II. CORINTHIANUN 11 - Ottawa New Testament Penteteuch and Psalms 1874

¹ Ahpakish wanebik puhgedenuhmahweyag emuh nekuhkebahdezewining: kagate puhgedenuhmahweshig.

² Kekeshahwanemenim ewh manoo‐ezhewabuk keshahwaningawin: kegeweedeganduhenim chepazhegood owh kanahbamewah, cheëzheweenenuhgoog debishkoo manoo‐ezhewabezid kegaungooqua emuh enahsuhmid owh Christ.

³ Nesagiz dush, koonemah debishkoo owh mujje‐kenabig kahezhewuhyazhemaud Eveün oonje ookuhkuhyanezewin, mesuh kuhya kenuhwah emuh kedenanduhmoowinewaung kaëzhewahnahjetooyag ewh menoo‐ezhewabezewin emuh Christing anduhgoog.

⁴ Kishpin owh pahtuhgwishing debahjemaud pakahnezenejin Jesusun, nenuhwind kahdebahjemahsewungid, gamuh kishpin keöodahpenag pakahnezid oojechaugoomah, kahoodahpenahsewagoobun gamuh pakahnuk minwahjemoowin kahdabwayanduhsewagoobun, kedahgemenoo-enanemahwah.

⁵ Nindenandum suh kuhnuhga punge noondaush ahpeetandahgoozesewaun, dush ween owh mahyahmahwe‐ahpeetandahgoozejig apostleüg.

⁶ Ahnahween goo mahmauzhe‐kezhwayaun kah dush nemahmauzhewese emuh kekandahsoowining; wawane suh nekekandahgoozemin ahduhzhe‐ahyahyag emuh kuhkenuh uhyeëeng.

⁷ Ningemujje‐doodum enuh ewh kedahbussetooyaun neyow kenuhwah chekechetwahwandahgoozeyag, wanepuzh kekuhgekemenenuhgoog ewh oominwahjemoowin owh Kesha‐Muhnedoo?

⁸ Ningekeemoodemaug ahnind anuhmeähjig, keöodahpenuhmoowugwah ewh tebahahmahgoowin, chebuhmeetoonenuhgoog.

⁹ Uhpe dush kahweejewenenuhgoog, kemuhnazeyaun gagoo, kahween ahweyah ningeöodahpenuhmahwahse gagoo: kuhkenuh muh kahmuhnazeyaunin ningemeenegoog egewh wejekewaëmaug emuh Macedoniaïng kahoonjebahjig: emuh dush kuhkenuh uhyeëeng ningeguhnuhwanindez kenuhwah cheöondenuhmahwesewag gagoo, mesuh kuhya kayahbe kaëzheguhnuhwanindezooyaun.

¹⁰ Debishkoo azhekekishkuhmaun ewh oodabwawin owh Christ, kahween ahweyah ningahmuhkummegoose maunduh muhmequahzoowin emuh anegookookummegaug Achaiaïng duhzhe duhnuhkewin.

¹¹ Ahneeshwin? oonje nuh sahgeësenoonenuhgoog? ookekandaun suh Kesha‐Muhnedoo.

¹² Ewh suh azhechegayaun ningahezhechega, cheoonje‐muhkummugwah egewh nanduhwandungig gagoo kaöonje‐muhmequahzoowaud; ewh dush wanje‐muhmequahzoowaud, chemekahwindwah debishkoo nenuhwind.

¹³ Oogoo suh doowug wuhyazhinga‐ahpostleëwewug kakenuhwishke‐ahnookeejig, ezhenahgoozeëdezoowaud azhenahgoozenid oodahpostleëmun owh Christ.

¹⁴ Kah suh mahmahkahdandahgwussenoon; pooch egoo owh Satan ezhenahgoozeëdezoo debishkoo azhenahgoozewaud egewh wahsayahzewining anduhnuhkeejig angenug.

¹⁵ Kah dush keche‐uhyeëewussenoon kishpin oobuhmeetahgunun ezhenahgoozeëdezoonid debishkoo azhenahgoozewaud egewh bameetungig ewh quuhyuk‐ezhewabezewin; keïshquah‐nahgoozewaud tahezheähyahwug debishkoo anandahgwudenig oodahnookeewinewah.

¹⁶ Menuhwah dush nindekid, gagoo ween ahweyah kuhkebahdeze ningahenanemegoose; kishpin ahwunjeesh wekuhkebahdanemeyag, mahnoo kuhkebahdezingin ezheoodahpeneshig, punge chemuhmequahnedezooyaun.

