II. CORINTHIANUN 2 - Ottawa New Testament Penteteuch and Psalms 1874

¹ Oo‐oo muh ningeënandum emuh nindaïng, menuhwah cheëzhenaunzekoosenenuhgoog emuh kushkanduhmoowining.

² Kishpin dush kushkanduhmoonenuhgoog, ahwanan owh manwanduhmeïd, me suh atuh owh kahkushkanduhmeüg?

³ Me suh oo‐oo kahmahjebeühmoonenuhgoog, koonemah uhpe oodissenenuhgoog, nindahgekushkandum oonje egewh kageöonje‐moojegezeyaunbaun; oo‐oo ahpanemoonenuhgoog kenuhwah kuhkenuh, neen nemoojegezewining cheöonje‐moojegezeyag kenuhwah kuhkenuh.

⁴ Ewh suh kahezhekesahdanduhmaun kuhya kahezhewesugganduhmoomahguk ninda kegeëzhebeühmoonenim emuh nebewah oosebeengwahemaung; kahween ewh cheoonje‐kesahdanduhmag, ewh atuh chekekanduhmag ewh nesahgeëwawin ahpeche azhesahgeënuhgoog kenuhwah mamwach.

⁵ Kishpin ahweyah kekushkanduhmeëwad, kahween ningekushkanduhmeëgoose, goomah atuh menik: oonzaum chemegooshkahjeësenoonuhgoog kuhkenuh.

⁶ Me suh menoo menik ookooduggeëgoowin owh doowah enene, kahezhekootuggeëgood enewh nahwuj nebewah.

⁷ Nindahwauj kedahahbwayanemahwah, kuhya kedahmenoodaäähwah, koonemah oodahgebahnahjeëgoon oonzaum nebewah kushkanduhmoowin.

⁸ Me dush enenuhgoog cheühyeenjesetoomahwag kesahgeëwawinewah.

⁹ Me suh kuhya kahoonje‐mahjebeühmoonenuhgoog, chepuhgukkanemenenuhgoog, kishpin wahdabwatuhmoowagwan kuhkenuh enewh uhyeëen.

¹⁰ Owh muh wuhyabenuhmahwag gagoo, kuhya neen newabenuhmahwah: kishpin dush kewabenuhmahgawaunan gagoo, owh kahwabenuhmahwug, kenuhwah kahoonje‐wabenuhmahwug emuh ookushkeäwezewining owh Christ;

¹¹ Cheöonje‐shahgoojeësenoowung owh mujje‐muhnedoo: kah suh nindoonanemahsemin azhekuhkuhyanezid.

¹² Menuhwah dush uhpe kepeëzhahyaun emuh Troasing wedebahdooduhmaun oominwahjemoowin owh Christ, kenesahkoonuhmahwid owh Tabaningad ewh ishquaundam,

¹³ Kahween gagoo aunwabewin ningeähyaunseen emuh ninjechaugoong, ewh oonje kemekahwahsewug owh Titus nejekewa: emuh anduhzhe ahyahwaud ningeöonje‐mahjah keühneëzhahyaun ewede Macedoniaïng.

¹⁴ Mahnoo tahmahmooyahwahmah owh Kesha‐Muhnedoo, owh moonzhug wanje‐shahgoojeëwayaun emuh Christing, mezheshuhwesetood dush azhemenoomahgwudenig ookekandahsoowin mezewakummig nenuhwind nindahnookewinenaun oonje.

¹⁵ Nenuhwind muh nindahwemin oomenoomahgoozewin owh Christ oonje owh Kesha‐Muhnedoo anuhkuhkayah egewh bamahjeïndjig, kuhya egewh banahdezejig:

¹⁶ Anuhkuhkayah egewh banahdezejig nindahwemin neboowine‐menahgoozewin cheöonje‐neboowaud; anuhkuhkayah dush egewh bamahjeïndjig nindahwemin bemahdezewine‐menahgoozewin cheöonje‐bemahdezewaud. Ahwanan dush kashketood oonoo uhyeëen.

¹⁷ Kah suh nenuhwind nindezhewabezesemin azhewabezewaud nebewah ahnind banahjetoojig oodekedoowin owh Kesha‐Muhnedoo: emuh suh dabwawining oonje owh Kesha‐Muhnedoo, emuh anahsuhmid owh Kesha‐Muhnedoo nedebahdooduhmin oodekedoowin owh Christ.