I. CORINTHIANUN 4 - Ottawa New Testament Penteteuch and Psalms 1874

¹ Mahnoo enene Christ oobuhmeetahgunun ningahenanemegoonaun, kuhya guhnuhwanduhmaung mamuhkauj‐ookekanjegawinun owh Kesha‐Muhnedoo.

² Menuhwah nundahwandahgoozewug egewh enenewug ganuhwanjegajig cheäungwahmezewaud.

³ Neen dush ween goo kahween nepahbahmanduhseen ewh tebahkooneyag, gamuh ahweyah enene ootebahkoonegawin: kah suh dush netebahkoonedezoose.

⁴ Kah muh nekekanindezoose gagoo; kah dush oo‐oo nindoonje‐quuhyuk‐ezhewabezeëgoozese; owh suh tabahkoonid me suh owh Tabaningad.

⁵ Me suh oo‐oo kaöonje‐tebahkoonunsewag gagoo chepwah oojechesag chetuhgwishing owh Tabaningad, ween suh kapewahsashkung enewh kuhyahjegahdagin emuh magwa puhsuhgish‐tebik, kuhya kamezheshuh‐wahbundahewad ananduhmoomahguk enewh oodaëmah: me dush uhpe anduhshid enene cheminwahjemegood enewh Kesha‐Muhnedoon.

⁶ Oonoo dush uhyeëen, nejekewaëdoog, emuh kekenoowahjecheguning ningeäunjetoonun neen tebenuhwa neyowing kuhya owh Apollos kenuhwah oonje, chekekenooähmahgooyag emuh neyowenahning, ahwahshema chekechetwahwanemahsewagwah enenewug dush ween ewh azhebeegahdag, kuhnuhga ahweyah anduhsheyag chemuhmikwahzoosig oonje keche‐weedookahwaud ahweyah enenewun.

⁷ Ahwanan owh ahwahshema wanje‐keche‐ahpeetandahgoozeyun dush ween pakahnezid? wagoonan dush ewh ayahyun kahmeenegoosewun? kishpin dush kemeenegooyun, wagoonash wanje‐kechetwahwanemooyun, debishkoo meenegoosewunbun?

⁸ Noongoom ketabesineem, noongoom kewahnuhdezeem, kegeöogemahwim debishkoo keche‐oogemaug nenuhwind ahyahsewaung: Ahpakish oogemahweyagoobun, kuhya nenuhwind cheweeje‐oogemahwemegooyagoobun.

⁹ Nindenandum dush ewh Kesha‐Muhnedoo keëzheeyungid nenuhwind apostleëweyaung cheïshquayandah-goozeyaung, debishkoo enandahgoozeyaung chenebooyaung: neguhnuhwahbuhmegoonaun muh mezewa oomah uhkeeng, kuhya ninguhnuhwahbenegoonahnig egewh angenug kuhya egewh enenewug.

¹⁰ Nenuhwind muh nekuhkebahdezemin oonje owh Christ, kenuhwah dush kenebwahkaum emuh Christing: nenuhwind neshahgwewemin, kenuhwah dush kemushkahwezeem; kenuhwah dush kekechetwahwandahgoozeem, nenuhwind dush kahween ningood nindenandahgoozesemin.

¹¹ Nahnauzh egoo noongoom nepukkuddamin, kuhya nekishkebahgwamin, nepingweshahgedemin, nepukketa-oogomin, kah dush ningooche nindahsemin;

¹² Ninduhnookemin, tebenuhwa neneenjenahnin ahyooyaung; uhpe maje‐guhnoonegooyaungoon neguhnoodahmahgamin; quatuggeëgooyaungoon, mahnoo nindenandahmin;

¹³ Uhpe maje‐duzzhemegooyaungoon, bakah nekekedoomin; nindezheähyahmin debishkoo uhkeeng duhzhe weneezewin, kuhya weyuggussaïshing cheguhduhuming nahnauzh egoo noongoom kezheguk.

¹⁴ Kahween oonoo kedoonje‐mahjebeähmoosenoonim cheähgujjeëgooyag, kekuhgaunzoominim suh debishkoo suhyahgeüggig nenejahnesug.

¹⁵ Ahnoo ween goo metahching metauswauk duhshewaud kakenooahmoonagoog emuh Christing, kahween bahtuhyeënsewug wayoosemagoog: emuh muh Christ Jesusing neen kegeöonejahnesenenim oonje ewh minwahjemoowin.

¹⁶ Me suh wanje‐pahgoosanemenenuhgoog chekekenoowahbuhmeyag.

¹⁷ Me suh kahoonje‐ezhenahzhahmoonenuhgoog owh Timotheus, mesuh owh suhyahgeüg ningwis, kuhya ahyaungwahmezid oonje owh Tabaningad, mesuh owh kamequanduhmoonenag nindezhewabezewinun azhewabezeyaun emuh Christing, debishkoo azhekekenooähmahgayaun mezewa anduhzhe ahyahwaud egewh anuhmeähjig.

¹⁸ Noongoom dush ahnind kechetwahwanemoowug, debishkoo wahoodissesenoonuhgoogebun.

¹⁹ Kagate wuhyebah kegahahweöodissinenim, kishpin enanemid owh Tabaningad, kuhya ningahkekandaun, kahween ookekedoowinewah egewh kachetwahwanemoojig, oomushkahwezewinewah atuh.

²⁰ Ewh muh oodoogemahwewin owh Kesha‐Muhnedoo kahween duhgoomahgussenoon emuh kekedoowining, emuh atuh mushkahwezewining.

²¹ Ahneen ananduhmag? Ningahahwegegezin nuh uhpe nuhyaunzekoonuhgoog ewh puhzhunzhaëgun, gamuh emuh sahgeëwawining, kuhya nookahdezewining?