I. CORINTHIANUN 1 - Ottawa New Testament Penteteuch and Psalms 1874

¹ Neen Paul, kahnundoomegooyaun oodahpostleëmun owh Jesus Christ cheähweyaun oonje oodenanduhmoowin owh Kesha‐Muhnedoo, kuhya Sosthenes kejekewaënaun.

² Nemahjebeühmahwahnahnig egewh dabandahgoozejig emuh oodahnuhmeäwining owh Kesha‐Muhnedoo ewede Corinthing, egewh dush pahneïndjig oonje Jesus Christ, nandoomindjig chepeenezewaud, kuhya kuhkenuh mezee wahyahweendungig ewh oodoonoozoowin owh Jesus Christ Tabanemenung, wenuhwah kuhya kenuhwind:

³ Shahwanjegawin kuhya pezaunewawin kegahahyahnahwah, oonje owh Kesha‐Muhnedoo koosenaun, kuhya oonje owh Tabanemenung Jesus Christ.

⁴ Moonzhug nemahmooyahwahmah Nekesha‐Muhnedoom kenuhwah oonje, kahezheshahwanemegooyag oonje owh Jesus Christ;

⁵ E‐ewh ahnooj gagoo ween oonje chewahnuhdezeegooyag emuh kuhkenuh kekedoowining, kuhya kuhkenuh nebwahkahwining;

⁶ Debishkoo ewh oodenahjemoowin owh Christ, kahminjemoosechegahdag emuh keyowewaung:

⁷ Ewh dush ween noondasasewag emuh gagoo meegewawining; peeäg owh Tabanemenung Jesus Christ chetuhgwishing:

⁸ Owh suh goo kuhya kasoongeënag peenish egoo ewh ishquah‐bemahdezing, ewh dush kuhnuhga chemujje‐ezhewabezesewag ewh uhpe ookezhegudoom owh Tabanemenung Jesus Christ oojechesanig.

⁹ Dabwatahgooze suh owh Kesha‐Muhnedoo, owh kahnundoomenag emuh ooweejindewining enewh oogwissun Jesus Christ Tabanemenung.

¹⁰ Kepahgoosanemenim dush, nejekewaëdoog, emuh oodezhenekahzoowining owh Tabanemenung Jesus Christ, kuhkenuh nanahsaub cheëkedooyag, kuhya cheduhgoomahgussenook enewh pukkaëdewinun emuh anduhzhe‐ahyahyag; wawane dush cheweedookoodahdeyag emuh nahsaub enanduhmoowining kuhya nahsaub enahkoonegawining.

¹¹ Ningeweenduhmahgoog muh egewh dabandahgoozejig emuh oowegewauming owh Chloe, wuhsittahwanindeyag kenuhwah nejekewaëdoog.

¹² Oo‐oo gooshah nindekid, kuhkenuh anduhsheyag oo‐oo akedooyag, Neen neweedookahwah owh Paul; kuhya neen neweedookahwah owh Apollos; kuhya neen neweedookahwah owh Cephas; kuhya neen neweedookahwah owh Christ.

¹³ Taushkenegahzoo nuh owh Christ? kesuhsahgah-quahwah nuh owh Paul kenuhwah oonje; gamuh kegebaptizoomegoom nuh emuh oodezhenekahzoowining owh Paul?

¹⁴ Nemegwachewanemah Kesha‐Muhnedoo kebaptizooëwahsewug ahweyah kenuhwah anduhsheyag, me atuh Crispus kuhya Gaius;

¹⁵ Koonemah ahweyah oo‐oo nindahgeïk, Baptizcoëwa emuh tebenuhwa oodezhenekahzoowining.

¹⁶ Kuhya ningebaptizooäug egewh dabandahgoozejig emuh oowegewauming owh Stephanas: kah dush nekekanduhseen ahweyah pakahnezid chegebaptizooüg.

¹⁷ Kah muh ningeöonje‐ahnoonegoose owh Christ chebaptizooëwayaun, chepahbahtebahdooduhmaun atuh ewh minwahjemoowin: kahween nebwahkahwine‐ekedoowinun cheähyooyaun, koonemah kah ningood tahgeënahbuttussenene oodahzhedayahtikoom owh Christ.

