I. CORINTHIANUN 10 - Ottawa New Testament Penteteuch and Psalms 1874

¹ Kah muh nindenanduhse nejekewaëdoog, chekekanduhsewag kuhkenuh egewh kooseminahbuneeg keähgooshkahgoowaud ewh ahnuhquud kuhya kuhkenuh keähzhahwuhgummeöosawaud emuh kechegummeeng;

² Kuhya kuhkenuh kebaptizooëgoozewaud emuh enuhkuhkayah owh Moses emuh ahnuhquudoong kuhya emuh echegummeeng;

³ Kuhkenuh dush kemeejewaud ewh nahsaub oojechaugoowine meejim;

⁴ Kuhya kuhkenuh kemenequawaud ewh nahsaub oojechaugoowine menequawin: kemenequawug muh oonje enewh wajechaugwandahgoozenejin ahzhebikoon kahpemeweejewegoowahjin, owh dush ahzhebik me suh owh Christ.

⁵ Nebewah dush enewh kahween owh Kesha‐Muhnedoo oogeminwanemahseen: suhswayeëe muh kenesahwug emuh buhgwuhduhkummig.

⁶ Benuh dush oonoo keëzhewabudoon, chekekenoowahbunduhmung kenuhwind, chenunduhwanduhsewung enewh mujje‐uhyeëwishun, nahsaub wenuhwah kahnunduhwanduhmoowaud.

⁷ Kagoo kuhya muhzenenekakagoon, nahsaub ahnind egewh kahezhechegawaud, debishkoo azhebeëgahdag, Egewh ahnishenahbag kenuhmuhduhbewug chewesenewaud kuhya wemenequawaud, kuhya kepuhsegwewug weöoduhmenoowaud.

⁸ Kagoo kuhya peshigwahdezesedah, kahezhechegawaud egewh ahnind, kuhya ningoo‐kezheguk neshtuhnuh ahshe neswe duhsoo metauswauk keneboowug.

⁹ Kagoo kuhya kuhgwajeähsedah owh Christ, egewh ahnind kahezhechegawaud, kenesegoowaud dush enewh mujje‐kenabigoon.

¹⁰ Kagoo kuhya nahneebeketahgoozekagoon, nahsaub egewh ahnind kahezhechegawaud, kuhya keneeshwuhnah-jeëgoowaud enewh nashwuhnahjeëwanejin.

¹¹ Benuh dush kuhkenuh oonoo uhyeëen keëzhewabudene, chewahbundahegooyung: kuhya chekuhgekemegooyung oonje‐oozhebeëgahdawun kenuhwind puhguhmish-kahgooyung ewh uhpe gagah weïshquah‐uhkeewung.

¹² Benuh dush owh nesoongekahbow ananindezood tahaungwahmeze chekahwesasig.

¹³ Kahween gagoo pukkaun kuhgwajeëdewin kegepuhgummishkahgoosenahwah ewh suh atuh doowah moonzhug puhgummishkahgoowaud enenewug: Kesha‐Muhnedoo quuhyuk‐ezhewabeze, kah dush kegahpuggedenuhmahgoosewah chekuhgwajeëgooyagoobun ahwahshema ewh kaëzhekushketooyagoobun; kagwajeëgooyagoon ween suh kegahoozhetahmahgoowah kaöonje‐kushkoonduhmag.

¹⁴ Me dush kache‐sahgeënenuhgoog kaöonje‐oozhin-duhmag ewh muzzenenekawin.

¹⁵ Nindezhekekid debishkoo azheguhnoonindwah egewh nebwahkah‐wenenewug; nahnahgahdahwanduhmook ewh akedooyaun.

¹⁶ Ewh shahwanjegawine‐menequahjegun shahwanduhmaung, kah nuh ween ewh ahwunsenoon wanje‐oodahpenuhming ewh oomisqueem owh Christ? Kuhya owh buhquazhegun pabuhquabenungid, kah nuh ween owh ahwese wanje‐oodahpenuhming ooweyow owh Christ?

¹⁷ Kenuhwind dush ahnoo bahtuhyeëenooyung kepazhegoo‐buhquazhegunewemin, kuhya kepazhegoo‐weyowemahemin: kuhkenuh muh kedoodahpenahnaun owh pazhik buhquazhegun.

