HEBREWUN 8 - Ottawa New Testament Penteteuch and Psalms 1874

¹ Enewh dush uhyeëen kahduhzhinduhmaungoon maunduh keche‐ahpeetandahgwud: Kedahyahwahnaun pazhik Keche‐sahsahgewejega‐wenene, owh namuhduhbeïnd emuh ookechenekahmaung ewh oodoogemah‐wuhbewin owh Ashpandahgoozid ewede keche‐kezhigoong.

² Owh ganuhwandung enewh kachetwahwandahgwukkin kuhya ewh quuhyuk puhpuhgeewuhyaune‐weguhmig kahnahbahkoosetood owh Tabaningad, kah dush ween owh enene oogenahbahkoosetooseen.

³ Kuhkenuh mahween egewh keche‐sahsahgewejega‐wenenewug oonje‐ahnoonahwug chesahsahgewetoowaud enewh meegewawinun kuhya enewh sahsahgewejegunun: benuh dush nunduhwandahgooze kuhya wah‐owh cheähyaung gagoo kasahsahgewetood.

⁴ Kishpin dush ahyahpun oomah uhkeeng, kahween tahgesahsahgewejega‐wenenewese, oonje mahween ahyahwaud egewh sahsahgewejega‐wenenewug kasahsahgewetoojig enewh meegewawinun debishkoo akedoomahguk ewh tebahkoonegawin:

⁵ Egewh bameetungig ewh ahnuhmeä‐weguhmig kahezhechegahdag debishkoo azhenahgwuk ewh keche‐kezhegoong duhzhe uhyeëe, debishkoo Moses kahkuhgaunzoomegood enewh Kesha Muhnedoon uhpe wahoozhetoogoobunan ewh puhpuhgeewuhyaune‐ahnuhmeä‐weguhmig, oo‐oo keëgood, Aungwahmezin cheëzhenahgootooyun kuhkenuh enewh uhyeëen debishkoo azhenahgwuk ewh kahwahbundahegooyun emuh wahjewing.

⁶ Benuh dush noongoom oodahyaun nahwuj wanesheshing buhmeetahgawin, oonje guhnoodahmahga‐wenenewid emuh nahwuj wanesheshing kekindewining, kahuhyeenjesechegahdag emuh nahwuj wanesheshingin wahweendahmahgawinun.

⁷ Kishpin ahpeche oonesheshingepun ewh netum kekindewin, kahween tahnahbishkahgamahgussenoon menuhwah pazhik.

⁸ Nuhneebikemaud muh, oo‐oo ekedoo, Benuh, tahpuhgumme‐ahyahmahguddoon enewh kezhegudoon, ekedoo owh Tabaningad, uhpe kaöozhetoomahwugwah ewh ooshke‐kekindewin egewh dabandahgoozejig emuh Israel oowegewauming kuhya emuh Judah oowegewauming

⁹ Kahween tahezheähyahsenoon debishkoo ewh kekindewin kahoozhetoomahwugwah enewh oosewahbuneen ewh kezheguk uhpe kesuhgenenjenugwah cheöonje‐sahgechewenugwah emuh Egypting; kah muh keäunwahjesewug emuh nekekekindewining, kah dush ningebahbahmanemahseeg, ekedoo owh Tabaningad.

¹⁰ Mesuh maunduh kekindewin kaöozhetoomahwugwah egewh dabandahgoozejig emuh Israel oowegewauming keïshquah‐ahyaug oonoo kezhegudoon ekedoo owh Tabaningad; ningahahtuhwaug enewh nekuhgequawinun emuh oodenanduhmoowinewaung, kuhya ningahooKesha‐Muhnedoomigoog, kuhya wenuhwah tahahwewug nindahnishenahbamug:

¹¹ Kah dush oogahezhekekenooähmahwahsewaun anduhshid enene enewh weej‐ahnishenaban kuhya andushid enene enewh wejekewaün oo‐oo cheënahwaud, Kekanim owh Tabaningad: kuhkenuh mahween ningahkekanemigoog, egewh kache‐ishquayandahgoozejig kuhya egewh kache‐ishpandahgoozejig.

¹² Ningahshahwandaunun mahween enewh oomujje‐ezhewabezewinewaun, kuhya oomujje‐ezhechegawinewaun kuhya ookukebahdezewinewaun kahween kayahbe ningahmequanduhmoowahseeg.

¹³ Oo‐oo suh keëkedood ooshke‐kekindewin, oodedaun ewh natum‐ahyahnig chekata‐uhyeëewung: ewh suh banahduk kuhya kata‐uhyeëewung kagah zhuhyegwah weüngwahmahgud.