I. CORINTHIANUN 16 - Ottawa New Testament Penteteuch and Psalms 1874

¹ Ewh dush wahmahwundoosetooyagoobun shooneäh chemeenindwah egewh anuhmeähjig, debishkoo kahenahkoonugwah egewh Galatiaïng dabandahgoozejig ahnuhmeähwining, mesuh kuhya kenuhwah kaëzhechegayag.

² Netum kezheguk kuhkenuh oogahahsunjegoonahwah papunge, menik kahezheshahwanemenag owh Kesha‐Muhnedoo, ewh dush chemahwunjechegaseeng uhpe tuhgwishenaun.

³ Uhpe dush tuhgwishenaun, ahwagwanug kawahweenahwagwanug emuh kemahjebeëgunewaung, me suh egewh kaähnoonuggig cheëzheweetoowaud kemeegewawinewah ewede Jerusaleming.

⁴ Kishpin enandahgwuk kuhya neen cheëzhahyaun, ningahuhneweejewegoog.

⁵ Kegahoodissinenim suh dush, uhpe kepemoosahduhmaun ewh Macedonia: kagate suh ningahuhnepemoosahdaun ewh Macedonia.

⁶ Koonemah kuhya ahjenuh ningahduhnez anduhzhe‐ahyahyag, koonemah ningahpepoonish, chenahkoowa‐mezissekahweyag debe kaëzhahwaunan.

⁷ Kahween kegahuhnewahbuhmesenoonim noongoom wahbahbahmahdezeyaun; nindenandum dush wanebik cheduhnezeyaun anduhzhe‐ahyahyag, kishpin enanemid owh Tabaningad.

⁸ Ningahdahyah suh Ephesusing nahnauzh ewh uhpe Pentecost.

⁹ Nenesahkoonahmahgoo ewh keche‐ishquaundam kuhya kache‐enahbudduk, bahtuhyeïnwug dush mahgahzhejig.

¹⁰ Kishpin dush tuhgwishing owh Timotheus, aungwahmezik cheweejewenag kuhnuhga sagezesig: oomekindaun muh oodahnookeewin owh Tabaningad, debishkoo kuhya neen azhechegayaun.

¹¹ Kahween ahweyah oogahneshepahpenoodahwahseen enewh: emuh pezaunezewining mezissekahwik uhpe pahmahjahjin chepenaunzekahwid: nenundahwahbuhmah suh owh kuhya egewh wejekewaëmaug.

¹² Owh dush kejekewaënaun Apollos, ningekeche‐nunduhwanemah cheöodissenenag mahmahwe egewh wejekewaëmaug: kahween bahpish keënanduhse cheöodissenenag noongoom; kegahoodissegoowah suh uhpe keöojechesanig chekushketood.

¹³ Ahkahwahbeyook, soongekahbahwik emuh dabwayanduhmoowining, eneneeng ezhesoongedaäyook, mushkahwezeyook.

¹⁴ Emuh sahgeëdewining ezhechegayook kuhkenuh kedezhechegawinewaun.

¹⁵ Kepahgoosanemenim, nejekewaëdoog, (kekekanemahwaug egewh dabandahgoozejig emuh oowegewauming owh Stephanas, netum kahdabwayandungig ewede Achaiaïng, kepuggedenezoowug dush webuhmeetahwahwaud enewh anuhmeähnejin,)

¹⁶ Chepuggedenedezooyag webezindahwagwah oogoo doowug, kuhkenuh kuhya egewh wahdookahwejig, kuhya anookeejig.

¹⁷ Neminwandum kepetuhgwishenoowaud Stephanas kuhya Fortunatus kuhya Achaicus: ewh muh kenuhwah kahnoondasayag kuhkenuh oogepeetoonahwah.

¹⁸ Oogemenoo‐doodahwahwaun muh enewh ninjechaugwun kuhya kenuhwah kejechaugoowaun: kechetwahwanemik dush oogoo doowug.

¹⁹ Egewh dabandahgoozejig emuh ahnuhmëahwining Asiaïng anduhnuhkejig keduhnuhmikahgoowaug. Aquila kuhya Priscilla kekeche‐ahnuhmikahgoowaug oonje owh Tabaningad, kuhya egewh anuhmeähjig emuh oowegewaumewaung.

²⁰ Kuhkenuh egewh wejekewaëmaug keduhnuhmikahgoowaug. Ahnuhmikoodahdeyook mamashquaud, ewh oojindeyag pahnuk oojindewin.

²¹ Neen suh Paul ninduhnuhmekahgawin, tebenuhwa neninjeeng wazhebeühmaun.

²² Kishpin ahweyah sahgeähsig enewh Tabaninganejin Jesus Christun, mahnoo Anathema tahezheähyah. Maranatha.

²³ Mahnoo ooshahwanjegawin owh Tabanemenung Jesus Christ kegahweejewegoonahwah.

²⁴ Nesahgeëwawin keweejewegoonahwah kuhkenuh emuh Christ Jesusing. Amen.