I. CORINTHIANUN 6 - Ottawa New Testament Penteteuch and Psalms 1874

¹ Kah nuh ween tahshahgwanemoose ahweyah kenuhwah anduhsheyag kishpin gagoo enanemaud pakahnezenejin, wetebahkoonedeyag anahsuhmuhbenid enewh maje‐ezhewabezenejin, kah dush ween anahsuhmuhbenid enewh anuhmeähnejin?

² Kah nuh ween kekekanduhsenahwah egewh anuhmeähjig wetebahkoonahmoowaud ewh uhkee? kishpin dush wetebahkoonuhmag ewh uhkee, kah nah ween kedenandahgoozeseem chetebahkoonuhmag kache‐dahbussandahgwukkin uhyeëen?

³ Kah nuh ween kekekanduhsenahwah ewh wetebahkoonungwah egewh angenug? Ahneen dush ahwahshema enewh uhyeëen dabandahgwukkin oomah bemahdezewining?

⁴ Kishpin dush ahyahmag tebahkoonedewinun wetebahkoonegahdag enewh uhyeëen dabandahgwukkin oomah bemahdezewining mahnoo kegahahsahwaug kache‐noondaush‐ahpeetandahgoozejig emuh ahnuhmeähwining chetebahkoonegawaud.

⁵ Cheähgujjeëgooyag nindoonje‐kekid. Kagate nuh ezhewabud, kah nuh ahweyah ahyahse nabwahkaud anduhzhe ahyahyag? Kah nuh ahweyah kakushketoopun chetebahkoonaud enewh wejekewaün?

⁶ Owh suh wejekewaëmah oodezheweenaun enewh wejekewaün emuh tebahkoonegawining anahsuhmuhbenid enewh duhyabwayanduhsenegoon.

⁷ Kagate suh kemujje‐doodahdim, tebahkoonedeyag mamashquaud. Ahneeshwin mahnoo ananduhsewag maje‐doodahgooyagoon? ahneeshwin mahnoo enanduhsewag wuhyazhemegooyagoon?

⁸ Kagate suh, kemujje‐doodahwahwaug, kuhya kewuhyazhemahwaug pooch egewh kejekewaëwaug.

⁹ Kah nuh kekekanduhsenahwah egewh majeëzhewabezejig wekah wetebanduhsigwah ewh oodoogemahwewin owh Kesha‐Muhnedoo? Kagoo wuhyazhindezookagoon: egewh pazhigwahdezejig, egewh manedookajig, kuhya egewh equang andoodungig tebenuhwa weyowewaun, kuhya egewh pazhigwahjeweejewahjig weej‐enenemewaun,

¹⁰ Kuhya kamoodishkejig, kuhya egewh oonzaum nebewah gagoo nanduhwandungig, kuhya kawushquabishkejig, kuhya kakaungajig, kuhya wahyazhingashkejig, kahween oogahahyaunsenahwah oodoogemahwewin owh Kesha‐Muhnedoo.

¹¹ Me suh ahnind kenuhwah keëzhewabezeyagoobun: noongoom dush kekesebegenegoom, kepeeneëgoom, kequuhyuk‐ezhewabezeëgoom, emuh oodezhenekahzoowining owh Tabaningad Jesus, kuhya oonje enewh Oojechaugwun Kekesha‐Muhnedoomenaun.

¹² Ahnooj gagoo nepuggedenuhmahgoo, kah suh tahoonesheshinsenoon ahnooj gagoo cheöodahpenuhmaun: kagate ahnooj gagoo nepuggedenuhmahgoo, kah dush gagoo ningahmahmahzheëgooseen.

¹³ Meejim emuh mesudahmaung tebandahgwud, kuhya ewh mesudahmah oonje ahyahmahgud chepeendegamahguk meejim: Kesha‐Muhnedoo oogahbahnahjetoonun nuhyazh oomesudahmah kuhya meejim. Kah dush tebandahgwussenoon weyowemah emuh pezhigwahdezewining, owh suh Tabaningad ootebandaun, kuhya owh Tabaningad ooguhnuhwandaun ewh weyowemah.

¹⁴ Kesha‐Muhnedoo dush oogeähbejebahaun enewh Tabaninganejin, kuhya kegahahbejebahegoonaun kenuhwind emuh tebenuhwa oomushkahwezewining.

¹⁵ Kah nuh ween kekekanduhseem enewh keyowewaun oopukkawezewinun owh Christ cheähwung? ningahoodahpenaunun nuh oopukkawezewinun owh Christ, chepuggedenuhmahwug owh pazhigwahdezid equa? Kah bahpish tahezhewabussenoon.

¹⁶ Ahneen? kah nuh ween kekekanduhseem owh wahdegamaud enewh pazhigwahdezenejin equawun ewh pazhikwunenig ooweyowewaun? Oo‐oo muh keëkedoo owh Kesha‐Muhnedoo, Egewh neezh tahpazhikwunene ooweyausewah.

¹⁷ Owh dush tabandahgoozid emuh Tabaningang pazhikoowun enewh Oojechaugoowaun.

¹⁸ Meweetooyook ewh pezhigwahdezewin. Kuhkenuh mujje‐ezhewabezewinun andoodung enene, ahgwahjuhyeëe ahtanoon emuh weyowemaung; owh pazhigwahdezid enene oomujje‐doodaun tebenuhwa weyow.

¹⁹ Ahneen dush? kah nuh ween kekekanduhsenahwah ewh keyowewah ahyahwung oodahnuhmeäweguhmig owh Keche Oojechaug, owh kakishkahwag, mahnenag owh Kesha‐Muhnedoo, kah dush ketebanindezooseem?

²⁰ Kegekishpenuhnegoom muh enuhginzoowin: me dush kaöonje‐peshegandahgooäg owh Kesha‐Muhnedoo, emuh keyowewaung, kuhya emuh kejechaugoowaung, enewh Kesha‐Muhnedoo dabandungin.