II. TIMOTHEUSUN 3 - Ottawa New Testament Penteteuch and Psalms 1874

¹ Oo‐oo kuhya kekandun, uhpe wahishquah‐kezheguk tahpetuhgwishenoomahgudoon enewh nuhneezahnezewine kezhegudoon.

² Enenewug muh tahsahgeëdezoowug, oogahnetuh‐shoobeëgoonahwah enewh bakahnezenejin ooduhyeemene, tahnetuh‐muhmequahzoowug, tahminwahdanemoowug, tahmujje‐kezhwawug, oogahkuhgaunzetahwahwaun ooketezemewaun, kahween tahnetuh‐megwach‐enanduhsewug, tahweenezewug,

³ Kahween oogahsahgeähsewaun tebenuhwa oodenuhwamahgunewaun, oogahnetuh‐bahnahjetoonahwah oowahweendahmahgawinewaun, tahkuhkenuhwishke‐bahtaungawug, tahpezhigwahdezewug, tahahquahdezewug, oogahneshebahpenoodahwahwaun enewh manoo‐ezhewabezenejin,

⁴ Tahnetuh‐bahtahewawug, kahween oogahoogemahkunduhsenahwah oomujje‐nunduhwanduhmoowinewaun, tahkechetwahwanemoowug, ahwahshema oogahsahgetoonahwah ewh oonahnegoozewin dush ween kaëzhesahgeähwaud Kesha‐Muhnedoon;

⁵ Kekishkuhmoowaud ewh ahnuhmeähwine inwahzoowin, ahgoonwayanduhmoowaud ewh ahnuhmeähwin azhemushkahwezemahguk: nuhguzh oogoo doowug.

⁶ Me suh oo‐oo azhewabezewaud egewh pahyahpeen-degashkungig enewh wegewaumun kuhya pakawenahjig enewh kakebahdezenejin equawishun bahtuhyeënenid oomujje‐ezhewabezewinene nuhittuhmenid ahnooj mujje-enanduhmoowishun,

⁷ Moonzhug kekenooähmahgoozewaud, kah dush ootakekanduhsenahwah ewh dabwawin.

⁸ Debishkoo Jannes kuhya Jambres kahezheähgoonwatahwahwaud enewh Mosesun, me suh kuhya oogoo azheahgoonwayanduhmoowaud ewh dabwawin: enenewug mahyahnahduhdenegin oodenanduhmoowinewaun ahwewug, wabenegahzoowug emuh oonje dabwayanduhmoowining.

⁹ Kahween ahwahshema tahkushkeöosewug: oogahkekanemegoowaun suh kuhkenuh enenewun azhekuhkebahdezewaud, debishkoo kuhya kahezhekekandahgoozewaud egewh.

¹⁰ Keen dush kegepuggukkandaun nekekenooähmahgawin, nindezhewabezewin, nenunduhwanduhmoowin, nindabwayanduhmoowin, neshuhsheebanduhmoowin, nesahgeëwawin, nesoonguhmunduhmoowin,

¹¹ Enewh kooduggeëgoowinun, kuhya ketemahgezewinun kahpuhgummishkahgooyaunin emuh Antioching, emuh Iconiuming, kuhya emuh Lystraïng; menik kahkooduggeëgooyaun: oonje dush emuh kuhkenuh oonoo ningeëkoonik owh Tabaningad.

¹² Menungakah, kuhya kuhkenuh kawebuhmeetahwahjig Kesha‐Muhnedoo oonje Christ Jesus oogahahyahnahwah enewh kooduggeëgoowinun.

¹³ Egewh dush maje‐ezhewabezejig enenewug kuhya wahyazhingajig ashkum tahkuhgwahnesuggandahgoozewug, wuhyazhingawaud kuhya wuhyazhemindwah.

¹⁴ Keen dush aunwahdandun oonoo uhyeëen kahkekenooähmahgooyunin kuhya kahpuggukkandahmunin, kekanemud owh kahkekenooähmauk;

¹⁵ Kuhya dush ahpena goo pahahkoo‐ahbenoojeëweyun keöonje‐kekanduhmun enewh kechetwah‐oozhebeëgunun, enewh kashkeäwukkin chenebwahkahegooynn, ewh bemahjeëwawine nebwahkahwin oonje ewh dabwayanduhmoowin azhedabwayanemind Christ Jesus.

¹⁶ Kuhkenuh enewh kechetwah‐oozhebeëgunun oonjeemahgudoon emuh oodenanduhmoowining owh Kesha‐Muhnedoo, enahbuddudoon dush chekekenooähmahgang, chewahweenjegahdag mujje‐ezhewabezewin azhemahnahduk, chemenoo‐ezhewabezeëgoong, kuhya chekekenooähmahwindwah bamahdezejig ewh quuhyuk‐wahdezewin:

¹⁷ Chekeche‐menoo‐ezhewabezid owh enene bameetahwaud Kesha‐Muhnedoon, wahweenga chemekindung kuhkenuh menoo‐ahnookeewinun.