II. TIMOTHEUSUN 2 - Ottawa New Testament Penteteuch and Psalms 1874

¹ Keen dush, ningwis, mushkahwezin emuh shahwanemegoowining ewh wanjeemahguk emuh Christ Jesusing.

² Kuhya enewh uhyeëen kahweenduhmoonaun anahsuhmewaud nebewah bamahdezejig, me suh enewh kapuggedenuhmahwudwah egewh ayaungwahmezejig enenewug, kakushketoojig chekekenooähmahwahwaud enewh pakahnezenejin.

³ Keen dush shuhsheebandun enewh sunnuggezewinun, debishkoo manwawezenejin ooshemahgunishemun owh Jesus Christ.

⁴ Kahween ahweyah mahgahzood oobahbahmanduhsenun enewh uhyeëen dabandahgwukkin maunduh bemahdezewining, cheöonje‐minwanemegood enewh kahwuhwanahbuhmegoojin cheshemahgunishewid.

⁵ Kishpin dush enene wekoojetood ewh pukkinahgawin kahween pukkenahgawine‐suhsagah‐wewuhquaun meenahse, kishpin nahsaub keëzhekuhgwajekuzhewasig anandahgwuk ewh kahgwajekunedewine enahkoonegawin.

⁶ Owh ketega‐wenene anookeed enandahgooze netum cheöodahpenung enewh menewinun.

⁷ Nahnahgahdahwandun ewh akeedooyaun; mahnoo dush owh Tabaningad kegahmeenik nesittootummoowin emuh kuhkenuh uhyeëeng.

⁸ Mequanim owh Jesus Christ emuh oomenekauning owh David kahoondahdezid keähbejebahind debishkoo akedoomahguk neminwahjemoowin:

⁹ Ewh wanje‐kooduggetooyaun, nahsaub egoo maje‐ezhewabezid, tuhkoobejegahzooyaun; kah dush tuhkoobejegahdasenene Kesha‐Muhnedoo oodekedoowin.

¹⁰ Me suh wanje‐shuhsheebanduhmaun kuhkenuh uhyeëen oonje egewh kagegenindjig, cheähyahmoowaud ewh bemahjeëgoowin oonje owh Jesus Christ mahmahwe kahgega‐peshegandahgoozewin.

¹¹ Dabwamahgud suh oo‐oo ekedoowin: Kishpin mahween weeje‐neboomung kegahweeje‐bemahdezemahnaun:

¹² Kishpin kooduggetooyung, kegahweej‐oogemahwemahnaun: kishpin ahgoonwatuhwung, kuhya ween egoo kegahahgoonwatahgoonaun:

¹³ Kishpin dabwayanduhsewung, pooch ween tahdabwa, kahween ookushketooseen chebahnahjetood tebenuhwa oodekedoowin.

¹⁴ Oonoo uhyeëen kegahmequanduhmeäug, ahyaungwahmemudwah anahsuhmeed owh Tabaningad cheähgoonwatahdesigwah oonje enewh ekedoowinun ningood anahbuttussenoogin, wanje‐pukkawenindwah egewh bazindungig.

¹⁵ Keche‐wekoojetoon cheëzhepuggedenedezooyun cheminwanemik Kesha‐Muhnedoo, debishkoo anookeetahgad kaähgujjesig, quuhyuk chemahdahookeeyun ewh dabwawine ekedoowin.

¹⁶ Meewetun ningood anahbuttussenoogin kekedoowineshun: ashkum kaöonje‐mujje‐ezhewabezing.

¹⁷ Ewh mahween oodekedoowinewah ashkum tahbahnahjeëwamahguddene debishkoo mahnahdahpenawin, mesuh azhewabezewaud Hymenæus kuhya Philetus;

¹⁸ Egewh kahoonje‐pukkajig emuh dabwawining, ekedoowaud ahzhuh kekuhbekoosamahgud ewh ahbejebahwin, kuhya oobahnahjetuhmahwahwaun ahnind oodabwayanduhmoowinene.

¹⁹ Pooch Kesha‐Muhnedoo oominjemoosechegun soongekahbahwemahgudene ewh atanig maunduh ahkookewussegun, Tabaningad ookekekanemaun enewh tebenuhwa oodahnishenahbamun, Kuhya, Mahnoo kuhkenuh egewh wuhyahweendungig oodoonoozoowin owh Christ oogahwabenahnahwah mujje‐ezhewabezewin.

²⁰ Emuh keche‐wahkaheguning kahween atuh oozahwah‐shooneyah oonahgunun kuhya shooneyah oonahgunun ahtasenoon, kuhya enewh metikoo uhyeëen kuhya wahbegune uhyeëen ahtanoon, ahnind kechetwahwandahgwudoon, menuhwah dush ahnind dahbussandahgwuddoon.

²¹ Kishpin dush ahweyah oonje peenedezood oonoo uhyeëen, me suh owh debishkoo kachetwahwandahgwuk oonahgun kaënandahgoozid, dabandahgwuk emuh ahnuhmeähwining, apeetandahgwuk cheähyood owh wawegewaumid, kuhya wawazhechegahdag emuh kuhkenuh menoo‐ahnookewining cheënahbuttuk.

²² Oozhindun dush ooshkenuhwawine mujje‐nunduhwanduhmoowinun: noopenudun ewh quuhyuk‐ezhewabezewin, dabwayanduhmoowin, sahgeëdewin, pezaun‐bemahdezewin, weedookahwudwah egewh emuh pahnuk oodaëmaung azheähnuhmeätuhwahjig enewh Tabaninganejin.

²³ Meewetun dush enewh kakebahdandahgwukkin, kuhya kakenooähmahgamahgussenoogin kuhgwadwawinun, kekanduhmun enewh megahdewinun cheöonjeemahguk emuh.

²⁴ Owh dush bameetuhwaud Kesha‐Muhnedoon kahween tahkekaungase, bakah oogahguhnoonaun kuhkenuh enewh enenewun, tahnetuh‐kekenooähmahga, tahshuhsheebandum,

²⁵ Emuh bakahdezewining ezhekekenooähmahwaud enewh ahyahgoonwatahgoojin, koonemah Kesha‐Muhnedoo oodahmeenaun ewh aunwanindezoowin chedabwayanduhmenid ewh dabwawin;

²⁶ Kuhya cheöonje‐kediskeëdezoowaud emuh oonuhgwahguning owh Mujje‐Muhnedoo, egewh kahtuhkoone-goowaud enewh ween ahyenanduhmenid chedoodahgoowaud.