¹⁷ Ewh suh akedooyaun kahween owh Tabaningad nindoonje‐kekedoose, koonemah suh nekuhkebahje‐kezhwa, emuh maunduh muhmequahzoowine‐soongedaäwining.

¹⁸ Kekanduhming nebewah bamahdezejig muhmequahzoowaud debishkoo anandahgwuk ewh weyahsemah, kuhya neen nindahwauj ningahmuhmequauz.

¹⁹ Mahnoo tahahbewug keduhyenanemaug egewh kakebahdezejig, kenuhwah ween nabwahkahyag.

²⁰ Mahnoo kedenandaum, kishpin ahweyah oobuhmeetahgunemenag, kishpin ahweyah ahmoonag, kishpin ahweyah muhkummenag gagoo, kishpin ahweyah ishpandahgooëdezood, kishpin ahweyah pussingwaöonag.

²¹ Ninduhzhindaun ewh mujje‐enahjemoowin, debishkoo nuhneenuhmezeyaungoobun. Benuh menik ahweyah kagatenahdezid (nekuhkebahje‐kezhwa,) kuhya neen suh nekagatinahdiz.

²² Hebrewwewug nah egewh? me goo kuhya neen. Israelitug nuh ahwewug? me goo kuhya neen, oomenekauning nuh owh Abraham oondahdezewug? me goo kuhya neen.

²³ Oodahnoonegoowaun nuh enewh Christun? (nekuhkebahje‐kezhwa) ahwahshema suh ween neen; nahwuj nebewah nindahnooke, nahwuj nepuhzhunzhaöogoo, nahwuj nekebahquahegauz, nuhningim emuh neboowining ningeähyah.

²⁴ Nahning ningepuhzhunzhaöogoog egewh Jewyug nemeduhnuh duhshing ningepukketaëgoog, pazhik kah gagoo.

²⁵ Nesing ningepuhzhunzhaöogoo enewh metikoonsun, ahbeting ningepimwuhsineëgoo, nesing nahbequauning banahjechegahdag ningeähyah, ningoo kezhik kuhya ningoo tebik nahwuhgaum ningeähgwinjin;

²⁶ Nuhningim ningebahbahmahdiz, nuhningim ningeahnemiz emuh seebeeng, makundwashkejig ningeöonje‐nuhneezahniz, tebenuhwa neeje‐duhnuhkeewamahgunug ningeöonje‐nuhneezahniz, egewh mayuggezejig ningeöooje‐nuhneezahniz, emuh oodanaung ningeduhzhe‐nuhneezahniz, emuh buhgwuhduhkummig ningeduhzhe‐nuhneezahniz, kechegummeeng ningeduhzhe‐nuhneezahniz, emuh magwa wuhyazhinga wejekewaëmaug ningeduhzhe‐nuhneezahniz;

²⁷ Emuh uhyakoozewining kuhya wesuhganduhmoowining, nuhningim kenebahsewaun, kuhya emuh puhkuddawining kuhya kishkahbahgwawining, nuhningim ningekeëquishim, emuh kekujjewining kuhya pingwahshahgedewining.

²⁸ Puhkaunudoon dush oonoo ahnemezewinun ahgwahjeeng atagin, puhkaunud dush ween ewh pagummishkahgooyaun anduhsoo kezheguk, guhnuhwanemugwah kuhkenuh egewh anuhmeähjig.

²⁹ Ahwanan naneenuhmezid, neen edush nuhneenuhmezesewaun? ahwanan wuhsittahwandung, neen edush chahgizzoosewaun?

³⁰ Kishpin dush nunduhwandahgoozeyaun chemuhmikwahzooyaun, nenuhneenuhmezewin ningahoonje‐muhmikwauz.

³¹ Owh Kesha‐Muhnedoo oosun owh Tabanemenung Jesus Christ kuhyahgega‐shahwandahgoozid nekekanemik kuhkenuhwishkesewaun.

³² Ewede Damascusing owh oogemah kahahnoonegood enewh Aretasun keche‐oogemaun oogeähkundaun ewh ookeche‐oodanahwah egewh Damasceneüg enewh shemahgunishun, kenunduhwandung chetuhkoonid:

³³ Emuh dush wahsacheguning ningeöonje‐nesahbe-ginegoo emuh kookoobinahguning emuh kewetahyahbikeneguning, me dush keëzheöozhinduhmaun enewh ooneenjeen.