II. CORINTHIANUN 12 - Ottawa New Testament Penteteuch and Psalms 1874

¹ Kagate kahween enandahgwussenoon chemuhmequahzooyaun. Ningahdebahdoodaunun enewh wazhebahbundahmoowinun kuhya oowahbunduhewawinun owh Tabaningad.

² Ningekekanemah enene dabandahgoozid emuh Christing ahzhuh ahwahshema metahsoo‐pepoonahgud ahshe newin, (kishpin emuh weyowemaung keähyahgwan, kahween nekekanduhse; gamuh kishpin emuh weyowemaung keähyahsegwan, kahween nekekanduhse: Kesha‐Muhnedoo atuh ookekandaun;) wah‐owh suh keëzheöodahpenegahzood ewede nasoo‐ishpemewung kezhik.

³ Ningekekanemah wah‐owh enene, (kishpin emuh weyowemaung keähyahgwan, gamuh emuh weyowemaung keähyahsegwan kahween nekekanduhse, Kesha‐Muhnedoo atuh ookekandaun;)

⁴ Ewh keëzheöodahpenegahzood emuh Paradising, ewede dush keduhzhe‐noondung uhyeëen tuhyawahweenjegahdasenoongin, enewh anandahgoosenoogin chewahweendungebun ahweyah enene.

⁵ Wah‐owh ningahmuhmequahnah; kahween ningahmuhmikquahdunse tebenuhwa neyow, me atuh nenuhneenuhmezewinun.

⁶ Ahnuhween goo enanduhmaunbaun chemuhmikwahzooyaun, kahween nindahgekuhkebahdezese; dabwamahgud muh ewh kaëkedooyaun: nindahwauj kahween ningahekedoose, koonemah ahweyah ahwahshema nindahgeënanemik dush ween owh azhenuhwid gamuh ewh azhenoondung azhewabezeyaun.

⁷ Cheöonje‐kechetwahwanemoosewaunbaun ashenuk enewh wahbunduhegoowinun, ningepuggedenuhmahgoo ewh menasuhgahwunzh emuh neweyausing, oobuhmetahgunun owh Satan chemegahzhid, oonzaum nebewah cheoonje‐kechetwahwanemoosewaun.

⁸ Oonje dush oo‐oo uhyeëe nesing ningenundooduhmahwah owh Tabaningad, chenuhguhnegooyaun.

⁹ Oo‐oo dush ningeïk, Menik katabesag neshahwanjegawine wedookahgawin kegahmeenegoo: emuh muh shahgwewewining nemushkahwezewin kezhechegahda. Ningahkecheminwandum ahwahshema chemuhmikwahduhmaun neshahgwewewinun, cheduhgoomahguk oomushkahwezewin Christ emuh neyowing.

¹⁰ Mesuh wanje‐minwanduhmaun enewh nuhneepenezewinun, mujje‐duhzhemegoowinun, muhnazewinun, kooduggeëgoowinun, ketemahgezewinun oonje Christ: uhpe shuhyahgweweyaunin, me dush uhpe mamwach mushkahwezeyaun.

¹¹ Ninkuhkebahdandahgooz apeech muhmequahzooyaun; kenuhwah kegekuhgaunjeïm; kenuhwah muh kedahgeminwahjemim: kah muh kuhnuhga punge noondaush nindahpeetandahgoozese apeetandahgoozewaud egewh mahyahmahwe keche‐ahpeetandahgoozejig apostleüg, ahnahween goo neen ningood ahpeetandahgoozesewaun.

¹² Kagate ookekenoowahjechegunun owh Apostle keëzhechegahdanoon emuh anduhzhe ahyahyag emuh kuhkenuh minwahdanduhmoowining, emuh kekenoowahjecheguning, mahmaundahwecheguning, kuhya emuh keche mahmaundah‐ahnookewining.

¹³ Wagoonan dush ewh noondaush wanje‐ahpeetandahgoozeyag dush ween ahnind egewh anuhmeähjig, me atuh keöondenuhmoosenoonuhgoog? ahbwayanemeshig maunduh kemujje‐doodoonahgoog.

¹⁴ Benuh, noongoom nesing nekezheetah weähweöodissenuhgoog; kah dush kegahoondenuhmahweseem gagoo: kah muh keduhyeemewaun nenundahwanduhsenun, kechechaugoowaug atuh nenundahwanemaug: kah muh enandahgoozesewug egewh ahbenoojeüg cheähsunjegoomahwahwaud enewh ooketezemewaun, katezejig atuh enandahgoozewug cheähsunjegoomahwaud enewh oonejahnesewaun.

¹⁵ Ningahkeche‐minwandum dush chebahnahjechegayaun kuhya chebahnahjeëgooyaun kenuhwah oonje; ahnahween goo menik ashkum nebewah sahgeënenuhgoog, me menik ashkum punge sahgeëgooyaun.

¹⁶ Mahnoo suh tahezhewabud, kahween kegeöondenuh-moosenoonim gagoo: pooch edush, kuhkuhyanezeyaun, kegekushkeënim kuhkuhyanezewin keähyooyaun.

¹⁷ Ningenunduhwandum nuh gagoo weöondezeyaun oonje egewh kahezhenahzhahwuggig emuh anduhzhe‐ahyahyag?

¹⁸ Ningeënah Titus, kuhya ningeëzhenahzhahwah owh pazhik wejekewaëmah kaweejewegood. Gagoo nuh kegeöodahpenuhmahgoowah Titus cheöondezid? kah nuh ween ningebemoosasemin emuh nahsaub oojechaugoomaung? kah nuh ween nahsaub ningepemetuhkookeesemin?

¹⁹ Menuhwah, kedenandaum nuh guhnooduhmahzooyaung emuh anahsuhmeyag? nekekedoomin emuh anahsuhmid owh Kesha‐Muhnedoo emuh Christing: ahnooj gagoo nindezhechegamin suhyahgeënenuhgoog, kenuhwah cheöondezeyag.

²⁰ Nesagiz suh, koonemah uhpe tagwishenaun, kahween kedahezhemekoosenoonim debishkoo azhenunduhwanemenuhgoog, kuhya kenuhwah kegahezhemekahwim ewh azhenunduhwanemesewag: koonemah tahgeduhgoomahgudoon enewh ahgoonwatahdewinun, keshahwanindewinun, nishkanindewinun, kekaundewinun, mujje‐duhzhindewinun, kaushkunoozoowinun, kechetwahwanemoowinun, megooshkahduhkummegezewinun:

²¹ Koonemah dush uhpe tagwishenaun menuhwah, Nekesha‐Muhnedoom nindahtahbussanemooïk anduhzhe ahyahyag, kuhya ningahmahwemaug nebewah ahzhuh kahmujje‐ezhechegajig, kuhya muhshe kahaunwanindezoosigwah oonje enewh oowenezewinewah, kuhya oopezhigwah-dezewinewah, kahezhechegawaud.