HEBREWUN 3 - Ottawa New Testament Penteteuch and Psalms 1874

¹ Benuh dush, pahnezeyag wejekewaëmahdoog, kahnundoomegooyag ewh keche‐kezhegoong oonje nundoongawin, nahnahgahdahwanemik Christ Jesus Apostleewid kuhya kache‐sahsahgewejega‐wenenewid emuh kedezhetwahwinenaung;

² Owh kahmenoo‐ahnookeetuhwaud enewh kahahnoonegoojin, debishkoo owh Moses kahezhemenoo‐ahnookeed emuh kuhkenuh oowegewauming.

³ Wah‐owh mahween keënanemah ahwahshema chekeche‐ahpeetandahgoozid dush ween Moses, menik ahwahshema keche‐ahpeetandahgoozid owh kahoozhetood wegewaum dush ween ewh wegewaum.

⁴ Ahweyah keöozhegad keöonje‐oozhechegahdanoon kuhkenuh wegewaumun; Kesha‐Muhnedoowe suh owh kahoozhetood kuhkenuh gagoo.

⁵ Kagate keminwaweze Moses emuh anegookquahnig oowegewaum, ewh kebuhmeetahga‐wenenewid, chedebahdoodung enewh uhyeëen nahguj wahwahweenjegahdagebuneen,

⁶ Christ dush ween debishkoo owh wagwissemind wagemahkundung tebenuhwa oowegewaum; oowegewaum suh kenuhwind kedahwemin, kishpin minjemanduhmung ewh ahpanemoowin kuhya ewh mwahjegandahgwuk nunduhwanduhmoowin nahnauzh ishquah‐bemahdezeyung.

⁷ Benuh dush (debishkoo kahekedood owh Pahnezid Oojechaug, Noongoom kezheguk kishpin wenoonduhmag ewh oodinwawin,

⁸ Kagoo mushkahwetookagoon kedaëwaun, debishkoo emuh nishkeëdewining, kuhya uhpe kekuhgwatebaningawine‐kezheguk emuh buhgwuhduhkummig;

⁹ Uhpe koosewahbuneeg kekuhgwatebanemewaud, kuhya kekuhgwa‐kekanemewaud, kuhya kewahbunduhmoowaud nindahnookeewinun nemeduhnuh duhsoo kekenoonoowinun.

¹⁰ Me ewh kahoonje‐nishkanemugwah oogoo ahnishenahbag, oo‐oo dush keëkedooyaun, Moonzhug wuhneshenoog emuh oodaëwaung; kah dush oogekekanduhsenahwah nemeekunun.

¹¹ Mesuh kahoonje‐mushkahwe‐kezhwayaun magwah kenishkahdezeyaun, oo‐oo keëkedooyaun, Kahween tahtapeendegasewug emuh nindaunwabewining.

¹² Ahkahwahbeyook, nejekewaëdoog, koonemah ahweyah kenuhwah anduhsheyag oodahgeähyaun ahyahgoonwatahmoomahguk mujje‐oodaëmah chegenuhguhnaud enewh bamahdezenejin Kesha‐Muhnedoon.

¹³ Anduhsoo kezheguk kuhgekindeyook, magwah ekedoong noongoom kezheguk; koonemah ahweyah menik anduhsheyag tahgemushkahwedaäshkahwah oonje wuhyazhingashkemahguk mujje‐ezhewabezewin.

¹⁴ Kenuhwind mahween kemeenegoomin chedebandahgoozeyung emuh Christing, kishpin minjemanduhmung ewh kedahpanemoowinenaun netum kahahpanemooyung nahnauzh ishquah‐bemahdezeyung;

¹⁵ Ewh dush ween oo‐oo keëkedoong, Noongoom kezheguk kishpin noonduhmag oodinwawin, kagoo mushkahwetookagoon kedaëwaun, debishkoo emuh nishkeëdewining.

¹⁶ Ahwananug dush egewh uhpe kahnoonduhmoowaud kahnishkeëwajig? Kah nuh ween kuhkenuh egewh kahoonje‐sahgechewenegoojig enewh Mosesun emuh Egypting?

¹⁷ Ahwananun dush enewh kahnishkanemahjin nemeduhnuh kekenoonoowinun? kah nuh ween egewh kahmujje‐ezhechegajig, ooweyowewaun kepungesinnenig emuh buhgwuhduhkummig?

¹⁸ Ahwananun dush enewh kahenahjin uhpe kemushkahwe‐kezhwad chepeendegasenid emuh oodaunwabewining? kah nuh ween egewh kahdabwayanduhsigoog?

¹⁹ Mesuh dush wahbunduhmung ewh kekushketoosigwah chepeendegawaud oonje ewh kedabwayanduhsigwah.