I. CORINTHIANUN 11 - Ottawa New Testament Penteteuch and Psalms 1874

¹ Kekenoowahbuhmeshig, debishkoo kuhya neen azhekekenoowahbuhmug Christ.

² Benuh dush, nejekewaëdoog, keminwanemenim ewh mequanemeyag enewh kuhkenuh uhyeëen, kuhya guhnuhwanduhmag enewh kuhgequawinun, kahezhepuhgedenuhmoonuhgoog.

³ Kenunduhwanemenim dush chekekanduhmag, ewh Christ negahnezekundahwaud enewh kuhkenuh enenewun; kuhya owh enene negaunezekundahwaud enewh equawun; kuhya owh Kesha‐Muhnedoo negahnezekundahwaud enewh Christun.

⁴ Anduhshid enene kishpin anuhmeähjin gamuh kagequajin ooweewuhquahnid oobahpenoodaun ooshtequaun.

⁵ Kuhya anduhshid equa uhpe anuhmeähjin gamuh kagequajin kakeejewewuhquaunad, oobahpenoodaun ooshtequaun me goo debishkoo moozhwoond.

⁶ Kishpin dush equa ahyoosig ewh wewuhquaun, mahnoo tahmoozhwah: kishpin ahgujjeed equa chemoozh-woondepun, mahnoo tahoowewuhquaune.

⁷ Kah suh kagate tahoowewuhquaunese owh enene, ween muh ahwe oodezhenahgoozewin kuhya oopeshegandahgoozewin owh Kesha Muhnedoo: owh dush equa ahwe oopeshegandahgoozewin owh enene.

⁸ Kah muh enene keöonjeese emuh equang: equa atuh keöonjee emuh eneneeng.

⁹ Kah kuhya owh enene keöonje‐oozheähse enewh equawun; equa atuh keöonje‐oozheäh enewh enenewun.

¹⁰ Mesuh kaöonje‐oowewuhquaunid owh equa oonje enewh angenun.

¹¹ Benuh dush, kahween tahahyahse owh enene ahyahsig owh equa, kah kuhya owh equa tahahyahse ahyahsig owh enene, oonje owh Tabaningad.

¹² Debishkoo muh owh equa oonje ahyaud enewh enenewun, me suh kuhya owh enene oonje‐neegid emuh equang; kuhkenuh dush ween enewh uhyeëen oonjeemahgudoon emuh Kesha‐Muhnedoong.

¹³ Nahnahgahdahwanindezooyook; minwahbuhmenahgooze nuh owh equa ahnuhmeätuhwaud enewh Kesha‐Muhnedoon oowewuhquaunesig?

¹⁴ Kah nuh pooch kenuhwah tebenuhwa kedenahdezewinewah kedoonje‐kekanduhseem, ewh kishpin kuhgaunwahnequad owh enene tahahgujjeäh?

¹⁵ Kishpin atuh equa kuhgaunwahnequad, mesuh oopeshegandahgoozewin, cheähgwid muh kahoonje‐meenind oomenesisun.

¹⁶ Kishpin dush ahweyah enene wekekahwetung, kahween maunduh ezhewabezewin nindahyaunsemin, kah kuhya egewh tabandahgoozejig emuh oodahnuhmeähwining owh Kesha‐Muhnedoo.

¹⁷ Maunduh dush waunduhmoonenuhgoog kahween kewahwezhanemesenoonim, kahween oonesheshinsenoon azhemahwunjeëdeyag, mahnahdud suh goo.

¹⁸ Netum, uhpe mahyahwunjeëdeyagoon emuh ahnuhmeä‐weguhmigoong, nindenetahga chepukkaun‐anindeyag; kuhya anewak nedabwatum.

¹⁹ Nunduhwandahgwud muh cheähtag pukkaun‐anindewinun emuh anduhzhe‐ahyahyag, cheöonje‐mezheshuhwahbuhmenahgoozewaud egewh manwandahgoozejig kenuhwah anduhsheyag.

²⁰ Mahyahwunjeëdeyagoon, kahween chemeejeyag ewh Tabaningad ooshuhkuhmooningawin kedoonje‐mahwunjeëdeseem wahseneyagoon.

²¹ Tatabenuhwa anduhsheyag kemeejenahwah kewesinewinewah chepwah wesenewaud pakahnezejig: pazhik dush puhkudda, menuhwah dush pazhik kewushquabe.

²² Ahneen? kah nuh ween kedahyaunsenahwah enewh wegewaumun kaduhzhe‐weseneyagoobun kuhya kaduhzhe-menequayagoobun? kewebahpenuhdahnahwah nuh ewh Kesha‐Muhnedoo oodahnuhmeä‐weguhmig, kuhya kedahgujjeäug egewh wuhyahnuhdezesigoog? Ahneen kaënenuhgoog? kegahoonje‐wahwezhanemenim nuh? Kah suh ween kewahwezhanemesenoonim.

²³ Ningewahweenduhmaug gooshah owh Tabaningad ewh kahwahweenduhmoonenuhgoog, owh Tabaningad Jesus ewh tebekudenig uhpe bahyahtuhind oogeöoodahpenaun buhquazhegun:

²⁴ Kahmahmooyahwad dush, oogebuhquabenaun, oo‐oo dush keëkedood, Oodahpenik, ahmook: me suh oo‐oo neyow, kenuhwah wanje‐pegoobejegahdag: oo‐oo ezhechegayook chemequanemeyag.

²⁵ Me dush nahsaub kahishquah‐wesenid, keöodahpenung ewh menequahjegun, oo‐oo keëkedood, Me suh maunduh menequahjegun ahyahwung ewh ooshke‐kekindewin emuh nemisqueeming: oo‐oo ezhechegayook, duhshing manequayagoon, chemequanemeyag.

²⁶ Menik duhshing amwagoon wah‐owh buhquazhegun, kuhya manequayagoon maunduh menequahjegun, kewahbundahewanahwah ewh ooneboowin owh Tabaningad nahnauzh egoo chetuhgwishing.

²⁷ Ahwagwan dush kaäumwahgwan wah‐owh buhquazhegun, gamuh kamenequagwan oo‐oo Tabaningad oomenequahjegun, anandahgoozesig, oobahpenoodaun ewh weyow kuhya ewh oomisqueem owh Tabaningad.

²⁸ Mahnoo tahnahnahgahdahwanindezoo enene, me suh dush kaëzheäumwaud enewh buhquazhegunun, kuhya kaëzhemenequad ewh menequahjegun.

²⁹ Owh muh wahsenid kuhya manequad anandahgoozesig, oomeejin kuhya oomenequan tebenuhwa oonahneboondewin, kah muh oonahnahgahdahwanduhseen Taba-anejin weyowene.

³⁰ Me suh oo‐oo nebewah wanje‐shahgwewewaud kuhya wanje‐ahkoozewaud anduhzhe ahyahyag, ahnind dush wanje‐nebahwaud.

³¹ Kishpin muh tebahkoonedizzooyungoobun, kahween kedahgetebahkoonegoosemin.

³² Uhpe dush tebahkoonegooyung, kekooduggeëgoonaun owh Tabaningad, chetuhgoo‐nahneboomegoosewung oo‐oo uhkee.

³³ Benuh dush, nejekewaëdoog, uhpe pahmahwunje-edeyagoon cheweseneyag, peëdeyook suh.

³⁴ Kishpin dush ahweyah puhkuddad, mahnoo andaud tahnahkahwa‐wesene; cheëzhemahwunjeëdesewag emuh nahneboondewining. Enewh dush ween ahnind ningahquuhyukoosittoonun bahnemah tagwishenaun.