I. CORINTHIANUN 8 - Ottawa New Testament Penteteuch and Psalms 1874

¹ Duhzhinduhming dush uhyeëen kahsahsahgewetuhmoowindwah egewh muzzeneneeg, kekekandahmin ewh kuhkenuh ahyahmung ewh kekanjegawin. Kekanjegawin kekechetwahwanemooëgoomin, sahgeëdewin dush kesoongekahbahweëgoomin.

² Kishpin ahweyah, nekekandaun gagoo, enanindezood, kah ween muhshe gagoo ookekanduhseen kaëzhekekandungebun.

³ Kishpin ahweyah sahgeäud enewh Kesha‐Muhnedoon, mesuh owh kakanemegood enewh Kesha‐Muhnedoon.

⁴ Benuh dush meejing oonoo uhyeëen kahsahsahgewetuhmoowindwah egewh muzzeneneeg, kekekandahmin suh kuhnuhga enandahgoozesig owh muzzenene, kah kuhya ahweyah pakahnezid muhnedoo ahyahse me atuh owh puhyazhikood.

⁵ Ahnahween dush ayahwaud keche‐muhnedoog anindjig, ewede kezhegoong gamuh oomah uhkeeng, (azhebahtuhyeïnwaud egewh keche‐muhnedoog, kuhya bahtuhyeïnwaud egewh tabaningajig.)

⁶ Kenuhwind dush ween kedahyahwahnaun pazhik atuh Keche‐Muhnedoo, Wayoosemind, wanje‐ahyaugin kuhkenuh uhyeëen, kuhya owh bameetuhwung, kuhya pazhik Tabaningad Jesus Christ, wanje‐ahyaugin kuhkenuh uhyeëen, kuhya kenuhwind wanje‐bemahdezeyung.

⁷ Kah gooshah kuhkenuh enenewug oodahyaunsenahwah oo‐oo kekanjegawin: ahnind muh nahnauzh egoo noongoom gagoo enanemahwaud enewh muzzeneneen oodezhemeejenahwah debishkoo gagoo kahsahsahgewetuhmahwind owh muzzenene; ookekanindezoowinewah dush shahgwewemahgudenig weenejegahdane.

⁸ Kahween meejim ahwunsenoon kaöonje‐minwanemenung owh Kesha‐Muhnedoo; ahnahween goo weseneyung, kahween gagoo keöondezesemin; kishpin dush wesenesewung, kahween kenoondasasemin.

⁹ Ahyaungwahmezeyook koonemah maunduh azhepuggedenegooyag ananduhmag cheëzhechegayag tahgeöonje-pukketashinoog egewh shuhyahgwewejig.

¹⁰ Kishpin muh ahweyah enene wahbuhmik keen kakanjegawin ayahyun weedoopungayun ewede oodahnuhmeä‐weguhmigoong owh muzzenene, kah nuh ween owh shahyahgwewid emuhookekanindezoowining tahoonje‐soongedaäse chemeejid enewh uhyeëen kahsahsahgewetuhmahwindwah egewh muzzeneneeg;

¹¹ Oonje ewh kekekanjegawin owh shahyahgwewid wejekewaëmah tahbahnahdeze, enewh kahnebootahwahjin owh Christ?

¹² Uhpe oo‐oo azhemujje‐doodahwagwah egewh wejekewaëmaug, bahnahjetoomahwagwah shuhyahgwemahgudenig ookekanindezoowinewah, kemujje‐doodahwahwah owh Christ.

¹³ Ahneesh, kishpin nemeejim oonje mujje‐ezhechegad owh nejekewa, kahween nindahmeejese weyaus kaähpeech uhkeewung, koonemah nejekewa neen oonje tahgemujje-ezhechega.