¹⁸ Benuh azhechegad owh Israel emuh weyahsemaung; kah nuh ween egewh mahjejig ewh sahsahgewejegun oodoodahpenunsenahwah enewh dabandahgwukin emuh sahsahgewejegun‐ahbikoong?

¹⁹ Ahneen dush ekedooyaun? ningood nuh cheënandahgoozid owh muzzenene, gamuh ningood anandahgwuk ewh pagidenahmahwindwah egewh muzzeneneeg?

²⁰ Oo‐oo atuh nindekid, enewh uhyeëen egewh mayuggezejig suhyahsahgewetoowaud oosahsahgewetuhmahwahwaun enewh mujje‐muhnedoon, kahween dush enewh Kesha‐Muhnedoon: kah dush nindenanduhse cheweedookahwagwah egewh mujje‐muhnedoog.

²¹ Kahween kedahkushketooseem chemenequayag oomenequahjegun owh Tabaningad, kuhya oomenequahjegunewah egewh mujje‐muhnedoog: kahween kekushketooseem cheöondenegayagoobun emuh ooduhdoopoowining owh Tabaningad, kuhya emuh ooduhdoopoowinewaung egewh mujje‐muhnedoog.

²² Kewenishkeähnaun nuh owh Tabaningad? ahwahshema nuh kenuhwind kemushkahwezemin dush ween Kesha‐Muhnedoo?

²³ Nepuggedenuhmahgoo ahnooj gagoo, kahween oonesheshinsenoon ahnooj cheëzhechegayaunbaun: nepuggedenuhmahgoo ahnooj gagoo, kah suh ahnooj gagoo nindoonje‐oondezese.

²⁴ Kah ween ahweyah enene oogahnundahwandunse tebenuhwa oodoondezewin, kuhkenuh dush egewh enenewug oogahnundahwandahnahwah pakahnezejig oodoondezewinewah.

²⁵ Wagoodoogwan atahwangan emuh ahtaundewining, me suh kameejeyag, kuhnuhga kuhgwadwasewag kekekanindezoowinewah oonje:

²⁶ Owh muh Tabaningad ootebandaun ewh uhkee, kuhya kuhkenuh emuh ayaugin.

²⁷ Kishpin ahweyah duhyabwayanduhsig nundoomenag cheweseneyag, enanduhmag dush weëzhahyag; wagoodoogwan kaähchegahdagwan emuh anahsuhmeyag, meejeyook, kuhnuhga gagoo kuhgwadwasewag kekekanindezoowinewah oonje.

²⁸ Kishpin atuh ahweyah enene oo‐oo enenag, Me suh maunduh kahsahsahgewetuhmahwindwah egewh muzzeneneeg, kagoo meejekagoon oonje owh kahwahbundahenag, kuhya kekanindezoowin oonje; owh muh Tabaningad ootebandaun ewh uhkee, kuhya kuhkenuh emuh ayaugin:

²⁹ Kekanindezoowin, nindekid, kahween keen tebenuhwa kekekanindezoowin, owh atnh pakahnezid ookekanindezoowin; ahneeshwin dush neen nepuggedenegoowin enanjegahdag debishkoo pakahnezid ookekanindezoowin?

³⁰ Kishpin neen shahwanjega‐weedookahgooyaun oonje‐oodahpeningayaun, wagoonash dush wanje‐mujje‐duhzhemegooyaun oonje ewh wanje‐mahmooyahwayaun?

³¹ Kishpin dush wahsenewagwan, gamuh manequawagwan, gamuh wagoodoogwan azhechegawagwan, chepeshegandahgoozid owh Kesha‐Muhnedoo oonje‐ezhechegayook.

³² Kagoo wuhsittah‐doodahwahkagoon egewh Jewyug, gamuh egewh Mayuggezejig, gamuh egewh tabandahgoozejig emuh oodahnuhmeähwining owh Kesha‐Muhnedoo:

³³ Debishkoo azheminwanduhmooügwah kuhkenuh enenewug enewh kuhkenuh uhyeëen, nunduhwanduhsewaun neen cheöondezeyaun, cheöondezewaud atuh nebewah chebemahjeïndwah.