I. CORINTHIANUN 9 - Ottawa New Testament Penteteuch and Psalms 1874

¹ Kah nuh ween nindapostleëwese? kah nuh ween netebanindezoose? kah nuh ween ningewahbuhmahse owh Jesus Christ Tabanemenung? kah nuh kenuhwah kedahweseem ninduhnookeewin emuh owh Tabaningad?

² Kishpin apostleëwesewaun ahnind enuhkayah, kagate nindahpostleëwh kenuhwah enuhkayah: nindahpostleewine uhkookuhwussegun kenuhwah kedahweem emuh owh Tabaningad.

³ Mesuh oo‐oo kanuhquatuhwugwah egewh kagwaje-mejig.

⁴ Kah nuh ween nindenandahgoozesemin cheweseneyaung kuhya chemenequayaung?

⁵ Kah nuh ween nindenandahgoozesemin chepahpah-weejewungid oodoowamahmah, weedegamahgun, debishkoo azhechegawaud ahnind apostleüg, kuhya debishkoo wejekewaün owh Tabaningad, kuhya Cephas?

⁶ Gamuh neen atuh kuhya Barnabas, kah nuh ween nindenandahgoozesemin chepoonetooyaungebun ewh ahnookeewin?

⁷ Ahwanan kuhnuhga ahbeting nandoobunid ween tebenuhwa oondenuhmahdezood? ahwanan kategahdung ewh shoowemine‐ketegaun, meejesig dush ewh azhemeenewunenig? gamuh ahwanan ashummaud enewh mahnishtahnishun, menequasig dush oodoodooshahboomewah egewh mahnishtahnishug?

⁸ Eneneeng nuh nindezhekekid oonoo? kah nuh ween nahsaub ekedoomahgussenoon ewh tebahkoonegawin?

⁹ Oo‐oo muh ezhebeëgahda emuh ootebahkoonegawining owh Moses, Kahween kegahtahkoobetuhwahse pezheke oodoon paginduhung ewh pahquazhegunushk. Oobahbahmanemaun nuh Kesha‐Muhnedoo enewh pezhekewun?

¹⁰ Gamuh ekedoo nuh mamwach kenuhwind oonje? Kagate suh kenuhwind keöonje‐oozhebeëgahda oo‐oo: owh pahgooboojegad cheëzhepegooboojegad emuh ahpanemoowining; owh dush pagindashkahegad emuh ahpanemoowining, cheöodahpenung ewh kahahpanemoojin.

¹¹ Kishpin keketegahduhmahgooyag enewh wajechaugwandahgwukkin, keche‐uhyeëewun enuh kishpin suhgukkenuhmaung oomah uhkeeng duhzhe keduhyeemewah?

¹² Kishpin pakahnezejig oo‐oo ezhetebanemenagwah, kah nuh ween nenuhwind ahwahshema? Kahween ahnahwe ningeähyoosemin maunduh kushkeäwezewin; mahnoo nindenandahmin chepwah‐doodahgooyaung, koonemah nindahgekebishkahtoomin ewh oominwahjemoowin owh Christ.

¹³ Kah nuh kekekanduhseem mahkindungig enewh ahnuhmeä‐weguhmigoong duhzhe uhyeëen meejewaud ahnuhmeä‐weguhmigoong duhzhe meejim? egewh dush bameetungig ewh sahsahgewejegun‐ahbik meenahwug papunge enewh uhyeëen tabandahgwukkin emuh sahsahgewejegun‐ahbikoong?

¹⁴ Me nahsaub kahenahkoonegad owh Tabaningad egewh pabahdebahdoodungig ewh minwahjemoowin minwahjemoowining tahoonje‐bemahdezewug.

¹⁵ Kahween ningeähyoosenun oonoo uhyeëen: kah kuhya oonoo ningeöonje‐oozhebeünsenun, oo‐oo chedoodahgooyaun: ahwahshema muh tahoonisheshin chenebooyaun, dush ween ahweyah enene chebahnahjetoopun ewh wanje‐muhmequahzooyaun.

