II. TIMOTHEUSUN 1 - Ottawa New Testament Penteteuch and Psalms 1874

¹ Paul, oodahpostleëmun Jesus Christ oonje oodenanduhmoowin Kesha‐Muhnedoo, cheöonjewahweenjegahdag ewh bemahdezewine wahweendahmahgawin, ewh ayahmahguk emuh Christ Jesusing.

² Oomahjebeühmahwaun enewh suhyahgeähjin oogwissun Timotheusun: mahnoo kegahahyaun shahwandahgoozewin, ketemahganemegoowin, kuhya pezaun‐bemahdezewin oonje Kesha‐Muhnedoo Wayoosemind kuhya Jesus Christ Tabanemenung.

³ Nemegwachewanemah Kesha‐Muhnedoo, owh bameetuhwug oonje egewh neketezemug emuh pahnuk kekanindezoowining, poonetahsewaun mequanemenaun uhpe anuhmeähyaunin tabekukkin kuhya kahzhegukkin;

⁴ Keche‐nunduhwanduhmaun chewahbuhmenaun, mequanduhmaun enewh kesebeengooyun cheöonje‐mooshkenashkahgooyaun ewh moojegezewin;

⁵ Mequanduhmaun ewh ahnuhmeäkahzoomahgussenook dabwayanduhmoowin kakishkuhmun, ewh netum kahkekishkung owh kookoomis Lois, kuhya owh keguh Eunice; kahya nindenandum keen kakishkuhmun.

⁶ Mesuh wanje‐mequanduhmeënaun chechechekinzha-ühmun ewh oomeegewawin owh Kesha‐Muhnedoo, ewh kakishkuhmun oonje kepuggijeneenjetoonaun.

⁷ Kah muh Kesha‐Muhnedoo kegemeenegoosemin enewh sagezewine oojechaugoomaun, ewh atuh mushkahwezewin, kuhya sahgeëdewin, kuhya nabwahkahmahguk enanduhmoowin.

⁸ Kagoo dush ahgujjetunkan oodebahjemoowin owh Tabanemenung, kagoo kuhya ahgujjetuhwishekan neen kabahquahegahzooyaun ween oonje: keen dush weedookahzoon emuh kooduggeëgoowining oonje ewh minwahjemoowin anandahgwudenig oomushkahwezewin Kesha‐Muhnedoo;

⁹ Owh kahbemahjeënung kuhya kahnundoomenenung ewh manooëzhewabuk nundoongawin, kahween oonje kenuhwind kedezhechegawinenahnin, oonje atuh tebenuhwa kezhah keënandung, kuhya oonje oozhahwanjegawin kahezheshahwanemenung emuh Christ Jesusing chepwah mahje‐uhkeewung,

¹⁰ Noongoom dush mazheshahwejegahdag oonje ewh kenahgoozid Jesus Christ bamahjeënung, kuhya kahbahnahjetood ewh neboowin, kuhya kemezheshahwissittood ewh bemahdezewin kuhya ewh kahgega‐bemahdezewin oonje ewh minwahjemoowin:

¹¹ Ewh wanje‐ahnoonegooyaun chepahbahdebahdooduhmaun, kuhya cheähpostleëweyaun, kuhya chekekenooähmahwugwah egewh mayuggezejig.

¹² Me suh wanje‐kooduggeëgooyaun oonoo kooduggedoowinun: kah suh nindahgujjese: nekekanemah muh owh tuhyabwayanemug, kuhya nequuhyukwandaun ewh chekushketood cheguhnuhwandung ewh kahpuggedenuhmoowug nahnauzh egoo ewh uhpe kekezheguk.

¹³ Mushkahwe‐minjemandun ewh wanesheshing ekedoowin, kahnoonduhmahweyun emuh dabwayanduhmoowining, kuhya sahgeëwawining oonje owh Christ Jesus.

¹⁴ Ewh wanesheshing uhyeëe kahmeenegooyun guhnuhwandun oonje owh Keche‐Oojechaug owh kakishkuhwung.

¹⁵ Oo‐oo kekekandaun, kuhkenuh emuh Asiaïng dabandahgoozejig ningenuhguhnigoog; me suh kahezhechegawaud Phygellus kuhya Hermogenes.

¹⁶ Ahbagish Kesha‐Muhnedoo shahwanemaud enewh dabandahgoozenejin emuh oowegewauming owh Onesiphorus; nuhningim muh ningemenoodaäïk, kah dush oogeahgujjetunsenun netuhkoobezoowinun:

¹⁷ Uhpe dush emuh Romeïng ayaud ningewahweenga-oondoonaöog kuhya ningemekaug.

¹⁸ Ahpagish chepuggedenuhmahgood enewh Tabaninganejin chemekung ewh shahwandahgoozewin oonje owh Tabaningad ewh uhpe kekezheguk: menik edush kahshahwanemid emuh Ephesusing, keen kequuhyukwandaun.