II. TIMOTHEUSUN 4 - Ottawa New Testament Penteteuch and Psalms 1874

¹ Kedahyaungwahmemin dush anahsuhmid Kesha‐Muhnedoo, kuhya owh Tabaningad Jesus Christ, owh katebahkoonaud enewh bamahdezenejin kuhya enewh naboonejin, uhpe nuhyahgoozid kuhya wagemahwid;

² Debahdoodun ewh ekedoowin; aunwahjeen uhpe manwanemegooyunin kuhya uhpe manwanemegoosewunin; guhnoozh egewh ahyahgoonwayandungig, weenduhmow egewh maje‐ezhewabezejig azhemahnahdudenig oomujje‐ezhewabezewinewah, ezhekuhgequan emuh kuhkenuh minwahdanduhmoowining, kuhya kekenooähmahgawining.

³ Tahtuhgwishenoomahgud suh ewh kezhegud, uhpe kaminwanduhsigwah wanesheshing kuhgequawin, nahsaub anandahgwudenig tebenuhwa oomujje‐nundahwanduhmoowinewaun oogahmeshenooähwaun kakenooähmahgoowahjin kesheebetahwuggawaud.

⁴ Kah dush oogahbezinduhsenahwah ewh dabwawin, oogahbezindahnahwah atuh enewh kewuhnemoowinun.

⁵ Keen edush ahyaungwahmezin emuh kuhkenuh uhyeëeng, soongummundun uhpe quaduggetooyunin; ahnookeetun ewh papah‐kuhgequad oodahnookeewin, wahweengazin ewh anuhnookeeyun.

⁶ Zhuhyegwah gooshah nekezheetah cheöonjegahtah-mahgooyaun nemisqueem, gagah dush debishkoosa uhpe wahuhnemahjahyaun.

⁷ Ningemegauz ewh wanesheshing megahzoowin, ningekezheetaun ewh kuhgwajekunedewin, ningeguhnuhwandaun ewh dabwayanduhmoowin;

⁸ Noongoom dush nindahtahmahgoo ewh menoo‐ezhewabezewine pukkinahga‐wewuhquaun, ewh kameezhid owh Tabaningad quuhyuk‐azhewabezid tebahkoonega‐wenene, ewh uhpe kekezheguk: kahween atuh neen, kuhya kuhkenuh egewh manwandungig ewh oonahgoozewin, ahtahmahwahwug.

⁹ Kecheminwawezin wuhyebah chepenaunzekahweyun:

¹⁰ Ningenuhguhnik muh Demas, kesahgetood maunduh noongoom ayahmahguk uhkee, keëzhemahjah dush ewede Thessalonicaïng; Crescens keëzhemahjah emuh Galatiaïng, Titus emuh Dalmatiaïng.

¹¹ Lucas atuh neweejewik. Oodahpin owh Marcus peweejewh dush: neweähbujjeäh muh emuh kuhgequawining.

¹² Tychicus dush ningeëzhenahzhahwah emuh Ephesusing.

¹³ Uhpe pemahjahyun peetookun ewh keche‐pesekoowahgun kahnuhguhduhmoowug owh Carpus emuh Troasing, kuhya enewh muzzeneëgunun, mamwach enewh pushquagenoo muzzeneëgunun.

¹⁴ Ningekeche mujje‐doodaug owh Alexander oozahwahbikoo ahwishtooyah: owh Tabaningad oogahdoodahwaun debishkoo enandahgwudenig oodahnookeewinun:

¹⁵ Kuhya keen egoo ahkahwahbum wah‐owh; ahpeche mahween oogemegahdaunun enewh nindekedoowinenahnin.

¹⁶ Uhpe netum kekuhnooduhmahdezooyaun kahween ahweyah ningeweeje‐kahbahwetahgoose, kuhkenuh suh ningenuhguhnigoog (ahpagish ningood cheähzhittah‐doodahwahsewindwah.

¹⁷ Owh dush Tabaningad ningeweeje‐kahbahwetaug, kuhya mushkahwezewin ningemeenik; cheöonje‐puhgukkanjegahdag ewh kuhgequawin neen oonje, kuhya kuhkenuh egewh mayuggezejig chenoonduhmoowaud; kuhya ningeöonje‐kedishkeëgoo emuh oodooning owh mezhebeshe.

¹⁸ Kuhya owh Tabaningad ningahekoonik emuh oonje kuhkenuh mujje‐ahnookeewinun, kuhya ningahguhnuhwanemik peenish egoo tagwishenaun emuh keche‐kezhegoong duhshe oodoogemahwewining, mesuh owh kapeshegandahgoozid kahgenig kuhya kahgenig. Amen.

¹⁹ Ahnahmekow Prisca kuhya Aquila, kuhya egewh dabandahgoozejig emuh oowegewauming owh Onesiphorus.

²⁰ Erastus keduhneze emuh Corinthing: ningenuhguhnah owh Trophimus ewede Miletuming keähkoozid.

²¹ Waweeb penaunzekahweshin chepwah pepoong. Keduhnuhmekaug Eubulus, kuhya Pudens, kuhya Linus, kuhya Claudia, kuhya kuhkenuh egewh wejekewaëmaug.

²² Ahpagish owh Tabaningad Jesus Christ cheweejewaud kejechaugwun. Mahnoo kegahshahwandahgooz. Amen.