I. CORINTHIANUN 3 - Ottawa New Testament Penteteuch and Psalms 1874

¹ Neen dush ween, nejekewaëdoog, kah ningekusketoose cheëzheguhnoonenuhgoog kaëzheguhnoonindwahpun egewh ayahwahjig enewh Keche‐Oojechaugwun, egewh atuh kayahbe nuhyahnahgahdahwandungig ewh weyahsemah, ahbenoojeeïng anandahgoozeyag emuh Christing.

² Doodooshahboo suh kegeähshumminim, kah dush meejim kegeähshummesenoonim: nahnauzh egoo noongoom kahween kegekushketooseem chemeejeyag, kah dush muhshe kedahkushketooseem.

³ Kayahbe muh kemekindahnahwah ewh weyahsemah; kayahbe muh kekeshahwanindim, kekekaundim, kepukkaëdim, kah nuh ween kemekinduhsenahwah ewh weyahsemah, kuhya eneneeng kedezhebemoosaseem?

⁴ Magwah pazhik oo‐oo ekedood, Neweedookahwah owh Paul; menuhwah pazhik, Neweedookahwah Apollos; kah nuh ween kemekinduhsenahwah ewh weyahsemah?

⁵ Ahwanan dush owh Paul, kuhya ahwanan owh Apollos? kuhgequa‐wenenewug atuh kahoonje‐dabwayanduhmag, debishkoo owh Tabaningad kahezhepuggedenuhmoowaud kuhkenuh enewh enenewun?

⁶ Neen suh ningeketega, Apollos dush keseguhunjega; Kesha‐Muhnedoo dush oogenetuhwuggetoon.

⁷ Kah dush ningood enandahgoozesewug owh kategad kuhya owh sahgahunjegad; Kesha‐Muhnedoo atuh owh natuhwuggetood.

⁸ Benuh dush pazhegood owh kategad kuhya owh sahgahunjegad: anduhshewaud egewh enenewug tahezhetebahahmahwahwug anandahgwudenig oodahnookeewinewah.

⁹ Neweej‐ahnookeemahnaun owh Kesha Muhnedoo: kenuhwah dush kedahwim Kesha‐Muhnedoo ooketegawin, kuhya Kesha‐Muhnedoo oodooshegawin.

¹⁰ Azhekushkechegamahgudenig ooshahwanjegawine‐wedookahgawin owh Kesha‐Muhnedoo kameenegooyaun, debishkoo nabwahkaud keche‐ooshega‐wenene, ningeähtoon ewh kaöonje‐minjemoosing wahkahegun, menuhwah dush pazhik oogijuhyeëe ooshega emuh; tahaungwahmeze suh anduhshid enene kaëzheöozhegad emuh.

¹¹ Kah muh ahweyah ookushketooseen pakahnuk minjemoosechegun cheähtood, me atuh ewh ahzhuh ahyahchegahdag, me suh owh Jesus Christ.

¹² Kishpin dush ahweyah enene oogijuhyeëe ooshegad emuh oo‐oo minjemoosecheguning ahsaud oozahwah‐shooneäun, shooneäun, kache‐ahpeetandahgoozenejin ahsineen, metigoon, mezhushkin, pahquazhegunushkoonsun;

¹³ Tahkekanjegahdane anduhshid enene oodahnookeewin: ewh uhpe kekezheguk tahwahweenjegahda, ishkootang muh tahoonje‐kekanjegahda; ishkoota muh oogahkuhgwatebandaunun kuhkenuh enenewug oodahnookeewinewaun nuhmunj azhewabudenenoogwan.

¹⁴ Kishpin ahweyah enene oodahnookeewin bemahdudenig oogijuhyeëe kahahtood, tahtebahahmahwah.

¹⁵ Kishpin dush ahweyah enene oodahnookewin kechahgahketanig, oogahwunetoon: ween dush tahbemahjeäh; debishkoo emuh oonje ishkootang.

¹⁶ Kah nuh kekekanduhsenahwah kenuhwah ahweyag oodahnuhmeä‐weguhmigoom owh Kesha‐Muhnedoo: kekishkahwag dush Oojechaugwun owh Kesha‐Muhnedoo?

¹⁷ Kishpin ahweyah enene weenetood oodahnuhmeä‐weguhmigoom owh Kesha‐Muhnedoo, mesuh enewh Kesha‐Muhnedoo kabahnahjeähjin; peenudene muh oodahnuhmeä‐weguhmigoom owh Kesha‐Muhnedoo, ewh ahnuhmeä‐weguhmig kenuhwah kedahwim.

¹⁸ Kahween ahweyah enene tahwuhyazhindezoose. Kishpin ahweyah enene anduhsheyag nebwahkaung anandahgoozid oomah uhkeeng, mahnoo tahkuhkebahdanemoo cheöonje‐nebwahkaud.

¹⁹ Oomah mahween uhkeeng duhzhe nebwahkahwin kuhkebahdezewin ahwun anahsuhmid owh Kesha‐Muhnedoo. Oo‐oo muh ezhebeëgahda, Ootuhkoonaun enewh nabwahkahnejin emuh tebenuhwa ookuhkuhyanezewinewaung.

²⁰ Menuhwah dush, Owh Tabaningad ookekanduhmoowaun nabwahkahnejin oonahnahgahdahwanduhmoowinene, ningood enahbuttussenenig.

²¹ Kah gooshah ahweyah enene oogahwahwezhanemahseen enewh enenewun; Kenuhwah muh kedebandahnahwah kuhkenuh uhyeëen;

²² Owh Paul, gamuh owh Apollos, gamuh owh Cephas, gamuh ewh uhkee, gamuh bemahdezewin, gamuh neboowin, gamuh enewh uhyeëen noongoom ayaugin, gamuh enewh uhyeëen katuhgwishenoomahgukkin; kuhkenuh kedebandahnahwah;

²³ Kuhya kenuhwah ketebanemegoowah owh Christ; kuhya dush owh Christ ootebanemegoon enewh Kesha‐Muhnedoon.