindezoomin, kah dush kekekishkunsemin ewh dabwawin.

⁹ Kishpin dush wahweenduhmung kemujje‐ezhewabezewinenahnin, ween suh netuh‐dabwa kuhya quuhyuk‐wahdeze chewabenuhmoonung kemujje‐ezhewabezewinenahnin, kuhya cheëkoonuhmoonung kuhkenuh mujje‐ezhewabezewinun.

¹⁰ Kishpin ekedooyung, Kahween ningemujje‐ezhechegasemin, kekuhkenuhwishkeähnaun Kesha‐Muhnedoo, kah dush kekekishkunsemin oodekedoowin.