II. JOHN 1 - Ottawa New Testament Penteteuch and Psalms 1874

¹ Owh katezid oomahjebeühmahwaun enewh kagegenindjin kachetwahwezenejin equawun, kuhya enewh oonejahnesene, egewh suhyahgeügig emuh dabwawining; kahween neen atuh, kuhkenuh suh goo kakandungig ewh dabwawin:

² Oonje ewh dabwawin ayahmahguk emuh keyowenaung, kuhya kaweejewegooyung kahgenig.

³ Mahnoo shahwandahgoozewin kegahahyahnahwah, kuhya shahwanjegawin, kuhya pezaunewawin, oonje Kesha‐Muhnedoo Wayoosemind, kuhya Tabaningad Jesus Christ, oogwissun owh Wayoosemind, emuh dabwawining kuhya sahgeëdewining.

⁴ Ningekeche‐moojegandum kemekuhwugwah ahnind kenejahnesug bemoosawaud emuh dabwawining, debishkoo kahezhekuhgekemenung Wayoosemind.

⁵ Noongoom dush kepahgoosanemin, keen kachetwahwezeyun equa, kahween egoo kedezhebeühmoosenoon ooshke‐kuhgequawin, mesuh atuh ewh wuhyashkud kahahyahmung, chesahgeëdeyung.

⁶ Mesuh oo‐oo sahgeëdewin, cheënoosayung nahsaub akedoomahgudenig ookuhgequawinun. Mesuh oo‐oo kuhgequawin, debishkoo wuhyashkud kahezhenoonduhmag, chebemoosayag emuh.

⁷ Nebewah muh wuhyazhingashkejig kepeëzhahwug oomah uhkeeng, egewh duhyabwayanduhsegoog kepeëzhaud Jesus Christ emuh weyausemaung: Mesuh wah‐owh wuhyazhingashkid kuhya Anti‐Christ ahyahwid.

⁸ Ahyaungwahmezeyook chewuhnetoosewung enewh uhyeëen kahkushketooyungoobuneen, kuhkenuh dush tebahahmahgoowin chetameenegooyung.

⁹ Ahwagwan maje‐ezhechegagwan, swaunge‐kahbahwesegwan emuh ookuhgequawining Christ, kahween oodahyahwahseen Kesha‐Muhnedoon. Owh dush ween swaunge‐kahbahwid emuh ookuhgequawining Christ, oodahyahwaun nuhyazh enewh Wayoosemindjin kuhya enewh Wagwissememinjin.

¹⁰ Kishpin ahweyah penaunzekoonag, petoosig dush oo‐oo kuhgequawin, kagoo peendigunahkagoon emuh kewegewaumewaung kagoo kuhya ahnemikahwahkagoon:

¹¹ Owh kaähnuhmekahwaud ooweedookahwaun mujje‐ezhecheganid.

¹² Nebewah nindahyaunun wahezhebeühmoonuhgoog, kahween nindenanduhse muzzeneëgun kuhya oozhebeëgunahboo cheähyooyaun mahjebeühmoonenuhgoog: nindahpanim dush ween goo chenaunsekoonuhgoog, cheguhnoonenuhgoog dush meche‐wahbuhmenenuhgoog, cheöonje‐mooshkenashkahgooyung moojegezewin.

¹³ Oonejahnesun owh kageginind keweedegequaun keduhnemikahgoog. Amen.