II. PETER 3 - Ottawa New Testament Penteteuch and Psalms 1874

¹ Maunduh mahjebeëgun, suhyahgeënenuhgoog, me nezhing mahjebeühmoonenuhgoog; ewh netum kuhya maunduh noongoom neweöombahzoondaunun enewh quuhyukwandahgwukkin kedenanduhmoowinewaun, muhmequanduhmeënenuhgoog:

² Cheöonje‐mequanduhmag enewh ekedoowinun kuhyet kahekedoowahpun egewh kachetwahwezejig aunwahjega‐wenenewug, kuhya enewh nekuhgequawinenahnin nenuhwind waduhpostleëyummingid owh Tabaningad kuhya Bamahjeëwad;

³ Oo‐oo netum kekanduhmag, chewepeëzhahwaud egewh nashebahpenoodahgajig, kaënoosajig nahsaub ananduhmoomahgudenig tebenuhwa oomujje‐nunduhwanduhmoowinewaun.

⁴ Oo‐oo dush kaëkedoowaud, Ahneende ewh wahweendahmahgawin wepetuhgwishing owh? uhpena muh pahahkoo‐nebahwaud egewh wayoosemindjig kuhkenuh uhyeëen pazhigwunoong ezheähyahmahgudoon azheähyaugebun uhpe mahyahje‐oozhetoong uhkee.

⁵ Oo‐oo muh oonjedah oodoonandahnahwah, Kesha‐Muhnedoo oodekedoowin kuhyet keöonje‐oozhechegahdag ewh kezhik, kuhya ewh uhkee nebeeng keöonje‐oozhechegahdag kuhya magwa nebeeng ayahmahguk.

⁶ Ewh kahoonje‐bahnahduk uhkee ewh uhpe kahahyahmahguk, kahmooshkuhung ewh nebee.

⁷ Oo‐oo dush kezhik kuhya uhkee noongoom ayaugin, oonje ewh nahsaub ekedoowin guhnuhwanjegahdanoon, chechahgedag uhpe tebahkoonega‐kezheguk, uhpe kabahnahdezewaud egewh enenewug bameetuhwahsegoog Kesha‐Muhnedoon.

⁸ Kenuhwah dush ween suhyahgeënenuhgoog, kagoo wuhnandunkagoon oo‐oo pazhik uhyeëe, pazhik kezhegud debishkoo metauswauk kekenoonowinun cheähpeetandahgwuk anahsuhmid owh Tabaningad, kuhya metauswauk kekenoonoowinun debishkoo pazhik kezhegud.

⁹ Kah suh ween badanduhse Kesha‐Muhnedoo cheëzhechechegapun ewh kahezhewahweendahmahgad, ewh ahnind enenewug uhyenanemahwaud; kinooäzh keminwahdanemegoonaun suh kenuhwind, oonje minwanduhsig ahweyah chebuhnahdezenid, nundahwandung dush ween kuhkenuh chepenaunzekuhmenid ewh aunuhwanindezoowin.

¹⁰ Ookezhegudoom owh Tabaningad tahpetuhgwishenoomahgudene debishkoo owh kamoodishkid magwah tebekudenig me ewh uhpe kamahjahmahguk ewh kezhik magwah keche‐kootahmegwawag, kuhya kuhkenuh enewh uhyeëen wazhechegahdagin tahningetawun kaähpeech‐kezhetag, kuhya ewh uhkee kuhya kuhkenuh ahnookeewinun emuh ayaugin tahchahgahkedawun.

¹¹ Kekanduhmag dush ween chewebahnahduk kuhkenuh oonoo uhyeëen, ahneen kageëzhebemahdezeyagobun emuh kuhkenuh menoo‐ezhewabezewining kuhya menoo‐ahnuhmeähwining.

¹² Nunduhwahbunduhmag kuhya waweebetuhmag ookezhegudoom Kesha‐Muhnedoo, uhpe kasuhkittag kezhik chebahnahduk, kuhya cheningetag kuhkenuh enewh uhyeëen wazhechegahdagin kaähpeech‐keche‐kezhetag?

¹³ Pooch edush kenuhwind kenundahwahbundahmin ooshke kezhik kuhya ooshke uhkee, debishkoo akedoomahguk ewh oowahweendahmahgawin, emuh kaähyahmahguk ewh quuhyuk‐ezhewabezewin.

¹⁴ Benuh dush, suhyahgeënenuhgoog, kekanduhmag nunduhwahbunduhmag oonoo doowun uhyeëen, ahyaungwahmezik emuh pezaunezewining cheëzhemekoonenag owh, cheweenezesewag, kuhya gagoo chemujje‐enanemegoosewag.

¹⁵ Kuhya enanduhmoog ewh oominwahdanduhmoowin Tabanemenung bemahjeëwawin cheähwunenig, debishkoo owh suhyahgeüng kejekewaënaun Paul kahezhebeühmoonag, debishkoo anandahgwudenig ewh nebwahkahwin kahpuggedenuhmahwind;

¹⁶ Debishkoo azheähyahnig kuhkenuh enewh oomahjebeëgunun, emuh anduhzhindung oonoo uhyeëen, ahnind dush oonoo uhyeëen sunnuggudoon chenesittootuhmingebun, egewh dush kakenooähmahgoozesegoog kuhya swaungedaäsegoog oomujje‐ahbujjetoonahwah, tebenuhwa chenishwuhnahjeëgoowaud debishkoo andooduhmoowaud ahnind Kechetwah‐Oozhebeëbegunun.

¹⁷ Kenuhwah dush suhyahgeënenuhgoog, kezhah kekanduhmag oonoo uhyeëen, ahyaungwahmezeyook, koonemah kedahgewuhneshemegoonahwah ewh oowuhneshemegoowinewaun egewh maje‐ezhewabezejig, chepungeshinagoobun emuh oonje anduhzhe soongekahbahweyag.

¹⁸ Ezhemahjegeyook dush ween emuh shahwandahgoozewining, kuhya emuh kekandahsoowining wanje‐kekanemind Tabanemenung kuhya Bamahjeënung Jesus Christ. Mesuh owh kapeshegandahgoozid noongoom kuhya kahgenig. Amen.