II. THESSALONIANUN 3 - Ottawa New Testament Penteteuch and Psalms 1874

¹ Isquauch edush wejekewaëmahdoog, ahnuhmeätuhmahweshinaum, ewh oodekedoowin owh Tabaningad chemahjishkahmahgudenig kuhya chekechetwahwanjegadanig, debishkoo azhewabuk ewede kenuhwah anduhzhe ahyahyag:

² Nenuhwind chemeetahgwanuhmahgooyaung enewh kakebahdezenejin kuhya maje‐ezhewabezenejin enenewun; kah mahween kuhkenuh enenewug oodahyaunsenahwah dabwayanduhmoowin.

³ Ahyaungwahmeze suh owh Tabaningad, owh kasoonge‐kahbahweënag, kuhya kameetahgwanuhmoonag enewh mujje‐ahyahahwishun.

⁴ Nindahpanemoonaun owh Tabaningad kenuhwah oonje, kagate ezhechegayag kuhya kaëzhechegayag enewh uhyeëen kagekemenenuhgoogin.

⁵ Ahpakish owh Tabaningad cheëzhewetood enewh kedaëwaun emuh oosahgeëwawining Kesha‐Muhnedoo, kuhya emuh ooshuhshebanduhmoowining Christ.

⁶ Benuh dush kekuhgaunzemegoom, wejekewaëmahdoog, oonje ewh oodoonoozoowin Tabanemenung Jesus Christ, chenuhguhnagwah kuhkenuh egewh wejekewaëmaug wawane bamoosasigoog kuhya azhebemoosasigoog anandahgwuk ewh kuhgequawin kahoodahpenahmahgooyaung.

⁷ Kenuhwah muh tebenuhwa kekekandahnahwah kae hekekenoo‐wahbuhmeyaungebun: kah muh ningemujje‐ezhewabezesemin anduhzhe‐ahyahyag;

⁸ Kah dush ahneshah ningemeejesemin ahweyah oobuhquazhegunemun; ningekeche‐ahnookeemin atuh tabekukkin kuhya kahzhegukkin, chenundoodahmahwahsewungid gagoo ahweyah menik anduhsheyag.

⁹ Kahween ewh enandahgoozesewaung oonje, kenuhwah dush chekekenoo‐wahbuhmeyaung azhewabezeyaung.

¹⁰ Uhpe dush kahduhnezeyaung ewede anduhzhe ahyahyag, oo‐oo kegeëzhekuhgekemenenim, kishpin ahweyah weähnookeesig, kah kuhya tahwesenese.

¹¹ Nenoondahmin suh ween ahnind ahyahwaud quuhyuk‐bamoosasigoog anduhzhe ahyahyag kuhnuhga anookeesigoog, ahnooj dush gagoo oobahbahmandahnahwah.

¹² Benuh dush nindenahnahnig kuhya nekuhgaunzoomahnahnig oogoo doowug oonje Tabanemenung Jesus Christ, pezaun cheähnookeewaud, kuhya cheäumwahwaud tebenuhwa oobuhquazhegunemewaun.

¹³ Kenuhwah dush, wejekewaëmahdoog, kagoo ahnezheetunkagoon ewh menoo‐dooduhmag.

¹⁴ Kishpin ahweyah bezinduhsig nindekedoowinenaun emuh nemahjebeëgunenaung, mequanemik wah‐owh kagoo kuhya weejewahkagoon, cheöonje‐ahgujjeed:

¹⁵ Kagoo sheenganemahkagoon, kuhgekemik dush debishkoo wejekewaëmah.

¹⁶ Benuh dush, owh Tabaningad pezaunezewin mahgewad, kegahmeenegoowah ahnooj pezaunezewinun kahgenig. Tabaningad kegahweejewigoowah kuhkenuh kenuhwah.

¹⁷ Nindahnuhmikahgawin neen Paul tebenuhwa neneenjeeng, mesuh ewh kekenoowahjechegun emuh anduhsing mahjebeëgun; me suh oo‐oo azhebeëgayaun.

¹⁸ Ooshahwanjegawin Tabanemenung Jesus Christ kegahweejewegoonahwah kuhkenuh. Amen.