HEBREWUN 4 - Ottawa New Testament Penteteuch and Psalms 1874

¹ Umba dush sagezedah, koonemah ahnuhween goo kemeenegooyung ewh wahweendahmahgawin chepeendegayung emuh oodaunwabewining, ahweyah menik anduhsheyag oodahnoondashkaun.

² Kenuhwind suh kegedebahjemootahgoonaun ewh minwahjemoowin debishkoo egewh; kahween keöondezesewug ahnuhween goo kedebahjemootuhwindwah ewh ekedoowin, oonje kedabwayanduhsigwah egewh kahnoondungig.

³ Kenuhwind suh duhyabwayanduhmung kepeendegamin emuh aunwabewining, debishkoo kahekedood, Ewh kahezhemushkahwe‐kezhwayaun emuh nenishkahdezewining, Kahween tahpeendegasewug emuh nindaunwabewining: ahnuhween goo enewh ahnookeewinun kekezhechegahdag pahahkoo‐oozhechegahdag ewh uhkee.

⁴ Ningooche dush keëkedoo duhzhindung ewh neezhwahsuhgoon, oo‐oo keëkedood, Kesha‐Muhnedoo dush keaunwabe nauzhwahsuhgoonuhguk oonje kuhkenuh oodahnookewinun.

⁵ Menuhwah dush oomah ekedoo, Kahween tahpeendegasewug emuh nindaunwabewining.

⁶ Benuh dush enandahgwud ahnind chepeendegawaud emuh, egewh dush netum kahwahweenduhmahwindjig kahween ketapeendegasewug oonje kedabwayanduhsigwah;

⁷ Menuhwah oowahweendaun pazhik kezhegud oo‐oo keëkedood emuh oonuhguhmoowining owh David, Noongoom kezheguk, wekah egoo; debishkoo akekoong, Noongoom kezheguk kishpin noonduhmag oodinwawin, kagoo mushkahwetookagoon enewh kedaëwaun.

⁸ Kishpin mahween Joshuah kemeenahpun ewh aunwabewin, kahween nahguj oodahgewahweenduhseen pakaunuk kezhegud.

⁹ Benuh dush, kayahbe duhgoomahgudene oodaunwabewinene Kesha‐Muhnedoo oodahnishenahbamun.

¹⁰ Owh suh kahpeendegad emuh oodaunwabewining, ween oogeïshquah‐ahnookeetaunun enewh tebenuhwa oodahnookeewinun, debishkoo Kesha‐Muhnedoo kahezheishquah‐anookeetung ween oodahnookeewinun.

¹¹ Umba anookeedah chepeendegayung emuh e‐ewh aunwabewining, Koonemah ahweyah tahezhepungeshin debishkoo oogoo kahezhepungeshinoowaud oonje kedabwayanduhsigwah.

¹² Oodekedoowin muh Kesha‐Muhnedoo bemahdudene kuhya mushkahwezemahgudene, kuhya ahwahshema kenahmahgudene dush ween ewh uhyeduhwuhyeëe kahnaug ahzhahwashk, puhzhebooëwamahgud dush chenahnahwenaud enewh oojechaugoomaun kuhya enewh oochebaumaun kuhya enewh ahyahnekahwegunun kuhya ewh weembegun, ween dush ookekandaunun enewh nahnahgahdahwanduhmoowinun kuhya enewh enanduhmoowinun emuh oodaëmaung atanegin.

¹³ Kuhkenuh menik kahoozhetoojin oowahbundaunun: kuhkenuh dush uhyeëen puhgukkandahgwudoon kuhya mezheshuh‐wahbuhmenahgwudoon emuh ooshkeenzhegoong owh kadebahjemootuhwung kedezhewabezewinenahnin.

¹⁴ Kekanduhmung dush ween ahyahwung nahgahnezid keche‐sahsahgewechega‐wenene, owh kahezhaud ewede keche‐kezhegoong, mesuh Jesus Kesha‐Muhnedoo oogwissun, minjemandundah kedezhetwahwinenaun.

¹⁵ Kah muh kedahyahwahsenaun keche‐sahsahgewejega‐wenene kaketemahganduhsig keshahgwewewinenahnin; ween nahsaub keëzhekuhgwatebanemah kuhkenuh kuhgwatebanemegoowinun debishkoo kenuhwind azhekuhgwatebanemegooyung, mujje‐ezhewabezewin atuh kahween keähtasenene.

¹⁶ Umba suh emuh soongedaäwining penaunzekundah shahwanjegawine oogemah‐wuhbewin, cheöondenuhmung ewh shahwanjegawin, kuhya chemikkummung ewh shahwanjegawine‐wedookahgoowin uhpe manazeyungoon gagoo.