I. CORINTHIANUN 14 - Ottawa New Testament Penteteuch and Psalms 1874

¹ Noopenuhduhmook ewh sahgeëdewin, kuhya nunduhwanduhmook oojechaugoowine meegewawinun, ahwahshema dush cheäunwahjegayag.

² Owh suh kahkedood mayug‐inwawining kahween ooguhnoonahseen enewh enenewun, enewh suh atuh Kesha‐Muhnedoon: kah muh ahweyah enenewun oonesittootahgooseen; ahnahwe emuh oojechaugoong oodebahdoodaunun enewh kahmoodukkin.

³ Owh dush anwahjegad ooguhnoonaun enewh enenewun cheöonje‐oondezenid, kuhya chekuhgememind kuhya chemenoodaänid.

⁴ Owh dush kahkedood ewh mayug‐inwawin ween tebenuhwa cheöondezid oonje‐kekedoo: owh dush anwahjegad cheöondezenid enewh mahyahwunjeëdenejin anuhmeahnejin oonje‐kekedoo.

⁵ Nindahminwandum kishpin kuhkenuh kekedooyagoobun mayug‐inwawinun, nahwuj dush nindahminwandum kishpin aunwahjegayagoobun: nahwuj muh keche‐ahpetandahgooze owh anwahjegad dush ween owh kahkedood mayug‐inwawinun, kishpin atuh ahneekenootahgad, cheöonje‐oondezewaud egewh mahyahwunjeëdejig anuhmeähjig.

⁶ Benuh dush, nejekewaëdoog, kishpin oodissinenuhgoog kahkedooyaun enewh mayug‐inwawinun, ahneen kaöondezeyag, kishpin atuh azheguhnoonenuhgoog emuh oomejedwawining owh Kesha‐Muhnedoo, gamuh emuh kekanjegawining gamuh emuh aunwahjegawining gamuh emuh kuhgequawining?

⁷ Pooch enewh uhyeëen bamahdezemahgussenoogin matwawagin, koonemah pepegwun gamuh muhtwawajegun, kishpin kekenoowauj inwamahgussenook, ahneen kaöonje‐kekanduhmingebun ewh azhepepegwang gamuh ewh azhemuhtwawajegang?

⁸ Kishpin muh pootahjegun papukkaun inwawatoong, ahwanan owh kaöozheetahpun chemegahzood?

⁹ Me dush kuhya kenuhwah, kishpin kekedoosewag enewh nasittootahgwukin ekedoowinun, ahneen kaëzhekekanduhmingebun ewh akedoong? noodin suh kegahguhnoodahnahwah.

¹⁰ Nuhmunj edoog menik inwawinun oomah uhkeeng, kah kuhya pazhik inwawin ahneshah inwamahgussenoon.

¹¹ Kishpin dush nesittootunsewaun ewh inwawin, mayuggeze ningahenanemik owh anwad, kuhya mayuggeze ningahenanemah owh anwad.

¹² Me suh kuhya kenuhwah, nanduhwanduhmag oojechaugoowine‐meegewawinun, nunduhwanduhmoog cheminwawezeyag weöondezewaud egewh mahyahwunjeëdejig anuhmeähjig.

¹³ Mahnoo dush owh anwad mayug‐inwawin tahahnuhmeäh ewh cheähneekeenootahgad.

¹⁴ Kishpin muh ahnuhmeähyaun emuh mayug‐inwawining, ninjechaug suh ahnuhmeäh, ninesittootummoowin dush ween kah ningood enahbuttussenoon.

¹⁵ Ahneen dush kaëzhechegangebun? ningahahnuhmeäh emuh oojechaugoomaung, kuhya ningahahnuhmeäh emuh nesittootummoowining: ningahnuhgoom emuh oojechaugoomaung, kuhya ningahnuhgoom emuh nesittootummoowining.

¹⁶ Kishpin oo‐oo ezhechagasing, uhpe mahyahmooyahwayunin emuh kechechaugoong, ahneesh dush owh nasittootunsig kaöonje‐kushketood Amen cheëkedood uhpe keen kahmahmooyahwayunin, ewh nesittoontunsig ewh akedooyun?

¹⁷ Keen suh kagate kemenoo‐mahmooyahwa, kah dush oondezese owh pazhik.

¹⁸ Nemahmooyahwahmah Nekesha‐Muhnedoom, ewh nahwuj kekedooyaun mayug‐inwawinun dush ween kuhkenuh kenuhwah:

¹⁹ Ahnuhmeä‐weguhmigoong dush ahwahshema nindahminwandum chekekedooyaun nahnun ekedoowinun emuh nenesittootummoowining, nindinwawining chekekenooähmahwugwah pakahnezejig, dush ween metahching metauswauk kekedoowinun emuh nasittootahgwussenook inwawining.

²⁰ Nejekewaëdoog, kagoo ahbenoojeëwekagoon emuh kenesittootummoowinewaung: ahnahwe emuh mauzhenenewuggezewining ahbenoojeëweyook, emuh nesittootuhmoowining dush ween eneneweyook.

