HEBREWUN 1 - Ottawa New Testament Penteteuch and Psalms 1874

¹ Kesha‐muhnedoo, nuhningim kuhya papuhkaun kuhyet kahezheguhnoonahgoobun enewh wayoosemindjin, keähwaud enewh aunwahjega‐wenenewun.

² Noomuhyah kegeguhnoonegoonaun, keähwaud enewh Oogwissun; enewh kahenahkoonahjin chedebanduhmenid kuhkenuh uhyeëen, enewh kuhya kahahnoonahjin cheöozhetoonid enewh uhkeen;

³ Mesuh owh ayahwid ewh oopezhegandahgoozewinewahsayahzewin, kuhya wanje‐kekandahgwudenig oodezhenahgoozewin, kuhya ganuhwandung kuhkenuh uhyeëen oonje mushkahwezemahgudenig oodëkedoowin, uhpe ween tebenuhwa kahkuhseebeähmoonung kemujje‐ezhewabezewinenahnin, kenuhmuhduhbe emuh ookechenekahning enewh Kachetwahwandahgoozenejin ewede ishpeming.

⁴ Ahwahshema mahween keähpeetandahgooze dush ween enewh angenun, oodenandahgoozewining muh oogeoondenuhmahzoon nahwuj kachetwahwandahgwuk ezhenekahzoowin dush ween enewh.

⁵ Ahwananun dush enewh angenun wekah oo‐oo kahenaud Kesha‐Muhnedoo, Ningwis suh kedow, noongoom kezheguk kegeöogwissemin Menuhwah dush, Ningahooyoosemik neen dush ween ningahoogwissemah?

⁶ Menuhwah dush, uhpe paundeguhnaud enewh oonetumoozhahnun oogwissun oomah uhkeeng, oo‐oo ekedoo, Mahnoo kuhkenuh enewh Kesha‐Muhnedoo oodangenemun oogahoojecheengwuhnetahgoon.

⁷ Enewh dush angenun oo‐oo oodenahjemaun, Oodahbujjeäun enewh angenun debishkoo anahbujjetood ewh noodin, kuhya enewh ommezhenahwamun dbishkoo mashkookunag ishkoota.

⁸ Enewh dush Wagwissemindjin oo‐oo oodenaun, Kedoogemah‐wuhbewin O Kesha Muhnedoo, kahgenig uhpena kahgenig ahyahmahgud: ewh menoo‐ezhewabezewine suhkuhoowin me ewh keen kedoogemahwewine‐suhkuhoowin.

⁹ Kegeminwandaun quuhyuk‐ezhewabezewin, kuhya dush kegesheengandaun mujje‐ezhewabezewin, mesuh dush Kesha‐Muhnedoo keKesha‐Muhnedoom kahoonje‐noomenik nahwuj nebewah moojegezewine‐noomenegun dush ween egewh keejekewaüg.

¹⁰ Menuhwah, Keen, Tabaningayun, wuhyashkud kahmahje‐minjemoosittooyun ewh uhkee; kuhya keneenjeen ahwunoon wanje‐oozhechegahdag kezhik:

¹¹ Tahbuhnahdudoon oonoo, keen dush ween uhpena kedahyah; debishkoo suh ahgwewining tahezhekata‐uhyeëewunoon kuhkenuh.

¹² Kuhya debishkoo ookoonausemaung kegaliezhetetebegenaun kuhya tahquakesechegahdawun; keen dush ween pazhigwun kedezhewabezewin, kuhya kekekenoonoowinun kah wekah tahishquahsasenoon:

¹³ Ahwananun dush enewh angenun wekah oo‐oo keenaud, Nuhmuhduhbin emuh nekechenekaung, peenish egoo cheëzheügwah egewh mahgahnikig chetuhkookahnudwah?

¹⁴ Kah nah ween kuhkenuh oogoo bameetahgajig oojechaugoomaug ahwesewug, ezhenahzhahoondwah chebuhmeetahwahwaud enewh kadebanduhmenejin kahgega‐bemajjeëwawin?