II. CORINTHIANUN 8 - Ottawa New Testament Penteteuch and Psalms 1874

¹ Menuhwah dush, wejekewaëmahdoog, keweenduhmoonenim ewh ooshahwanjegawin owh Kesha‐Muhnedoo kahmeenindwah egewh dabandahgoozejig emuh ahnuhmeähwining ewede Macedoniaïng;

² Ahnuhween goo kekeche‐ahnemezewaud keähnookemahgudenig oowahwezhanduhmoowinewah kuhya ookeche‐ketemahgezewinewah chemesheenudenig ookesha‐wahdezewinewah.

³ Menik kekushketoowaud, nindahyahjemaug, kuhya ahwahshema menik wenuhwah tebenuhwa keënanduhmoog;

⁴ Ahpeche nunduhwanemeyungidwah, cheöodahpenuhmaung ewh meegewawin kuhya cheweedookahzooyaung weshahwanemindwah egewh anuhmeähjig.

⁵ Me dush oo‐oo keëzhechegawaud, kahween atuh kahahpanemooyaung, netum dush oogemeenahwaun tebenuhwa weyowewaun enewh Tabaninganejin, kuhya nenuhwind ningemeenegoomin oonje oodenanduhmoowining owh Kesha‐Muhnedoo.

⁶ Me suh kahoonje‐enungid owh Titus, debishkoo kahezhemahjetaud, mesuh kaëzhekezheetung ewh nahsaub shahwanjegawin emuh anduhzhe ahyahyag.

⁷ Azhewahnuhdezeyag dush emuh kuhkenuh uhyeëeng, emuh dabwayanduhmoowining, kuhya kekedoowining, kuhya kekandahsoowining, kuhya emuh kuhkenuh minwawezewining, kuhya sahgeëwawining azhesahgeëyag, aungwahmezeyook chewahnuhdezeyag kuhya emuh maunduh shahwanjegawining.

⁸ Kahween emuh kuhgequawining nindezhekekedoose, keminwawezewaudatuh ahnind, chekekandahgwuk kesahgeëwawinewah dabwamahguk.

⁹ Kekekandahnahwah muh ooshahwanjegawin owh Tabanemenung Jesus Christ, ahnoo goo kewahnuhdezid, kenuhwah keöonje‐ketemahgezeïnd, ween ooketemahgezewining kenuhwah cheöonje‐wahnuhdezeëgooyag.

¹⁰ Oo‐oo dush uhyeëeng keweenduhmoonenim ananduhmaun: kenundahwandahgoozeem, kuhyet kahmahje-tahyag, chepwah ahnind kemahjetahwaud, kahween atuh cheëzhechegayag, kuhya cheënanduhmag noongoom ningoo‐pepoonahguk.

¹¹ Noongoom dush kezheetahyook: debishkoo suh kazhetena keënanduhmag, noongoom dush, cheëzhechegayag oonje menik tebenuhwawezeyag.

¹² Kishpin mahween netum duhgoomahguk enanduhmoowin, oodahpenegahda debishkoo azhetebenuhwawezid enene, kahween debishkoo azhetebenuhwawezesig.

¹³ Kah muh nindenanduhse pakahnezejig chemeegewasigwah kenuhwah dush nebewah chemeegewayag:

¹⁴ Ewh atuh debishkoo chemuhmeenindeyag, noongoom kenuhwah azhewahnuhdezeyag cheöonje‐meenagwah egewh manazejig, uhpe dush manazeyagoon kenuhwah cheöonje‐meenenagwah azhewahnuhdezewaud: debishkoo chemuhmeenindeyag:

¹⁵ Debishkoo azhebeëgahdag, Owh kahmahwundoosetood nebewah kahween gagoo keïshkoonuhmahwahse; owh dush kahmahwundoosetood punge kahween gagoo oogemuhnazeseen.

¹⁶ Tahmahmooyahwahmah owh Kesha‐Muhnedoo, kahahtuhmahwaud emuh oodaëning enewh Titusun ewh nahsaub keche enanduhmoowin kenuhwah oonje.

¹⁷ Oogebezindaun dush ewh kuhgaundwawin; ween dush goo tebenuhwa ahwahshema keënandung kegeähwe-oodissegoowah.

¹⁸ Ningemahjenauzhahwahnaun owh wejekewaëmah manoo‐duhzhemind oonje ewh minwahjemoowin tebe atagwan ewh ahnuhmeähwin;

¹⁹ Kahween oo‐oo atuh, kuhya kahwuhwanahbuhmegood enewh tabandahgoozenejin emuh ahnuhmeähwining cheweejewungid pamewetooyaung maunduh shahwanjegawin, nenuhwind anookeetuhmaung cheöonje‐peshegandahgwuk kekezheetahwine enanduhmoowin;

²⁰ Oo‐oo wemaushkahmaung kuhnuhga ahweyah chemujje‐enanemoosenoowungid oonje ewh buhyahteënuk meegewawin ganuhwanduhmaung:

²¹ Kezhah nahnahgahdahwanduhmaung enewh uhyeëen wanishishingin, kahween atuh anahsuhmid owh Tabaningad, emuh suh goo kuhya anahsuhmewaud egewh enenewug.

²² Ningeëzhenahzhahwahnaun owh kejekewaënaun, cheweejewegoowaud ahyahpe kahkekanemungid minwawezid emuh nebewah ahnookeewining, noongoom dush nahwuj minwawezid apeech keche‐apanemoonenuhgoog.

²³ Kishpin ahweyah kuhgwadwad azheähyahnegwan Titusun, neneezhookuhmaug suh kuhya neweedookaug anooketuhmoonenuhgoog kenuhwah: kishpin dush nejekewaënahnig oonje‐kuhgwadwad ahweyah, oodahpostlewaun egewh anuhmeähjig, kuhya oopezhegandahgoozewin owh Christ ahwewug.

²⁴ Me dush kaöonje‐wahbundahägwah, kuhya anahsuhmenid kuhkenuh anuhmeähnejin, ewh kaöonjekekandahgwuk kesahgeëwawinewah, kuhya dabwamahguk ewh kahmenoo‐duzzhemegooyag.