II. CORINTHIANUN 3 - Ottawa New Testament Penteteuch and Psalms 1874

¹ Menuhwah nuh nemahjetahmin weminwahjindezooyaung? gamuh nenundahwandahgoozemin chepemewetooyaung menoo‐duhzhinduhmoowine mahjebeëgunun, debishkoo ahnind pakahnezejig, kenuhwah chemahje-beëgooyagebun, gamuh menoo‐duhzhinduhmoowine‐mahjebeëgunun kenuhwah kamahjebeëgayag?

² Kenuhwah suh kedahwim nemenoo‐duhzhinduhmoowine‐mahjebeëgun wazhebeëgahdag emuh nindaënaung, chekekanduhmoowaud kuhya cheähginduhmoowaud kuhkenuh enenewug?

³ Ewh puggukkanduhgoozeyag ahweyag oomahjebeëgun owh Christ nenuhwind kahoozhetooyaung, kahween oozhebeëgun‐ahboong keöonje‐oozhebeëgahdasenoon, Oojechaugwun suh atuh owh bamahdezid Kesha‐Muhnedoo; kahween emuh ahsine‐muzzeneëguning, emuh atuh weyahsewe muzzeneëguning me suh emuh oodaëmaung.

⁴ Me suh azheähpanemooyaung Kesha‐Muhnedoo oonje owh Christ:

⁵ Kahween ahnahwe netakushketoosemin nenuhwind tebenuhwa chenahnahgahdahwandahmaung gagoo; nekushkeäwezewinenaun emuh Kesha‐Muhnedoong oonjeemahgud;

⁶ Me suh owh kahezheyummingid wekushke‐ahnookeetuhmaung oodooshke‐kekindewin; kahween ewh oozhebeëgawin, me suh atuh oojechaugoomah: oozhebeëgawin suh neshewamahgud, oojechaugoomah suh bemahjeëwa.

⁷ Kishpin suh ewh neboowine tebahjemoowin kahoozhebeëgahdag kuhya kahmuzzenahbekahegahdag emuh ahsineeng kepeshegandahgwuk, enewh oonjahnesun owh Israel kekushketoosigwah wawane cheguhnuhwahbunduhmoowaud ooshkinzhegoone enewh Mosesun apeeche kepezhegandahgwudenig; ewh peshegandahgoozewin wahmahjahmahgukebun:

⁸ Kah nuh ween ahwahshema tahpezhegandahgwussenoon ewh oojechaugoomah oodebahjemoowin?

⁹ Kishpin suh ewh nahneboondewine debahjemoowin pezhegandahgwuk, ahwahshema tahpezhegandahgwud ewh minwandahgoozewine debahjemoowin.

¹⁰ Pooch edush ewh kahpezhegandahgwetoongebun kahween oo‐oo doowah pezhegandahgoozewining keëzhepezhegandahgwussenoon, ewh oonje ahwahshema kahkeche‐ahpeetandahgwuk peshegandahgoozewin.

¹¹ Kishpin muh ewh kahbahnahjechegahdag kepezhegandahgwuk, ahwahshema tahpezhegandahgwud ewh kayahbe ayahmahguk.

¹² Ewh suh oo‐oo menik ahpanemoowin ahyahmaung, nepahgukoowamin kekedooyaung:

¹³ Kahween nindezhechegasemin debishkoo Moses, kahpesekung ahgwingwaöon emuh ooshkinzhegoong, cheoonje‐mechewahbunduhsigwah oonejahnesun owh Israël ewh azhewuhyaquahahyahnig ewh wahbahnahjechegahdag:

¹⁴ Kekuhkepeengwaähwug emuh oodenanduhmoowinewaung: nahnauzh egoo noongoom‐kezheguk kayahbe duhgoomahgud ewh nahsaub ahgwingwaöon, kah kuhya muhshe ekoonegahdasenoon uhpe aginduhmingin ewh kata-kekindewin; emuh Christing ekoonegahda ewh ahgwingwaöon.

¹⁵ Pooch edush noongoom‐kezheguk, uhpe aginduhmingin ewh Moses oomuzzeneëgun, kayahbe ahgoodane ewh ahgwingwaöon emuh oodaëwaung.

¹⁶ Pooch edush uhpe kequaketahwahwaud enewh Tabaninganejin, tahekoonuhnegahdane ewh ahgwingwaöon.

¹⁷ Benuh, owh Tabaningad ahwe owh Oojechaugoomah: tebe dush abenegwan Oojechaugwun owh Tabaningad me emuh auduhgoomahguk puggedenegahzoowin.

¹⁸ Kenuhwind dush kuhkenuh agwingwabezoosewung kishkinzhegoonaung mechewahbundahmung debishkoo emuh wahbumoojechaugwuning ewh oopezhegandahgoozewin owh Tabaningad, kedaunjeëgoomin nahsaub cheezhenahgoozeyung ashkum chepezhegandahgoozeyung, oonje enewh oojechaugwun owh Tabaningad.