II. CORINTHIANUN 13 - Ottawa New Testament Penteteuch and Psalms 1874

¹ Mesuh noongoom nesing wahoodissenenuhgoog. Emuh oodoonewaung neezh gamuh neswe kadebahjemoojig tahminjemoosechegahdanoon kuhkenuh ekedoowinun.

² Ahzhuh kegeweenduhmoonenim, kuhya kezhah keweenduhmoonenim, debishkoo egoo ahbeyaunbaun ewede anduhzhe‐ahyahyag, me suh neezhing; noongoom dush ahbesewaun anduhzhe‐ahyahyag nemahjebeühmahwaug egewh zhahzhuhye kahmujje‐ezhechegajig, kuhya kuhkenuh ahnind, kishpin peöodissenenuhgoog menuhwah, kahween ningahshahgwanemoose:

³ Ewh nunduhwanduhmag kekenoowahjechegun chekekandahgoozid owh Christ kekedood emuh neyowing, kahween shahgwewese kenuhwah anuhkuhkayah, mushkahweze suh emuh keyowewaung.

⁴ Ahnahween goo keëzhesuhsuhgahquahoond emuh shahgwewewining, bemahdeze dush ween oonje oomushkahwezewining owh Kesha‐Muhnedoo. Nenuhwind mahween mahmahwe neshahgwewemin, ningahweeje‐bemahdezemahnaun dush oonje oomushkahwezewining owh Kesha‐Muhnedoo kenuhwah anuhkuhkayah.

⁵ Nunduhkekanindezooyook, kishpin kagate ayahwagwan emuh dabwayanduhmoowining; kuhgwajeëdezooyook. Kah nuh ween kekekanindezooseem, ewh kekishkahwag Jesus Christ, kishpin wabenegahzoosewag?

⁶ Nindahpanim dush kagate wekekanduhmag nenuhnuhwind wabenegahzoosewaung.

⁷ Nindahnuhmeätuhwah dush Kesha‐Muhnedoo chemujje‐doodunsewag; kahween cheöonje‐minwandahgoozeyaung, chedoodumag atuh ewh wanesheshing, ahnahween goo nenuhwind wabenegahzooyaung.

⁸ Kah muh nekushketoosemin gagoo chedoodumaung kaöonje‐bahnahduk ewh dabwawin, me atuh kaöonje‐mahjeging ewh dabwawin.

⁹ Neminwandahmin suh uhpe suhyahgweweyaungoon, kenuhwah dush mashkahwezeyag: oo‐oo dush nenundahwandahmin cheähpeche‐menoo‐ezhewabezeyag.

¹⁰ Mesuh wanje‐mahjebeühmoonenuhgoog oonoo uhyeëen ahyahsewaun anduhzhe‐ahyahyag, koonemah kishpin ahyahyaunbaun nindahgekooduggeëwa debishkoo anandahgwuk ewh kushkeäwezewin kahpuggedenuhmahwid owh Tabaningad ewh cheöondezeëwang kahween chebahnahjechegang.

¹¹ Ishquauj, wejekewaëmahdoog, menoo‐duhnuhkeyook. Ahpeche menoo‐bemahdezeyook, menoo‐daäyook, mahmahwe nahsaub enanduhmoog, pezaun‐bemahdezeyook; owh dush Kesha‐Muhnedoo wazhetood ewh sahgeëwawin kuhya pezaunewawin kegahweejewegoowah.

¹² Ahnemekoodahdeyook oojindeyook pahnuk oojindewin.

¹³ Kedahnemekahgoowaug kuhkenuh egewh anuhmeahjig.

¹⁴ Ooshahwanjegawin owh Tabaningad Jesus Christ, kuhya oosahgeëwawin Kesha‐Muhnedoo, kuhya ooweejekewaïndewin Kache‐peenezid Oojechaug, kegahweejewegoonahwah kuhkenuh. Amen.