¹⁸ Debahdooduhming muh ewh ahzhedayahtik ookuhkebahdandahnahwah egewh nashwuhnahdezejig; kenuhwind dush bamahjeëgooyung kedenandahmin, me ewh oomushkahwezewin owh Kesha‐Muhnedoo.

¹⁹ Oo‐oo muh ezhebeëgahda, Ningahbuhnahjetuhmahwaug ewh oonebwahkahwinewah egewh nabwahkahjig, kuhya ninga ahnookee ningood cheënahbuttussenoonenig oonesitttootummoowinewah egewh nabwahkahjig.

²⁰ Ahneende owh nabwahkaud? ahneende owh oozhebeëga‐wenene? ahneende owh dabahdoodung oomah uhkeeng duhzhe kekanjegawinun? kah nuh ween Kesha‐Muhnedoo oogekuhkebahjetooseen oomah uhkeeng duhzhe‐nebwahkahwin?

²¹ Uhpe dush emuh oonebwahkahwining owh Kesha‐Muhnedoo, egewh akeewejig emuh tebenuhwa oonebwahkahwinewaung kahkekanemahsigwah enewh Kesha‐Muhnedoon, keminwandum owh Kesha‐Muhnedoo emuh kuhgequawine‐kuhkebahdezewining cheöonje‐bemahjeäud enewh duhyabwayanduhmenejin.

²² Egewh muh Jewyug oonundahwandahnahwah kekenoowahjechegun, kuhya egewh Greekug oonunduhwahbundahnahwah nebwahkahwin:

²³ Nenuhwind dush nepahbahdebahjemahnaun owh Christkahsuhsuhgahquahoond, oopukkittashinoowine‐metigoomewaun egewh Jewyug, egewh dush Greekug ookuhkebahdandahnahwah;

²⁴ Egewh dush kahnundoomindjig, egewh Jewyug kuhya egewh Greekug, Christ, oomushkahwazewin owh Kesha‐Muhnedoo, kuhya oonebwahkahwin owh Kesha‐Muhnedoo.

²⁵ Ookuhkebahdezewin muh owh Kesha‐Muhnedoo nahwuj nebwahkahmahgudene dush ween enewh enenewun; kuhya oonuhneepenezewin owh Kesha‐Muhnedoo nahwuj mushkahwezemahgudene dush ween enewh enenewun.

²⁶ Kewahbundahnahwah, nejekewaëdoog, kenundoomegoowinewah, nundoomahsewindwah nebewah nabwahkahjig weyahsewine‐nebwahkahwin, kah kuhya nebewah mashkahwezejig, kah kuhya nebewah kachetwahwezejig:

²⁷ Kesha‐Muhnedoo suh oogewuhwanahbundaunun enewh kakebahdandahgwukkin oomah uhkeeng cheähgujjeäud enewh nabwahkahnejin; kuhya owh Kesha‐Muhnedoo oogewuhwanahbundaunun enewh naneepenukkin uhyeëen cheähgujjetood enewh mashkahwezemahgukkin uhyeëen;

²⁸ Kuhya enewh dabussandahgwukkin uhyeëen oomah uhkeeng, kuhya ningood anandahgwussenoogin Kesha‐Muhnedoo oogewuhwanahbundaunun, aahe, kuhya ayahsenoogin uhyeëen, ningood cheënandahgwussenook enewh uhyeëen ayaugin:

²⁹ Ahweyah wahyahsewid chekechetwahwanemoosig anahsuhmuhbid Kesha‐Muhnedoo.

³⁰ Ween suh wanje‐debandahgoozeyag emuh Christ Jesusing, owh kahpuggedenegood enewh Kesha‐Muhnedoon, cheähwid kenebwahkahwinenaun, kuhya keminwandahgoozewinenaun, kuhya kequuhyuk‐ezhewabezeëgoowinenaun, kuhya kebemahjeëgoowinenaun:

³¹ Debishkoo suh azhebeëgahdag, Owh mamikwahnindezood, mahnoo tahmuhmikwahnindezoo oonje owh Tabaningad.