II. CORINTHIANUN 7 - Ottawa New Testament Penteteuch and Psalms 1874

¹ Ahyahmung dush oonoo wahweendahmahgawinun, kache sahgeënenuhgoog, umba peneëdezoodah oonje kuhkenuh weenezewin emuh weyahsemaung kuhya emuh oojechaugoomaung, kezheetooyaung ewh menoo‐ezhewabezewin oonje koosung owh Kesha‐Muhnedoo.

² Oodahpeneshenaum; kahween ningemujje‐doodahwahsenaun ahweyah, kahween ningebahnahjeähsenaun ahweyah, kahween ningewuhyazhemahsenaun ahweyah.

³ Kahween nindoonje‐ekedoose oo‐oo chebahtahmenuhgoog: debishkoo muh ahzhuh keëkedooyaun, kedahyaum emuh nindaënaung cheweeje‐neboomegooyag kuhya cheweeje‐bemahdezemegooyag.

⁴ Keche wawane nekekid guhnoonenuhgoog, nekeche-wahwezhanim kenuhwah oonje, nemooshkenashkahgoon ewh menoodaäwin, nekeche‐pahpenandum pooch emuh kuhkenuh nekooduggandummoowinenaung.

⁵ Uhpe muh ketuhgwishenaung emuh Macedoniaïng, kah kuhnuhga keäunwabemahgussenoon neweyausenaun, mezewa suh ningeöonje‐megooshkahjeëgoomin; ahgwahjuhyeëe megahzoowinun keduhgoomahgudoon, peenjenuh dush sagezewinun.

⁶ Pooch edush Kesha‐Muhnedoo, owh manoodaääud enewh kashkanduhmenejin, ningemenoodaäëgoonaun oonje ewh kepetuhgwishing owh Titus;

⁷ Kahween atuh kepetuhgwishing, ewh kuhya menoodaäshkahgoowin kahezhemenoodaäïnd kenuhwah oonje, uhpe keweenduhmooweyungid kekeche‐nunduhwanduhmoo-winewah, kekesahdanduhmoowinewah, azhekeche‐sahgeëyag; ahwahshema dush ningeöonahnegwandum.

⁸ Ahnahween goo kekushkandumeënenuhgoog oonje ewh mahjebeëgun, kahween nindaunwanindezoose, ahnahween goo keäunwanindezooyaunbaun; nekekandaun muh ewh mahjebeëgun kekushkandummeëgooyag, ahnahween goo wanebik atuh.

⁹ Benuh dush neminwandum, kahween ewh kekushkandummeëgooyag nindoonje‐minwanduhse, mesuh goo atuh keëzhekushkanduhmag emuh aunwanindezoowining; ewh keëzhekushkanduhmeëgooyag azheminwandung Kesha‐Muhnedoo, kuhnuhga gagoo chemujje‐doodahgoosewag.

¹⁰ Ewh muh kesahdanduhmoowin manwandung owh Kesha‐Muhnedoo ahnookeemahgud emuh aunwanindezoowining cheöonje‐bemahjeëgoong kah dush tahoonje‐aunwanindezooseem: ewh dush uhkeewine‐kesahdanduhmoowin ahnookeemahgud cheneboong.

¹¹ Benuh dush, oo‐oo kahezhekesahdanduhmag azheminwandung owh Kesha‐Muhnedoo, keähnookeemahgud cheäungwahmezeyag, chekuhnooduhmahdezooyag, chenishkaningayag, chesagezeyag, chekeche‐nunduhwanduhmag gagoo, cheminwawezeyag, chekootuggeëwayag! Kuhkenuh oonoo uhyeëen kegeöonje‐kekandahgoozeem cheweedookahzoosewag emuh oo‐oo mujje‐ezhewabezewining.

¹² Anoo dush goo, kemahjebeühmoonenuhgoog, kahween owh kahmujje‐doodahgad ningeöonje‐mahjebeëgase, kah kuhya oonje owh kahmujje‐doodahwind, cheöonje‐kekanemeyag atuh azhemenoo‐guhnuhwanemegooyag anahsuhmid owh Kesha‐Muhnedoo.

¹³ Mesuh wanje‐menoodaäshkahgooyaung ewh kemenoodaäëgoowinewah: keche ahwahshema dush ningebahpenandahmin oonje oobahpenanduhmoowin owh Titus, ewh kemenoodaääg kenuhwah kuhkenuh emuh oojechaugoong.

¹⁴ Kishpin kuhnuhga kemuhmequahnenuhgoog kanoonuggin, kahween nindoonje‐ahgujjese; debishkoo ahnooj gagoo kahenenuhgoog emuh dabwawining keëzhekekedooyaung, mesuh nemuhmequahzoowinenaun kahezhe‐muhmequahzooyaun anahsuhmid owh Titus kekekandahgwuk chedabwamahguk.

¹⁵ Ahwahshema dush kekeche‐sahgeëgoowah peenjenuh, apeech mequandung kenuhittuhmoowinewah kenuhwah kuhkenuh, emuh sagezewining kuhya emuh nuhningishkahwining keëzheöodahpenag.

¹⁶ Nindoonahnegwandum dush ewh ahpanemoonenuhgoog ahnooj gagoo.