HEBREWUN 2 - Ottawa New Testament Penteteuch and Psalms 1874

¹ Benuh dush, kenundahwandahgoozemin ahwahshema chekeche‐bezinduhmung enewh uhyeëen kahnoonduhmungin; koonemah ningooding kedahgewuhnandahnaunin.

² Kishpin mahween ewh ekedoowin kahduhzhinduhmoowahgoobunan egewh angenug kesoongesing, dushing dush kepegoobetoong kuhya kedabwatunsing, keöonje‐tebahahmahgoozeem ewh quuhyuk tebahahmahgoowin;

³ Ahneen dush kenuhwind kaëzhekushketooyungoobun chetaöozhemooyung, kishpin bahbahmanduhsewung ewh kachetwahwandahgwuk bemahjeëwawin; ewh netum kahmahje‐debahdoodung owh Tabaningad, egewh dush kahnoondahwahjig kegewahweenga‐wahweenduhmahgoonahnig.

⁴ Kesha‐Muhnedoo keweedookahzood kewahbundahewad enewh kekenoowahjechegunun, kuhya papukkaunukkin mahmaundahwechegunun, kuhya oomeegewawinun owh Keche Oojechaug debishkoo ween kahenandung?

⁵ Kah muhoogepuggedenuhmoowahseen enewh angenun chedebanduhmenid ewh kapetuhgwishenoomahguk uhkee ewh dabahdooduhmaung.

⁶ Ningooche dush pazhik kedebahjemoo, oo‐oo keëkedood, Ahneen anandahgoozid enene, chemequanemud? gamuh enene oogwissun, chepemoowuddissud?

⁷ Kegeëzheäh wanebik nahwuj cheduhbussandahgoozid dush ween egewh angenug; kegepesekuhmooäh ewh pezhegandahgoozewin, kuhya kegechetwahwandahgoozewin, kuhya kegepuggedenuhmahwah cheöogemahkundung enewh ahnookewinun kahenuhnookemahguk enewh keneenjeen:

⁸ Kegedahbussittuhmahwah kuhkenuh uhyeëen emuhah-nahmuhyeëe oosittaung. Ewh dush kedahbussittuhmahwaud kuhkenuh uhyeëen, kah suh gagoo oogenuhguhdunseen kahdahbussittuhmahwahsewind. Noongoom dush kahween muhshe kewahbunduhsemin kuhkenuh uhyeëen chetadahbussittuhmahwind.

⁹ Kewahbuhmahnaun dush ween Jesus, owh wanebik nahwuj kahdahbussandahgweïnd dush ween enewh angenun, oonje ewh kekooduggetood emuh neboowining, kepesekuhmoowind ewh pezhegandahgoozewin kuhya kechetwahwandahgoozewin; ween dush oonje ooshahwanjegawin Kesha‐Muhnedoo chetaungundung neboowin oonje kuhkenuh enenewun.

¹⁰ Keënandahgooze suh owh, kahoonje‐oozhechegahdag kuhkenuh uhyeëen, kuhya kahoozhetood kuhkenuh uhyeëen, uhpe wahpeëzheweenaud nebewah enewh wagwissejin emuh pezhegandahgoozewining, chekechetwahweäud enewh bahmahjeëwanejin oomenissenoo‐oogemahmewaun oonje enewh kooduggetoowinun.

¹¹ Owh muh manoo‐ezhewabezeëwad kuhya egewh manoo‐ezhewabezeïndjig pazhigwunoong oondahdezewug: mesuh wanje‐ahgujjesig nejekewaüg cheënaud.

¹² Oo‐oo keëkedood, Ningahwahweenduhmoowaug ewh kedezhenekahzoowin egewh nejekewaüg, emuh nahwuhyeëe ahnuhmeä‐weguhmigoong kegahnuhguhmootoon.

¹³ Menuhwah dush, Ningahahpanemoonun suh owh. Menuhwah dush, Benuh, neen kuhya egewh wanejahnesemindjig Kesha‐Muhnedoo kahmeezhejin.

¹⁴ Debishkoo dush egewh wanejahnesemindjig kahezheöoweyausewewaud kuhya kahezheöomisqueemewaud, mesuh kuhya ween kahëzheähyaud, oonje suh neboowining chebahnahjeäud enewh kahoogemahkunduhmenejin ewh neboowin, mesuh enewh mujje‐muhnedoon?

¹⁵ Cheähbahaud dush enewh kahminjemahpechegahzoonejin pahahkoo‐bemahdezenid oonje kekootummenid ewh neboowin.

¹⁶ Kagate dush ween kahween oogepeweedookahwahseen enewh angenun; oogepeweedookahwaun atuh enewh kahoondahdezenejin emuh oomenekauning Abraham.

¹⁷ Mesuh kahoonje‐nundahwandahgoozid emuh kuhkenuh uhyeëeng cheëzhenahgoozid nahsaub azhenahgoozenid enewh wejekewaün, shawanjegad kuhya ayaungwahmezid sahsahgewejega‐wenene cheähwid oonje enewh uhyeëen dabandungin Kesha‐Muhnedoo, chekuhseebeühmahwaud enewh ahneshenahban oomujje‐ezhewabezewinene

¹⁸ Ewh dush ween tebenuhwa kekooduggandung kekuhgwatebanemind, ookushketoon cheweedookahwaud enewh kagwatebanjegahzoonejin.