GENESIS 9 - Ottawa New Testament Penteteuch and Psalms 1874

¹ Kesha‐Muhnedoo dush oogemenoo guhnoonaun Noahun kuhya enewh oogwissene, oo‐oo dush keënaud, Ashkum bahtuhyenooyook, kuhya meshenooëdeyook, kuhya mooshkenashkuhmook uhkee.

² Kegahkoozegoowaug kuhkenuh ahwaseyug emuh uhkeeng, kuhya kuhkenuh pabahmesajig emuh mezhuh‐gezhigoong, kuhya kuhkenuh mamahjejig emuh uhkeeng, kuhya kuhkenuh kechegummeeng duhzhe gegooyug; kepuggedenuhmahgoom emuh keneenjeeng.

³ Kuhkenuh anduhchewaud mamahjejig bamahdezejig ooweyausewah kaöomejimemeyag: debishkoo kahezhemeene-ahgoog enewh nwahkushkukin mesuh azhemeenenuhgoog ahnooj gagoo uhyeëen.

⁴ Weyaus atuh mahjeyagoon, kahween kegahtuhgoomeejesenahwah ewh wanjebemahduk, mesuh misque.

⁵ Ahbetakummig ningahnundahwandaun kemisquemewah ewh wanjebemahdezeyag: emuh ooneenjewaung anduhchewaud egewh ahwaseyug, kuhya emuh ooneenjewaung kuhkenuh enenewug, ningahnundahwandaun enene oobemahdezewin.

⁶ Ahwagwan kaöonjegahtuhmoowahgwan enenewun oomisqueemene, ween oomisqueem oogahoonjegahtuhmahgoon enenewun: Kesha‐Muhnedoo mah oogeëzheoozheäun enenewun emuh tebenuhwa oodezhenahgoozewining.

⁷ Kenuhwah dush ween, ashkum bahtuhyenooyook kuhya meshenooëdeyook; kuhya keche oonejahneseyook emuh uhkeeng, kuhya ashkum meshenooyook emuh.

⁸ ¶ Kesha Muhnedoo dush oogeguhnoonaum Noahun, kuhya enewh oogwissene wahjewegoojin, oo‐oh keënaud.

⁹ Neen suh kegahuhyeenjesittuhmoonenim newahweendahmahgawin kuhya kenejahnesewaug kaeneähneka‐bemahdezejig.

¹⁰ Kuhya anduhchewaud egewh bamahdezejig wahjewenagoog, penasewug, kuhya ahwahkaunug, kuhya kuhkenuh uhkeeng duhzhe ahwaseyug ayahwagoog; anduhchewaud suhyahguhungig emuh nahbequauning, kuhya kuhkenuh uhkeeng duhzhe ahwaseyug.

¹¹ Kegahuhyeenjesittuhmoonemin dush newahweendahmahgawin; kah dush menuhwah oogahbahnahjeëgoosenahwah kuhkenuh wahyausewejig ewh mooshkuhung; kah menuhwah tahmooshkuhunsenoon chetabahnahduk uhkee.

¹² Kesha‐Muhnedoo dush oo‐oo keëkedoo, Mesuh oo‐oo kekenoowahjechegun pagedenuhmaun chekekenoowahjechegahdag kewahweendahmahdewinenaun azhewahweendahmahdeyung, neen kuhya kenuhwah kuhya kuhkenuh bamahdezejig ayahwagoog kahgenig ahpena kahgenig:

¹³ Nindahtoon nindahgwahnebesaun emuh ahnuhquudoong, mesuh ewh kaöonjekekenoowahduk ewh wahweendahmahgawin azhewahweenduhmoowugwah uhkeeng ayahjig.

¹⁴ Tahpuhgummeähyahmahgud uhpe pahtooyaunin ahnuhquud emuh uhkeeng, me dush ewh chenahgwuk ewh ahgwahnebesaun emuh ahnuhquudoong.

¹⁵ Kuhya ningahmequandaun newahweendahmahgawin, kahezhewahweendahmoonuhgoog kenuhwah kuhya kuhkenuh bamahdezejig ahnooj azheweyausewejig; kah dush menuhwah tahmooshkuhunsenoon chetabahnahjeïndwah kuhkenuh wahyausewejig.

¹⁶ Ahnuhquudoong suh tahahyahmahgud ahgwahnebesaun; ningahnahnahgahdahwahbundaun dush, cheöonjemequanduhmaun ewh kahgega wahweendahmahgawin Kesha‐Muhnedoo kahezhewahweenduhmahwaud kuhkenuh bamahdezenejin wahyausewenejin emuh uhkeeng.

¹⁷ Kesha‐Muhnednoo dush oo‐oo oegeënaun Noahun, Me suh oo‐oo kaöonjekekenoowahduk ewh wahweendahmahgawin, kahezhewahweendahmoowugwah kuhkenuh wahyausewejig emuh uhkeeng.

¹⁸ ¶ Oogwissun owh Noah, kahsahguhuhmenejin emuh nahbequauning, me enewh Shem, kahya Ham, kuhya Japheth: Ham dush, oogeöoyoosemegoon Cainanun.

¹⁹ Mesuh oonoo neswe kahoogwissejin owh Noah: mesuh egewh kahoonjeähnishenahbakaug anegookookummegaug uhkeeng.

²⁰ Noah dush kemahje‐ketega‐wenenewe kuhya oogeöozhetoon shoowemine‐ketegaun:

²¹ Oogemenequan dush shooweminahboo, kekewushquabe dush; kuhya kepingwahshahgede peendig oowegewauming.

²² Ham dush, oosun owh Cainan, oogewahbuhmaun oosun pingwahshahgedenid, oogeweenduhmahwaun dush wekahnesun ahgwahjeeng ayahnejin.

²³ Shem dush kuhya Japheth oogeöodahpenahnahwah puhpeesekoowahgun, kuhya nuhyazh oogeühtoonahwah oodenemaunguhnewaung, keähneähzhaöosawaud edush, keähgwahnahwahwaud pangwahshahgedooshinenid oosewaun; pukkaun ningooje enahbewaud, kahween oogewahbunduhmahwahsewaun oosewaun oopingwahshahgedewinene.

²⁴ Uhpe dush Noah kwashkoosid kekewushquabeed, oogekekandaun kahdoodahgood enewh nahwuj agahsheënejin oogwissun.

²⁵ Oo‐oo dush keëkedoo, Tahkuhgwahnesuggandahgooze Cainan: oogahkeche‐buhmeetuhwaun mah enewh wekahnesun.

²⁶ Oo‐oo dush keëkedoo, Shahwandahgooze Jehovah oo Kesha‐Muhnedoomun owh Shem; oogahbuhmeetahgoon dush Cainanun.

²⁷ Kesha Muhnedoo oogahmeshenooäun Japhethun, tahdah dush emuh eowegewauming owh Shem; oogahbuhmeetahgoon dush Cainanun.

²⁸ ¶ Noah dush kebemahdeze niswauk duhsoo pepoon ahshe naunemeduhnuh kahishkwah‐mooshkuhung uhkee.

²⁹ Kuhkenuh ookezhegudoomun menik kahbemahdezid Noah me shaunguswauk ahzhe naunemeduhnuh: keneboo dush.