II. PETER 1 - Ottawa New Testament Penteteuch and Psalms 1874

¹ Simon Peter, oobuhmeetahgunun kuhya oodahpostleëmun Jesus Christ, oomahjebeühmahwaun enewh kahoodahpenenejin nahsaub‐anandahgwuk dabwayanduhmoowin kahoodahpenuhmaung nenuhwind, oonje ooquuhyukezhewabezewin Kesha‐Muhnedoo, kuhya Bamahjeënung Jesus Christ.

² Ashkum nebewah kegahahyahnahwah shahwanjegawin kuhya pezaunewawin, oonje puhgukkanemag Kesha‐Muhnedoo, kuhya Tabanemenung Jesus Christ.

³ Owh mahween Kesha‐Muhnedoo oonje mushkahwezid kegemeenegoonaun kuhkenuh uhyeëen dabandahgwukkin emuh bemahdezewining kuhya menoo‐ahnuhmeähwining, oonje puhgukkanemung owh kahezhenundoomenung emuh peshegandagoozewining kuhya menoo‐ezhewabezewining:

⁴ Mesuh oonoo wanje‐meenegooyung kachetwahwandahgwukkin kuhya kache‐ahpeetandahgwukkin wahweendahmahgawinun: oonoo cheöonje‐puggeduhmahgooyag checheënahdezeyag debishkoo anahdezid Kesha‐Muhnedoo keöozhinduhmag ewh nishewuhnahdezewin anduhgoomahguk oomah uhkeeng oonje mujje‐nunduhwanduhmoowin.

⁵ Menuhwah dush, aunwahjeyook, emuh kedabwayanduhmoowinewaung cheduhgoo‐ahtooyag ewh menoo‐ezhewabezewin; kuhya emuh kemenoo‐ezhewabezewinewaung cheduhgoo‐ahtooyag ewh kekanjegawin:

⁶ Kuhya emuh kekekanjegawinewaung cheduhgoo‐ahtooyag ewh uhnesahdezewin; kuhya emuh keduhnesahdezewinewaung cheduhgoo‐ahtooyag ewh shuhshebanduhmoowin; kuhya emuh keshuhshebanduhmoowinewaung cheduhgoo‐ahtooyag ewh menoo‐ahnuhmeähwin.

⁷ Kuhya emuh kemenoo‐ahnuhmeähwinewaung cheduhgoo‐ahtooyag ewh wejekewaëwine‐shahwanindewin; kuhya emuh wejekewaëwine‐shahwanindewining cheduhgoo‐ahtooyag sahgeëdewin.

⁸ Kishpin mahween kekishkuhmag oonoo uhyeëen, kuhya kishpin bahtuhyeënuk, mesuh kaöonje‐mekoogetooyag enewh menewinun, oonje puhgukkanemag Tabanemenung Jesus Christ.

⁹ Owh dush ween kakishkunsig oonoo uhyeëen kuhkepeengwa, kah dush kushkeöose wahsuh chetabahbid, keoonandum dush ahzhuh keëkoonuhmahwind enewh kata oomujje‐ezhewabezewinun.

¹⁰ Me suh nejekewaëdoog, ahwahshema kaöonje‐minwawezeyag cheöonje‐quuhyukwanduhmag kenundoomegoowinewah kuhya wuhwanahbuhmegoowinewah: kishpin mahween ezhechegayag oonoo kah wekah kegahpungeshinseem.

¹¹ Me suh kaëzhepuggedenuhmahgooyag chekeche-peendegayag emuh ookahgega‐oodoogemahwewining Tabanemenung kuhya Bamahjeënung Jesus Christ.

¹² Mesuh kaöonje‐ahnezhetunsewaun moonzhug chemequanduhmenenuhgoog oonoo uhyeëen, ahnoo ween goo kekanduhmag kuhya soongekahbahweyag emuh maunduh dabwawining.

¹³ Menungakah, nindenandum ewh nundahwandahgoozeyaun menik ayahyaun oomah puhpuhgeewuhyauneguhmigoong cheöombahzoomenenuhgoog muhmequanduhmeënenuhgoog.

¹⁴ Kekanduhmaun, zhuhyegwah gagah chekesekuhmaun nepuhpuhgeewuhyauneguhmig debishkoo kahezhewahbunduhid Tabanemenung Jesus Christ.

¹⁵ Menuhwah dush ningahwekoojetoon chekushkeöoyag uhpe keishquah‐bemahdezeyaun moonzhug chemequanduhmag oonoo uhyeëen.

¹⁶ Kah muh ningenoopenuhdunsemin enewh kuhkuhyanezewine‐ahtussookawinun, uhpe kedebahjemootuhmoonenuhgoog azhemushkahwezid kuhya wepetuhgwishing Tabanemenung Jesus Christ, ningemechewahbundahmin suh ookechetwahwandahgoozewin.

¹⁷ Oogemeenegoon mahween enewh Kesha‐Muhnedoon Wayoosemindjin kechetwahwandahgoozewin kuhya peshegandahgoozewin, uhpe kepeöodissegood oo‐oo doowah inwawin keöonzetahgwudenig emuh oonje kechetwah peshegandahgoozewining, Mesuh wah‐owh Ningwis suhyahgeüg, me suh manwanemug.

¹⁸ Kuhya ningenoondahmin ewh inwawin keche‐kezhegoong kahoonzetahgwuk, uhpe keweejewungid emuh kechetwah‐wahjewing.

¹⁹ Kedahyahmin dush ween ahwahshema quuhyukwandahgwuk ekedoowin, me suh ewh aunwahjegawin; kemenoochegam dush bezinduhmag oo‐oo, debishkoo wahsuhkoonanjeguning wahyahsuhkoonag emuh akoo‐puhsuhkishkaug, nahnauzh egoo petahbung, kuhya owh waub‐ahnung mookesad emuh kedaëwaung:

²⁰ Netum oo‐oo kekanduhmag, kahween kagoo keche‐muzzeneëgune aunwahjegawin ahnekuhnootahmahdezoomahgussenoon.

²¹ Kah muh kuhyet keöonjeemahgussenoon ewh aunwahjegawin emuh oondenanduhmoowining enene: Pahnezejig dush ween enenewug bameetahwahjig Kesha‐Muhnedoon kekekedoowug debishkoo kahezhekekenooähmahgoowaud enewh Keche Oojechaugwun.