HEBREWUN 13 - Ottawa New Testament Penteteuch and Psalms 1874

¹ Mahnoo tahduhgoomahgud wejekewawine‐sahgeedewin.

² Kagoo wuhnandunkagoon chepeendeguhnagwah egewh mahyahdahwezejig: mesuh kedooduhmoowaud ahnind kahezhepeendeguhnahwaud enewh angenun, kenesittahwenahwahsigwah.

³ Mequanemik egewh kabahquahegahzoojig debishkoo weeje‐kebahquahegahzoomagwah, kuhya egewh ahyahnemezejig, kenuhwah mahween kayahbe kedahyaum emuh weyowemaung:

⁴ Kechetwahwandahgwud ewh weedeganindewin kuhkenuh cheweedegawahpun, kuhya ewh nebahgun pazhigwahdezemahgussenook: Kesha‐Muhnedoo dush oogahtebahkoonaun enewh pazhigwahdezenejin kuhya enewh mahkeemahnejin pakahnezenejin oodequamene.

⁵ Kahween tahduhgoomahgussenoon ewh shoobewezin emuh kedezhewabezewinewaung; tabuhganduhmook enewh uhyeëen ayahmagoon: oo‐oo mahween keëkedoo Kesha‐Muhnedoo, Kahwekah kegahnuhguhnissenoon, kah kuhya wekah kegahwabenissenoon.

⁶ Mesuh kaöonje‐ekedooyung, sagezesewung, Neweedookaug owh Tabaningad, kahween ningahkootunseen ewh kadoodahwid enene.

⁷ Mequanemik egewh nahgahnezekundoonagoog, egewh kahdebahjemootuhmoonagoog ewh oodekedoowin owh Kesha‐Muhnedoo: nuhnoopenuhduhmahwik ewh oodabwayanduhmoowinewah, nahnahgahdahwanemik kahezhewuhyaquahnig oodezhewabezewinewah.

⁸ Jesus Christ nahsaub ezhewabeze pechenahgoo, kuhya noongoom kezheguk, kuhya kahgenig.

⁹ Kagoo bahbahbezindunkagoon enewh bakaunukkin kuhya mayugukkin kuhgequawinun: oonesheshin muh chesoongedaäëgooyag shahwanjegawine‐weedookahgoowin, kahween wesinewinun enewh ningood kahenahbuttussenoogin cheöondezewahpun egewh kahmeekindungig.

¹⁰ Kenuhwind kedahyahnaun suhsahgewejegun‐ahbik, emuh anandahgoozesigwah egewh bameetungig ewh puhpugguhwuhyaune‐ahnuhmeä‐weguhmig cheöondenuhmoowahpun kameejewaud.

¹¹ Oogoo dush ahwahkahnug, oomisqueemewah oonje mujje‐ezhewabezewinun paundiguhchegahdanig emuh keche‐ahnuhmeä‐weguhmigoong owh Keche‐sahsahgewejegawenene paundiguhtood, ooweyowewaun chaugizzegahdanewun emuh ahgwahjuhyeëe kuhbashewining

¹² Benuh dush kuhya owh Jesus ahgwahjuhyeëewunenig ewh keche‐ishquaundam keduhzhe‐kooduggetoo, cheoonje‐wabenuhmoowaud enewh ahnishenahban oomujje‐ezhewabezewinene tebenuhwa omisqueem keähyood.

¹³ Mahnoo dush ahgwahjuhyeeëeng ezhahdah emuh oonje kuhbashewining naunzekahwahdah dush owh Jesus ewede ahgwahjeeng ayaud, cheöodahpenuhmahzooyung oo neshebahpenuhdahgoowin.

¹⁴ Kah gooshah gagoo oomah oodanah kedahyaunsemin kahgenig kaöodanuhwung, kenundahwandahmin suh pazhik oodanah kapeähyahmahguk.

¹⁵ Umba dush, ween oonje moonzhug meenahdah Kesha‐Muhnedoo mahmooyahwawine‐sahsahgewejegun, me suh azhemeenewemahguk kedoonenahnin keche‐wahwezhanduhmung oodoonoozoowin

¹⁶ Kagoo wuhnandunkagoon chemenoo‐doodahdeyag kuhya chemuhmeenedeyag: Kesha‐Muhnedoo muh oominwandaunun oonoo doowun sahsahgewejegunun

¹⁷ Nuhittuhwik egewh kakenooähmoonagoog kuhya puggedenedezooyook: ahkahwahbewug muh oonje kejechaugoowaug, debishkoo egewh kadebahjemoojig azhebezinduhmag; cheöonje‐debahjemoowaud emuh moojegezewining, kahween emuh kushkanduhmoowining: kenuhwah kahween ningood kedahgemenoo‐doodahgoosenahwah ewh.

¹⁸ Ahnuhmeätuhmahweshenaum, nindenanindezoomin muh ahyahmaung menoo‐kekanindezoowin emuh kuhkenuh uhyeëeng enanduhmaung quuhyuk cheëzhewabezeyaung.

¹⁹ Kenunduhwaneminenim ahwahshema cheëzhechegayag oo‐oo, nahwuj wuhyebuh chepuggedenegooyaun cheähwewahbuhmenuhgoog.

²⁰ Ahbagish Kesha‐Muhnedoo mahgewad pezaunezewin, kahahbechebahaud enewh Tabanemenung Jesusun oonje neboong owh wakeche‐mahnishtahneshe‐wenenemegood enewh mahnishtahnishun, oonje ewh Kahgega‐kekindewine‐misque,

²¹ Keche‐menoo‐ezhewabezeënag emuh kuhkenuh menoo‐ahnookewining cheähnookeetuhmag ween oodenanduhmoowin, kuhya cheöozhetoomoonag emuh keyowewaung ewh manwandahgwuk emuh ooshkinzhegoong, oonje Jesus Christ; owh kapezhegandahgoozid kahgenig kuhya kahgenig. Amen.

²² Kepahgoosanemenim nejekewaëdoog, chemenoo‐oodahpenuhmag kuhgequawine‐ekedoowin, kegemahjebeuhmoonim mahjebeëgun punge atuh ekedoowinun ezhebeegayun.

²³ Kekanduhmook ewh ahzhuh kepuggedenind kejekewaënaun Timotheus; mesuh owh kaühneweejewug kishpin wuhyebah tuhgwishing, cheähwewahbuhmenuhgoog.

²⁴ Ahnemikuhwik kuhkenuh egewh nahgahnezekundonagoog kuhya kuhkenuh anuhmeähjig, keduhnemikahgoowaug kuhkenuh Italying anduhnuhkeejig. Ahpakish kuhkenuh cheähyahmag shahwandahgoozewin. Amen.