HEBREWUN 6 - Ottawa New Testament Penteteuch and Psalms 1874

¹ Benuh dush, nuhgudduhmung enewh ooshke‐kekenooähmahgoowinun emuh ookuhgequawining owh Christ, mahnoo wekoojetoodah chewahweenga‐kekenooahmahgoozeyung; kahween nayaub kegahduhzhinduhsemin ewh wuhyashkud kahkekenooähmahgooyungoobun ewh aunwanindezoowin oonje neboowine ahnookewinun, kuhya dabwayandahmoowin kaëzhedabwayanemind owh Kesha‐Muhnedoo.

² Kuhya kahezhekekenooähmahgooyung anandahgwuk enewh baptizooweëwawinun, kuhya ewh puggejeneenjenooduhmahding kuhya ewh oodahbejebahwinewah egewh naboojig, kuhya ewh kahgega‐tebahkoonegawin.

³ Mesuh oo‐oo kaëzhechegayaung, kishpin enandung Kesha‐Muhnedoo.

⁴ Egewh mahween ahzhuh kahwahsashkahmahwindjig, kuhya kahtaungoondungig ewh keche‐kezhegoong duhzhe meegewawin, kuhya kahkekishkahwahjig enewh Keche‐Oojechaugwun.

⁵ Kuhya kahtaungundungig ewh wanesheshenenig oodekedoowin Kesha‐Muhnedoo, kuhya enewh mushkahwezewinun dabandahgwukkin ewede kapetuhgwishenoomahguk uhkee.

⁶ Kishpin ahzhasawaud, kah mah‐mundah nayaub cheezheäunjeïndwahpun emuh aunwanindezoowining, oonje mahween nayaub kesuhsuhgahquahahwaud kuhya mezheshuh keähgujjeähwaud Kesha‐Muhnedoo oogwissun.

⁷ Kesha‐Muhnedoo ooshahwandaun uhkee ewh manequamahguk kemewun‐ahboo moonzhug pangesing kuhya mahyahjegetood enewh natahweggingin kaähyoowaud egewh wanje‐kategahdag.

⁸ Kishpin atuh wanjegemahguk enewh menasahgahwunzheen kuhya muzzaunushkoon kah ningood enahbuttussenoon, gagah dush kuhgwahnesuggandahgwud, enandahgwud dush ween chechaugezuhming.

⁹ Nahwuj cheöoneshesheyag kenuhwah suhyahgeëgooyag kedenanemegoom, kuhya cheënandahgoozeyag chebemahjeëgooyag, ahnuhween goo oo‐oo ekedooyaung.

¹⁰ Kah suh ween mujje‐ezhewabezese Kesha‐Muhnedoo chewuhnandungebun kedahnookewinewah kahahnookeeyag oonje ewh sahgeäg, kahwahbunduhewayag oonje ewh oodezhenekahzoowin, keweedookahwagwah egewh anuhmeähjig kayahbe dush weedookahwagwah.

¹¹ Nenundahwandahmin dush kuhkenuh anduhsheyag chewahbundahewayag ewh nahsaub minwawezewin, wawane chedabwayanduhmag nahnauzh ishquah‐bemahdezeyag:

¹² Cheketemishkesewag, chekekenoowahbuhmagwah egewh dabandungig enewh wahweenduhmahgoowinun oonje dabwayanduhmoowaud kuhya aunwahjewaud.

¹³ Uhpe mahween Kesha‐Muhnedoo kewahweenduhmahwaud enewh Abrahamun gagoo, kahween oogeähyahwahseen ahweyah ahwahshema ashpandahgoozenejin katuhgoo‐wahweenahpun; mesuh kahoonje‐tuhgoo‐wahweendung tebenuhwa oodoonoozoowin kemushkahwe‐kezhwad.

¹⁴ Oo‐oo keëkedood, Kagate ahbetakummig kegahkeche‐shahwanemin, kuhya kegahkeche‐meshenooïn.

¹⁵ Me dush, uhpe emuh shuhsheebanduhmoowining kahezhebeetood, oogeöodahpenaun ewh kahweendahmahwindebun.

¹⁶ Enenewug suh ooduhgoo‐wahweenahwaun nahwuj ashpandahgoozenejin uhpe mashkahwe‐kezhwawahjin: uhpe dush kahmushkahwe‐kezhwawahjin me suh uhpe ishquah‐ahgoonwatahding cheöonje‐dabwatuhming.

¹⁷ Keënandum dush ween Kesha‐Muhnedoo nahwuj wahweenga chewahbundahaud enewh dabandahgoozenejin emuh wahweendahmahgawining azheäunjechegahdasenoonig oodenahkoonegawin, oogeühyeenjesetoon keähyood ewh mushkahwe‐kezhwawin.

¹⁸ Neezh uhyeëen cheähyahmung kaäunjechegahdasenoogin, oonje kushketoosig owh Kesha‐Muhnedoo chekewunemoopun, kaöondenuhmung ewh swaungung menoodaäshkahgoowin kenuhwind kahezhenezhemooyung ewh ahpanemoowin kahahtahmahgooyung anahsuhmeyung.

¹⁹ Ewh ahpanemoowin azheähyahmung debishkoo poonekunjeguning wanjepoonekunjegahzood oojechaugoomah, wanesheshing kuhya manjemoosing, kuhya paundegamahguk emuh peenjuhyeëe agoodag ewh kebuhgoojegun;

²⁰ Me emuh kahpeendegad owh nahgahnee‐buhtood kenuhwind oonje; mesuh owh Jesus, kahkeche‐sahsahgewejega‐weneneweïnd debishkoo Melchisedec kahezhesahsahgewejega‐wenenewid.