²¹ Emuh tebahkoonegawining oo‐oo ezhebeëgahda, Ningahahwaug enenewug puhkaun anwajig kuhya pukkaun wadoodoonemejig weguhnoonugwah oogoo ahnishenahbag; pooch enunga ningahbezindahgoog, ekedoo owh Täbaningad.

²² Benuh dush magug‐inwawinun kekenoowahjecheguning enahbuddudoon, kahween oonje egewh duhyabwayandungig, oonje atuh egewh duhyabwayanduhsigoog: ewh dush aunwahjegawin kahween oonje‐oondezesewug egewh duhyabwayanduhsigoog, egewh atuh duhyabwayandungig.

²³ Kishpin dush mahwunjeëdewaud kuhkenuh anuhmeähjig pazhigwunoong, kuhkenuh dush inwawaud mayug‐inwawinun, peendegawaud dush ahnind kakanjegasigoog, gamuh duhyabwayanduhsigoog, kah nuh ween kekewuhnahdezeem tahekedoosewug?

²⁴ Kishpin dush kuhkenuh aunwahjegawaud, peendegad dush pazhik duhyabwayanduhsig, gamuh kakanjegasig, oowahbunduhegoon kuhkenuh ewh oomujjeëzhewabezewin, ootebahgimegoon kuhkenuh:

²⁵ Me suh azhepuhgukkanjegahdanig enewh kahmoodukkin emuh oodaïng; medush kaöonje‐pungeshing emuh ooshkinzhegoong, cheähnuhmeätuhwaud enewh Kesha‐Muhnedoon, tahekedoo dush kagate weejewenag owh Kesha‐Muhnedoo.

²⁶ Ahneen dush kaëzhechegayag, nejekewaëdoog? uhpe mahyahwunjeëdeyagoon, kuhkenuh anduhsheyag pazhik oodahyaun ewh nuhguhmoowin, kuhya pazhik oodahyaun ewh kuhgequawin kuhya pazhik oodahyaun ewh mayug‐inwawin, kuhya pazhik oodahyaun ewh keche‐kezhegoong oonje mejedwawin, kuhya pazhik oodahyaun ewh ahneekuhnootahgawin. Mahnoo suh kuhkenuh uhyeëen tahezhechegahdanoon cheöonje‐oondezing.

²⁷ Kishpin ahweyah mayug‐inwad, mahnoo tahneezhewug atuh, gamuh tahnesewug, mamashquaud dush tahkekedoowug, pazhik dush tahahneekuhnootahga.

²⁸ Kishpin ahweyah ahyahsig aneekuhnootahgad, mahnoo tahpezaunuhbe emuh anuhmeä‐wegumigoong; tahkuhnoonindezoo, kuhya oogahguhnoonaun enewh Kesha‐Muhnedoon.

²⁹ Mahnoo egewh aunwahjega‐wenenewug tahkekedoowug naneezh gamuh naneswe, kuhya dush egewh pakahnezejig tahpuhgukkanjegawug.

³⁰ Kishpin gagoo kewahbunduhind ahweyah pashoo namuhduhbid, tahpezaunuhbe owh netum kahkekedood.

³¹ Kuhkenuh muh kepuggedenuhmahgoom weäunwah-jegayag mamashquaud, kuhkenuh chekekenooähmahwindwah, kuhya kuhkenuh chemenoodaäïndwah.

³² Oojechaugoowaun dush egewh aunwahchega‐wenenewug oonuhittahwahwaun enewh aunwahjega‐wenenewun.

³³ Kah muh Kesha‐Muhnedoong oonjeemahgussenoon ewh oombegezewin, pezaunuhkummegezewin atuh, debishkoo azhewabuk emuh kuhkenuh oodahnuhmeä‐weguhmegoowaung egewh anuhmeähjig.

³⁴ Tahpezaunuhbewug egewh kedequamewaug emuh anduhzhe‐mahwunjeëdeyag: kah muh puggedenuhmahwahsewug chekekedoowaud; enahwug suh dush chenuhittahgawaud, debishkoo akedoomahguk kuhya ewh tebahkoonegawin.

³⁵ Kishpin dush nunduhkekanduhmoowaud gagoo, mahnoo oogahkuhgwajemahwaun enewh oonahbamewaun ewede andahwaud: tahahgujje equa wekekedood emuh anduhzhe‐mahwunjeëding.

³⁶ Ahneesh? kenuhwah nuh anduhzhe‐ahyahyag keoonjeemahgud ewh oodekedooowin owh Kesha‐Muhnedoo? gamuh kenuhwah atuh kegepeöodissegoonahwah?

³⁷ Kishpin ahweyah enene nindaunwahjegawenenewh, gamuh nindahyahwah Keche‐Oojechaug enanindezood, tahekedoo oonoo uhyeëen azhebeähmoonenuhgoog, ookuhgequawinun owh Tabaningad ahyahwunenig.

³⁸ Kishpin ahweyah kekanjegasig, mahnoo kahween tahkekanjegase.

³⁹ Benuh dush, nejekewaëdoog, nunduhwanduhmoog cheäunwahjegayag, kagoo kuhya kenahahmahgakagoon chemayug‐inwang.

⁴⁰ Mahnoo suh kuhkenuh wawane kuhya kaëzheminwahbuhmenahgwuk tahezhechegam.