HEBREWUN 5 - Ottawa New Testament Penteteuch and Psalms 1874

¹ Anduhshid mahween keche‐sahsahgewejega‐wenene anenewid enewh enenewun cheoöndezenid oonjeahnoonah chemeekindung enewh ooduhyeemun Kesha‐Muhnedoo, chesahsahgewetood enewh meegewawinun kuhya sahsahgewejegunun oonje enewh mujje‐ezhewabezewinun;

² Mesuh owh kaketemahganemahpun enewh kakanje‐gasenegoon kuhya enewh wanishenenejin, ween muh ookekishkaun shagwewewin.

³ Mesuh wanje‐nundahwandahgoozid chesahsahgewejegad oonje tebenuhwa oomujje‐ezhewabezewinun, kuhya oonje enewh ahnishenahban oomujje‐ezhewabezewinene.

⁴ Kah dush ahweyah oodoodahpenuhmahzooseen oo‐oo ahpeetandahgoozewin, owh atuh nandoomegood enewh Kesha‐Muhnedoon, debishkoo kahezhenundoomind Aaron.

⁵ Kah suh dush kuhya ween Christ kepezhegandahgooëdezoose chekeche‐sahsahgewejega‐weneneweïnd; owh atuh oo‐oo kahenaud, Ningwis kedow, noongoom kezheguk kegeöogwissemin.

⁶ Debishkoo pukkaun ningooche akedood, Kesahsahgewejega‐wenenewh kahgenig debishkoo owh Melchizedec kahezhesahsahgewejega‐wenenewid.

⁷ Me suh wah‐owh magwah keweyausewid, kahkecheahnuhmeäud kuhya kahpahgoosanjegad bakish kekechenoondahgoozid muhwid keähnuhmeätuhwaud enewh kakushkeäwezenepun chebemahjeëgood cheneboosig, kebezindahwah dush ewh kekootung:

⁸ Ahnuhween goo keöogwissemind oogekekandaun ewh chenuhittung oonje enewh kooduggetoowinun kahkooduggetood;

⁹ Ewh dush kahkeche‐pezhegandahgoozid, keähwe owh wanje‐bemahjememind kuhkenuh enewh duhyabwatahgoojin chekahgega‐bemahdezenid.

¹⁰ Keëgood enewh Kesha‐Muhnedoon chekeche‐sahsahgewejega‐wenenewid debishkoo owh Melehizedec kahezhekeche‐sahsahgewejega‐wenenewid.

¹¹ Nebewah uhyeëen nindahyahmin cheëkedooyaung duhzhemungid wah‐owh, sanuhgukkin chenesittootummingebun, oonje kenuhwah zebiskahje‐bezinduhmag.

¹² Uhpe muh nanduhwandahgwuk zhuhyegwah chetakekenooähmahgayagoobun oonje kinooäzh kekenooähmahgoozeyag, kayahbe kenundahwandahgoozeem ahweyah chekekenooähmoonag enewh ooshke‐kekenooähmahgoowinun emuh oodekedoowining owh Kesha‐Muhnedoo; kuhya nahsaub kedenandahgoozeem anandahgoozewaud egewh kaähshummindebuneeg ewh doodoosh‐ahboo, kahween ewh mashkahwaug meejim.

¹³ Kuhkenuh suh egewh ahyahbujjetoojig doodoosh‐ahboo kahween oonetuh‐kekandunsenahwah ewh menoo‐ezhewabezewine ekedoowin: ahbenoojeëwewug muh.

¹⁴ Ewh dush ween mashkahwaug meejim debandahgwud chemeejewahpun egewh natahwugejig, egewh oonje netuh‐nahnahgahdahwanduhmoowaud gagoo nebwahkahwin kashketoojig chekekanduhmoowaud ewh wanesheshing kuhya ewh muhyahnahduk.