¹⁶ Ahnahween goo pahbahdebahdooduhmaun ewh minwahjemoowin kahween gagoo nindahyaunse kaöonje‐muhmequahzooyaun: nindahpeche‐nundahwandahgooz chepahbahdebahdooduhmaun ewh minwahjemoowin; Aahe nindahgekeche‐uhnegahediz kishpin pahbahdebahdoodunsewaunbaun ewh minwahjemoowin!

¹⁷ Kishpin neen tebenuhwa enanduhmaun azhechegayaun, nindahyaun ewh tebahahmahgoowin: kishpin dush enanduhsewaun, pooch egoo nepuggedenuhmahgoo ewh minwahjemoowin cheäungwahme‐guhnuhwanduhmaun.

¹⁸ Wagoonash dush netebahahmahgoowin? Kagate uhpe dabahdooduhmaunin ewh minwahjemoowin, wanepuzh chedebahdooduhming oominwahjemoowin owh Christ, chebuhnahjetoosewaun nekushkeäwezewin emuh minwahjemoowining.

¹⁹ Ahnuhween goo oobuhmeetahgunemesig ahweyah enene, ningepuggedenaun neyow cheöobuhmeetahgunemewaud kuhkenuh egewh enenewug, nahwuj nebewah chekushkeügwah.

²⁰ Anahsuhmewaud egewh Jewyug ningeëzhewabiz debishkoo azhewabezewaud egewh Jewyug, cheöonjekushkeügwah egewh Jewyug; anahsuhmewaud egewh tabandahgoozejig emuh tebahkoonegawining, debishkoo tabandahgoozeyaunbaun emuh tebahkoonegawining, cheöonje‐kushkeügwah egewh tabandahgoozejig emuh tebahkoonegawining;

²¹ Anahsuhmewaud egewh ayaunsigoog ewh tabahkoonegawin, debishkoo ahyaunsewaunbaun ewh tebahkoonegawin, (ahnahween goo ahyahmaun ootebahkoonegawin owh Kesha‐Muhnedoo, buhmeetuhmaun dush ootebahkoonegawin owh Christ, cheöonje‐kushkeügwah egewh ayaunsigoog ewh tebahkoonegawin.

²² Anahsuhmewaud egewh shuhyahgwewejig debishkoo shahgwewing ningeëzheähyah, cheöonje‐kushkeügwah egewh shuhyahgwewejig: ahnooj nindezhewabezeëdiz anahsuhmewaud kuhkenuh enenewug, ahbetakummig chebemahjeügwah ahnind.

²³ Me suh ewh minwahjemoowin wanje‐dooduhmaun oo‐oo cheweeje‐oondezemenuhgoog kenuhwah.

²⁴ Kah nuh kekekankuhseem, egewh kagwajekunedejig pemebuhtoowug kuhkenuh, pazhik atuh oodoodahpenaun ewh poonegahjegun? Ezhepemebuhtooyook cheoodahpenuhmag.

²⁵ Kuhkenuh enenewug wahkoojetoojig ewh puhkinah-gawin, kahween oonzaum oodahyoosenahwah gagoo. Benuh oo‐oo ezhechegawug wenuhwah, chekushketoowaud suhsagahwine‐wewuhquaun banahduk: kenuhwind dush ween wewuhquaun wekah kabahnahdussenook.

²⁶ Nindezhepemebuhtoo suh dush neen, kahween ahneshah; nindezhemegauz, kahween ewh azhemegahzood ahweyah papukkettaüng ewh noodin:

²⁷ Nemahmauzhetoon neyow, kuhya neshahgoojetoon; koonemah kagate, uhpe kekuhgekemugwah egewh pakahnezejig, neen tebenuhwa nindahgewabenegauz.